بكره احلى
ورحلة سعيدة

كفى ووفى خبيرنا المسافر ..
مثل ما قال أخوي شهر 10 أخف من 11 12 1 .. لان تدريجياً الجو يبدأ يصير شتوي وثلجي أن صح التعبير ..
وعسى الله يكتب لكم الرحله الموفقه والمُيسره ..
دمتم بود

الله يكتب لكم السفره هالسنه
لندن في شهر 12 و 1 ما تتطوف .. الكريسماس و نيو يير و التخفيضات و الفعاليات عجيبه بمعنى الكلمه .. لكن بيكون برد بس برد لندن حلو لكن اذا ما تبين برد هالشهرين قمه البرد .. و اسعار السكن و التذاكر ترتفع لكن السوق كله تخفيضات ...
شهر 10 الزين فيه مو وقت ذروه يعني السكن و التذاكر تنخفض و الجو برد معقول .. لكن السوق ما يكون سيل ..
انتو عددكم صغير فالفندق اوفر و افضل لكم .. منها تغيير جو عن البيت و جو الفندق احلي بالسفر ..
قارني الفناق و اسعارها بالمواقع من :
http://www.hotelscombined.com
و الفنادق اللي يم الهايد بارك لا تعد و لاتحصى
القي نظره علي موضوعي في التوقيع فيه بعض الفنادق اللي سكنها و صور ورايي فيها

ياعسى ربي يسعدكم ويجزاكم خير مره ريحتني اجاباتكم
اخوي المسافر الصغير بالنسبه للفيزا الشنقن لو طلعتها حتكفي لزيارت لندن وباريس وكم سعرها مثل فيزة لندن ب450 او اكثر
باريس مو مره حابتها بس ممككن اجلس فيها يومين كحد اقصى مره ازور برج ايفل ومره والت دزني عشان الطفل لانه لندن ماراح ازور ملاهي فحيكون والت دزني كفايه وبعدها ارجع لندن ان شاءالله
محبوبتي لندن بشهر 10 حيكون بارد بس ممكن حبيته اكثر عشان الطفل الي معاي يقدر يتحمله اتوقع عالكرسمس حيكون برد مره
aLKuwaitia
بالنسبه للشوبيق ودي يكون بالكرسمس عشان السيل بس حيكون برد مره وانا ماحب البرد الكثير
وبالنسبه للشوبينق اذكر يمدحون اوت لت بلندن يقولون بضاعته روعه وسعره بلاش فاتوقع راح اتسوق اغلب شي منه
اذا عندك معلومات عنه باليت تذكرينها وراح ادخل مواضيعك مشكوره ياعسل
اخواني بسالكم الحين بالسفر زوجي معتمد علي ميه بالميه اقصد بالتخطيط لسفر وهو متعود على كذا دايم انا رلي اخطط للسفر والاماكن السياحيه والاوتيل والطييران وحتى السواق
بس متخوفه هالمره من لندن مدري كيف حخطط الرحله الي مدتها حوالي 10 ايام فقط وكيف بحجز لباريس وكيف بستخدم االمترو مع اني قريت كذا موضوع عنه بس مافهمته للاسف
!!!!

الاوت لت حلو بس مو كله اسعاره رخيصه ، حسب البضاعه
تروحين لمحطه مارليبون وخذي تيكت للبيستر نورث وهناك اذا وصلتي بتلقين باصات تودي للاوت لت وهي فرري ( خذي روحه ورجعه )
التنقل في الاندر قراوند والباصات ( خذي تيكت الون دي ) اوفر لك وتتنقلين على كيفك بالاندر قراوند او بالباص بنفس التذكره
انا احب الباصات لانك تشوفين اشيا ممكن توقفين عندها + تشوفين شوارع لندن
فيه محل ام اند امز في البيكاديلي كبير ومره حلو عشان الصغير
كيف تستخدمين المترو + الباصات / فيه خرايط تلقينها بنفس المحطه او بالسكن اللي انتي اخذتيه عند الرسيبشن
و اذا خذتيها بتفهمين .. او اذا وصلتي محطه الاندر قراوند اسالي كيف تروحين للمكان اللي تبينيه وبيشرح لك ع الخريطه

ايضا بموضوعي بالتوقيع في بوست كامل بالتفصيل عن الاوت لت
والله بالكريسماس برد بس برد محبب للقلوب :d
مافي شي يخوف .. لندن سهالات ان شاء الله بس اقري المواضيع و التقارير و كل شي سهل ..
و ترا الباصات تغني عن المترو الا للاماكن البعيده .. انا افضل الباصات والله اسرع و بلا ركضه مترو و سلالم و لويه

مشكورين اخواني سيفت كل معلومه قلتوها ماقصرتو
بس حبيت اسالكم ايش رايكم باوتيل
London house hotel !!?

Hotel 34 london
Stylotle
Castelton hotel