هاه
خذ العلم مني
توكل على الله وتعال ولايهمك كلام اي احد انا في بريطانيا اكثر من 3 سنوات ولا في احلى منها وكل يوم يزيد حبي لبريطانيا وانا ساكن في لندن
كامبردج مدينة صغيره وكلها طلاب يعني مافي خوف ابد ابد ابد ومليانه عرب ماراح تحس بالغربه
السكن عند عائلة اغلب الناس اللي تجي هنا تسكن عند عوائل واذا العائلة ما ناسبتك تغيرها بالراحة عن طريق المعهد اللي رتب لك السكن
الشعب البريطاني نظامهم كل واحد في حاله إلا حاله شاذة منهم وهم قليلين جداً
ابتعد عن اماكن الشبهه والخروج آخر الليل لوحدك لأنه يوجد ناس سكاري ما يدرون وين الله حاطهم
لاتثق بأي احد يقدم لك اي نوع من المساعده وخصوصاً العرب لأن اغلب شغلهم النصب في نصب
اتمنى لك رحله موفقه واي خدمه انت آمر وانا أطامر
اخوك
عبدالله

اما انا نصيحتي لك من اللي اشوفه هنا من الاخوان الطلبه الخليجيين و العرب
ابعد عن اصحاب السوء
ولا تخلي غربتك و فكرة انك منت حول اهلك و اصحابك تخليك تماشي اي واحد اسم انه سعودي
لان فعلا حال الشباب السعودي خاصة طلاب اللغه جدا مزري اطفال و اول مره يسافرون لحالهم
انبهرو بالحريه و الحياة الجديده
و اشوفهم قدام عيني قمة الاخلاق السيئه و يتكلمون طوال الوقت سوا عربي
طيب وش الفايده؟ اذا سهرات و شرب الليل و يفوتك دوام المدرسه و المسا جالس مع الخليجيين؟
يعني انا البنت السعوديه حتى هنا ما سلمت منهم
و ما يفكني منهم الا الشرطه البريطانيه
و اكتشفت ان احيانا السكران البريطاني محترم اكثر بمليون مره من بعض الخليجيين الصاحين

كل عام وانت بخير أخوي هاه
والله يوفقك أن شاء الله في دراستك وتجيب أعلى الدرجات
هذا الرابط لمشرفنا ملبورن فيه تكلم عن النصائح في بريطانيا وأن شاء الله يفيدك
نصائح في بريطانيا https://artravelers.com/p/re/62861
والاخوان كمان ماقصروا
وياهلا فيك

:112::112::112:
من اللي يقوللك ان الشعب البريطاني اخلاقة موب كويسة والله انا ماقد شفت شعب محترم مثل الشعب البريطاني ماعمرهم مسوني بكلمة وانا منقبة بالعكس حتى ولدي يلعبونة ويضحكون معاه
لاتخاف اخوي تعال وانت متطمن واغلب الناس اللي هنا كانو يدرسون في امريكا يقولون حسينا بالفرق بين الشعب البريطاني والامريكي لانهم في امريكا كانوا يتعرضون لاهانت واستهزائات وعنصرية بس هنا ابد مايتدخلون بشي ابد
واتمنى لك التوفيق

والله ان شعورك نفس شعوري ,
الله يعين , وشكراً ياميسون على الرابط

Mr.STING
اشوى انك ما رديت علي اول واحد ولا كان جاني الهم وكنسلت رحلتي بس الحمد لله رد علي ذا الأجاود الله يوفقهم ويخليهم لعين ترجيهم .
وشكرا لك من مر ووزع النصائح الحلوة وشكلي بروح لبريطانيا ولعاد نيب راجع وبحبهم زيهم بس انتم ما عرفتوا مشكلتي انا مشاكس من الدرجة الأولي ولا هوب بسهولة اخلي الغلط يعدي لو تروح روحي فيها هاذي الي مضيق صدري ولا ادري وشلون اقدم تنازلات اخاف اموت من القهر .
تحياتي للجميع ولا تحرموني من نصائحكم اذا احتجت لكم .

العفو أخوي Mr.STING
والله يوفقك أنت كمان في دراستك في بريطانيا
وكل عام والجميع بخير