يؤ يؤ ... وش دعوى .. طيب ماحد يرد؟؟
اي احد زار النرويج وعلى علم لو ببعض اسئلتي

طيب اياحد زار النرويج ..... اي احد .. اي شي؟؟؟

faris governmen
اهلين اخوي فارس وحياك الله واعتذر عن التأخير بالرد لأنقطاعي الفترة الماضية عن المنتدى........
بالنسبة ل 14 يوم كافية جدا للنرويج والميزانية بالنرويج ما تختلف عن ميزانية الدول الاوروبية المشهورة بأرتفاع تكاليفها مثل فرنسا وبريطانيا والمصاريف اليومية تكلف تقريبا بين الالف والالف وخمسمية بدون مصاريف السكن طبعا ..... وبالنسبة لطفلك الله يحفظة لك يعتمد عليكم مسألة تاخذونة او لأ فأذا ناوين تتنقلون لأكثر من مدينتين ما انصحكم تاخذونة لان طبيعة النرويج شبيهة بسويسرا من صعوبة التنقل واختلاف التضاريس من جبال متجمدة الى سهول ووديان وافضل المدن هي اوسلو العاصمة وبيرغن وجزر لوفتن بالشمال هذا طبعا من تجربة شخصية وهذا مايمنع انه فية مدن جميلة بس ما اسعفنا الوقت اننا نزورها .
وبالنسبة للسكن في العاصمة اوسلو فأفضل فندق هو فندق غراند اوسلو grand oslo اما في بيرغن ففندق كلاريون Clarion Hotel هذي الي انا جربتها وعجبتني رغم ان مافي مقارنة بين الفندقين من ناحية الموقع ومستوى الغرف ولكن الثاني مقبول جدا ومريح ...... واما الطيران انا استخدمت الخطوط التركية لانها كانت الارخص والاسرع في الوصول وهي جيدة من ناحية الخدمة.
اتمنى اني اكون افدتك
دمت بخير