أهلا بك يا بيرلا ..
يبدو انك عائلة .. بالتالي أنصحك بالسكن في منطقة السيف لقربها من المجمعات وبالتالي ملاهي / سينما / كوفي شوب والخطوط السريعة كذلك ..
عندك في السيف طال عمرك .. اما سيرينا لاند مارك وممكن تاخذ غرفتين نوم مع صالة ب 500-600 ريال في الليلة وبتلاقي أيضاً في بعض المجمعات السكنية شقق للايجار في السيف ولكن لا تحضرني الأسماء وسعرها مقارب ل لاند مارك
وعندك كذلك الراية واليت لكن أسعارها أغلى شوي ..
أنصحك وبقوة ب لاند مارك وهي مقابل مجمع السيف وبالامكان الحجز من عندهم مباشرة و بأحاول أجيب لك رقم التلفون ..
بالنسبة للسيارة .. ما فيها مشاكل
أما عن الأماكن السياحية في البحرين فهذا برنامج أولي بسيط وسريع حتى أجيب لك التلفون والتفاصيل إن شاء الله
عندك يومين ل محمية العرين وجنة دلمون المفقودة عين عذاري ومركز الجسرة للحرفيين وبيت الجسرة قلعة البحرين ويوم ل متحف البحرين وبيت القرآن وباب البحرين و تروح المقاهي والمطاعم في شارع الشيراوي في الجفير
وعندك يوم للتمشية في المحرق والمنامة والأسواق الشعبية والكورنيش والمولات بكل تأكيد بتكون قريبة منك بكل وقت
أتمنى لك الفائدة والوقت الممتع ولنا عودة ان شاء الله

1. في أماكن وايد حلوة ومنها :

مرحبا
مرحبتين
كل عام وانتو بخير
وأنت بخير وصحة وسلامة
من زمان عن البحرين اخر مرة زرتها قبل 3 سنوات وكانت زيارة سريعة
حابين نزورها بنص اكتوبر يمكن 14 اكتوبر واحنا شخصين وطفل واحد
حياكم الله .. وأهلاً وسهلاً فيكم
اسئلتي ؟

• ابي فندق يكون مستواة متوسط اهم شي عندنا النظافة ومايكون مرة بعيد

من المجمعات وسعرة بحدود 600 ريال واقل لليلة واحنا ماراح نطول يمكن بس 4 ايام
راح أعطيك يا أخوي أكثر من فندق وأنت أدخل موقع بوكينج وجوف الصور وأختار الفندق اللي يعجبك
1. فندق جراند إليت (الليلة في حدود 80دينار) أربع نجوم / منطقة السيف
2. منتجع وسبا إليت (الليلة في حدود 70دينار) أربع نجوم / جسر الشيخ حمد بين المحرق والمنامة
3. منتجع نوفوتيل الدانة (الليلة في حدود 65 دينار) أربع نجوم / جسر الشيخ حمد بين المحرق والمنامة، جنب منتجع وسبا إليت
4. شقق إليت الفندقية (الليلة في حدود 70 دينار) أربع نجوم / منطقة السيف
5. فندق جولدن توليب (الليلة في حدود 65 دينار) خمس نجوم لكنه قديم / منطقة المنامة قرب برج التجارة العالمي
6. فندق ذي كي (الليلة في حدود 80 دينار) اربع نجوم / منطقة الجفير
7. فندق ديفا (الليلة في حدود 50 دينار) أربع نجوم / منطقة الجفير
وهذي يا أخوي افضل الفنادق العائلية في البحرين اللي 4 نجوم .. وترى يا أخوي الأسعار مب أكيد ترى تجريبية ..

• السيارة راح تكون مستاجرة كيفف بيكون الوضع عادي ولا فية مشاكل

لا عادي يا أخوي ما في اي مشكلة بس اتوقع راح يطلبون منك الجواز أو بطاقة الفيزا .. بس لو عندك جي بي اس راح تستانس أكثر .. لأن راح تدل كل مكان .. وأذا راح تستأجر من المطار يفضل في الرجعة أننك تروح المطار من قوت شويه علشان إجراءات السيارة ..

• بصراحة ماعرف الا الستي سنتر والسيف ايش الاماكن الثانية الحلوة للاطفال اشياء بحرية او حداىق ينبسطون فيها

في أماكن وايد حلوة ومنها :

(مجمع الستي سنتر مجمع السيف مجمع مودا مول مجمع العالي مجمع البحرين مجمع الدانة مجمع اللؤلؤ مجمع المارينا حديقة واهو المائية في مجمع الستي سنتر ماجيك بلانيت في مجمع الستي سنتر جنة دلمون المفقودة حديقة مائية وجنبها محمية العرين حديقة حيوانات حلبة البحرين للفورملا سيارات الكارتنغ منتزة عين عذاري متحف البحرين الوطني أرض المرح فيها تزلج على الجليد وبولينغ رحلة إلى جزر الدار رحلة إلى جزر حوار سوق المحرق الشعبي سوق المنامة الشعبي شارع الشيراوي للمطاعم والكوفي شوبات الراقية).
0 طريقة الحجز احنا ماعندنا فيزا ف ماراح نحجز من النت وش الحل ؟
الحل أنك تروح مكتب سفريات وتحجز منهم تذاكر الطيران وحجوزات الفنادق .. أو أنك تستعير فيزا من أحد من اصحابك أو أحد من أهلك ..

