كومو
انسي
ايفيان
انترلاكن
بيرتاسو
لينداو
ولنسي
فارينا
لوزيرن
لينداو
بادن
جنيف
زيورخ
و انصحك بهالتخطيط تنزل جنيف
انسي 3 ليالي
كومو 3 ليالي
والنسي 2 ليالي
بيرتاسو 3 ليالي
بادن ليلتين
انترلاكن 4 ليالي
جنيف ليلتين

و اذا بغيت الغي والنسي و زيد يوم في كومو و يوم في بيرتاسو لكن والنسي لا تطوفك

اشكرك يالغالي على هذي الاقتراحات
بس ماعرفت شنو والنسي و بيرتاسو ياريت تعطيني اسمهم الانجليزي و الدوله عشان ابحث فيهم
وايد يمدحون كومو ودي ازورها
اشكر لك تفاعلك

بيرتساو Pertisau قرية في النمسا
واعتقد بتكون بعيد عليكم شوي
ووالنسي Walensee بحيرة في شمال شرق سويسرا بالقرب من بيت هايدي وبتكون على الطريق بين كومو وبادن بادن
وهذا رابط منتجع جميل على بحيرة والنسي
http://www.landal.com/gb-en/holiday-park/switzerland/flumserberg/resort-walensee
وممكن تحجزون فيه عن طريق بوكنج وبالقرب زحليقتين صيفيات
وهذا فيديو على اليوتيوب للمنتجع
https://www.youtube.com/watch?v=yY5WLzt88Aw
ممكن اقترح عليكم الجدول التالي
الوصول جنيف وبعد الوصول استئجار سيارة والتوجه الى انترلاكن
5 ايام انترلاكن - 3 بادن بادن او رست - 3 ايام والنسي او باد راجاز Bad Ragaz -
ثم 3 او 4 ايام كومو او لوجانو - اخر الايام جنيف
كومو او لوجانو ممكن تزورون منهم ميلان واوت لت فوكس تاون واوت لت سيرفالي
https://artravelers.com/p/re/118105 وبالتوفيق

عزيزي مقدام بارك الله فيك يا وسم العطاء
يشرفني خبير مثلك يرد على موضوعي و يثريه صراحة.
انا حاليا قمت بحجز التذاكر ذهاب و عودة جنيف
كانت فكرتي الوصول انسي(كونها قريبه لجنيف و ابي بس ارتاح من الوصول) بعدها فيلارز اولن اسبوع بعدها جريندال والد (انترلاكن) اسبوع ثم مونترو
هذي رحله كلاسيكية تقليدية لان التنقل الكثير راح يتعبني خصوصا معي طفلين
فكرت ازور كومو و لوقانو اثاء وجودي في فيلارز اولن - شرايك؟ ودي ازور الاولت الى اشرت لهم انت.
بالنسبة لبرتاسو فهي بعيدة - اما رست و بادن بادن مافكرت فيهم واتوقع انهم للالعاب !
باد رجز ماعندي فكره عنها.
عندي سؤال اخر بعد
اخر مرتين استاجرت فيهم سياره من القسم الفرنسي دايما يعطوني عادي مع اني احجز تماتيك
وقلت هالمره احتج تماتيك فعلا لاني مع العايله و اريح لي
ابي نصيحتك بطريقه رخيصه و يعطوني طلبي
ادري طولت عليك لكن للحين مخطط رحلتي ما استقريت عليه و ان شاء الله معاكم نحدد

الله يبارك فيك اخي الكريم والشرف لي
وعيدك مبارك
فيلارز اذا كنت تقصد Villars-sur-Ollon فهي قرية جبلية والانتقال منها صعب الى الاماكن القريبة منها
وايضا صعب عليكم تزورون منها كومو ولوجانو لانهم بعيد جدا عنها
ولزيارة ايطاليا الافضل تسكنون في كومو او لوجانو
وبالنسبة للسيارة فمن العادة عند استئجار سيارة اوتوماتيك تحصلونها نفس الشي
وممكن يفيدونك الخبراء في البوابة السياحية اكثر
https://artravelers.com/s/321
وبالتوفيق

عيدك مبارك عزيزي المقدام وعساكم من عواده امين
نعم اقصد فيلارز سور اولن - هذي منطقه جديده علي ماعرف عنها شي بس انها جبلية ساحره
و توقعت اني من خلالها ممكن اني ازور لوقانو و كومو و ماحولهم - اتوقع تقصد الطرق الي تؤدي
الى كومو صعبه و جبليه صح؟
انزين لو فرضنا التوجه من انسي الى لوقانو او كومو اتوقع في طرق مناسبة في ذلك الاتجاه ولا شرايك؟
ممكن تقترح لي اسبوع في مكان محايد !
متواصل معك عزيز المقدام و تسلم يالغالي