حياكم الله
الاكل ممنوع ولكن انتو وحضكم
انا شلت معاي اكل وعداء
نظام التفتيش بالمزاج في اوروبا
ونحن في الخدمه

guesss
حياك الله اختى الفاضلة
الرز متوفر ببريطانيا وسعر مقول بس الفرق دينارين ما تسوى شحنا بس
مو كل الانواع
عندهم تلدا وليلى ممتاز عند بقالات العربية
انصحج بالماجى والصلصة
اما جبن كرفت ما تحصلينا واذا حصلته مو اقل من 10 باوند الصغير يعنى 5 دنانير بس عند الوادى الاخضر والجمعية 24 ساعة عند الويست اند كي مو دايما تحصلينه نادرا وكل الانواع متوفر الا كرفت السائل
وانتى وحظكم بعض المرات يطوفون وبعض المراد يدققون ويصادرون الاكل الى معاكم خصوصا الجبن والحليب
ورحلة موفقة باذن الله الكريم

والله أنت وحظج ... بعض الأحيان ايفتشون ويقطون الأكل ...
من سنين وأنا أحط بعض الأكل في الشنطة ... علما بأني أسكن الفنادق ... والأشياء اللي أخذها مثل القهوة والأجبان ...
وكل سنة محد يقول لي شي ... إلا في العام الماضي فتشوني والموظف قط الأكل ... بعدين كسرت خاطره وردهم لي ...
وقال لي تمنع المأكولات كلها ما عدا مأكولات دول الاتحادالأوروبي ... وقال لي الموظف :أكيد السنة الجاية بتجيبين أكل ...
لكن هذي السنة خفت وما أخذت معاي شي .
تفسيري لتفتيشهم العام الماضي هو بسبب انفلونزا الخنازير .
بصراحة أخذي أكل وانتي وحظج.

شكرا اخواني ماقصرتوا
انا اهم شي عندي يسمحون بجبن كرافت لاني مدمنة عليه من صغري
الاشياء الثانية تتصرف عادي نلقاها بس الجبن المشكلة ههه

انا دخلت معاي اكل لولدي عصاير معلبه شبس وحليب معلب افتحو الشنطه وشافه سالني وشو قلت له حليب لولدي ورجعه ولا قال شي !

عنود الرفاع
دخلتيه معاك الطياره ؟؟
اختنا تقصد في العفش صح Guesss
لا انا ودي اسال بعد اذن اختي
في الطياره
اقدر اخذ معي شي والا كمان مايصير ؟
يعني تشوكليت بس

اييه تشوكيلت وبساكيت بالطياره عادي