• ممكن برنامج لمدة 4 ايام اي اقتراحات اي شي ممكن نستفيد منة

اليوم الأول : الصباح تروح محمية العرين تجوفون الحيوانات وتاخذون جولة بالباص في المحمية، وبعدها تروحون جنة دلمون المفقودة حديقة فيها ألعاب مائية زحلاقات وبرك بنظام البحر وغيرها من الألعاب، وأول ما أتخلص من جنة دلمون ترجع الفندق وتاخذ دش وتبدل وتروح مطعم راقي وتتعشى وبعدها ترجع الفندق ترتاح بعد الألعاب في جنة دلمون ..
اليوم الثاني : الصباح تتفطر في مطعم لبناني، وبعدها تروحون مجمع الستي سنتر لأن الصبح راح يكون خفايف وحلو .. وتروحون تلعبون الولد في ماجيك بلانيت .. وبعدها تتمشون وتدخلون السينما .. وبعدها تتغدون في مجمع الستي سنتر .. وبعدها تروحون السيف بعد تتمشون وتتسوقون لين فليل .. وفليل تتعشون في مطعم في مجمع السيف .. وبعدها وقت حر ..
اليوم الثالث : الصباح تروحون متحف البحرين الوطني، وبعد ما تخلصون من المتحف جنبة في أرض المرح فيها تزلج على الجليد وفيها بوليغ .. وبعدها تروحون سوق المحرق وتتمشون فيه .. وبعدها تروحون جزر أمواج وتتغدون في مطعم ليوان وهو متخصص في الأكلات الشعبية البحرينية والخليجية .. وبعدها ترجع الفندق ترتاح شويه .. والعصر أو جريب المغرب تروحون منتزة عين عذاري وهي ملاهي فيها ألعاب حق الكبار وألعاب حق الصغار .. لين فليل .. وبعدها تروحون شارع الشيراوي أو خلف مجمع العالي اللي جنب مجمع السيف فيه جم مطعم من المطاعم الراقية والحلوة .. تتعشون هناك ..
اليوم الرابع : إذا تبي تروح الحديقة المائية الأخرى واهوو اللي في مجمع الستي سنتر تقدر تروحها .. أو أنك تروح رحلة بحرية إلى جزر حوار وفيه نوعين فيه مبيت ليلة وفيه تروح الصبح وترجع العصر .. وتروح سوق المنامة الشعبي وتتمشى .. وبعدها عنك وقت حر تتمشى فيه وين ما تبي تروح ..
واشكر مسبقا كل اللي بيردون علي
والعفو يا أخوي .. وغذا عندك اي سؤال أو اي استفسار ترى حاضر لك
يعطيكم الف عافية
الله يعافيك
وتقبل مروري

مرة شكرا اخواني على هالمعلومات
افدتونا كثير
بالنسبة للسكن اي احنا عائلة انا وزوجي وبنتي 3 سنوات
والسكن جربنا ايليت سويت و جولدن توليب ايليت كان حلو بس جولدن ابدا ماعجبنا
اعجبني جنة دلمون بس طبعا انا ماراح استفيد منها للاسف وحديقة الحيوانات ايضا عجبتني لازم نزورهم المرات اللي قبل طول الوقت في المول وسينما بس مارحنا شي ثاني ماحسيت اني رحت للبحرين ولاشفت شي كمان المتحف حلو الواحد يزور اماكن كيذا
يحس بالسفرة مو كل شي مولات
السفر راح يكون عن طريق البر مو طيران ,, جراند ايليت عندهم غرف ب 600 تكون مع افطار او من غير
موكا اخوي وش تقصد حجز مباشر يعني من الهاتف اقدر احجز ياليت والله نعطيني الارقام اكون شاكرة
مرة ثانية شكرا مليون مرة يعطيكم الف عافية ربي يووفقكم

يا أختي في بعض الفنادق البعض من الكل .. وعلى حسب الموسم .. إذا ما كان في زباين وايد يحجزون لك بالتفلون .. لكن إذا خلفت الغرف وباقي بس غرفة وحدة احتمال يعطونها أول زبون اييهم .. يعني جنج ما حجزتي .. ويا أختي مكاتب السفريات ترى أسعارهم أرخص من أنج تحجزين من الفندق نفسه .. جربي مكتب السفريات وجوفي أسعارهم .. وجراند إليت ب 800 ريال .. وعلى حسب من الممكن أن في شهر أكتوبر تكون عروض وترخص الفنادق ..