المسافر راح2008
25-06-2022 - 09:45 pm
تحية طيبه
انا رايح لتايلاند بعد اسبوع إن شاء الله والحقيقه لسى ما حجزت فنادق لاني لقيت فرق بالاسعار بين المكاتب السياحيه بمدينة الرياض وتأكدت انا من هالشي وقعدت ادور بينهم وكل واحد يعطيني سعر مرتفع واحترت بينهم . وجتني فكره اني ما احجز من هنا الا حق يومين ببانكوك بس وخذيت عنوان كم فندق ببنانكوك وبوكيت من ضمنها موفينبيك ووستن ودقيت عليهم ولقيت فيه حجوزات واسعار ارخص من المكاتب السياحيه .
انا محتار ودي اجازف واروح هناك بدون حجز وخايف بنفس الوقت اني ما القى بنفس الفتره اللي ابروحها هناك مع العلم اني عرفت ان المكاتب السياحيه الصغيره منتشره بتايلاند ويعطونك اسعار ارخص شوي من الفندق نفسه بإعتبار انهم يجيبون لهم زبائن . ارجو مساعدتي ولكم الشكر الجزيل
الاسعار هي نفسها من هينا او مناك طالما انت محد الفندق ،،، الفرق بالتفاون من نفس المكتاتب بالرياض
وغير كذا وش تتوقع يكون مناك ارخص ب 100 او 200 ريال
طيب عندك اقامه ومعيشه في اليلتين في بانكوك
صدقني اخوي اريح وافضل لك احجز من هينا خصوصا انك محدد الفنادق وعارفها
تحياتي