أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
اقتراحكم للرحلة في شهر ابريل القادم من 12 الى 22 ان شاء الله عرسان
السكن تشلسي تاور شارع الشيخ زايد والخطوط الناقلة السعودية
ابي برنامج مقترح لاني ماسبق رحت دبي لعشرة ايام
الله يبارك فيك
المشكلة يااخت مزون مادري عن الامكان ولاسبق رحت لدبي وابي تكون مرتبه حسب قربها من بعض لان فيه امكان تحتاج يوم كامل
لاني شفت الاماكن ومحتار وش اختار ووين اروح
هلا بك اخوي
مبروك مقدما
تقدر ترجع لتقريري وتشوف الترتيب والاماكن
بس لو كنتم من هواه التسوق فاانصحك تخلي كل يوم مول
يعني مول الامارات يوم تتغدى وتتسوق وتدخل سكي دبي واذا تبي سينما بعد
ومول دبي يوم بعد
ان شاء الله تستفيد من التقرير (رابط التقرير بالتوقيع)
العفو اخوي
الترتيب كالتالي :
. مول الامارات من الصباح مع زيارة سكي دبي + سوق مدينة جميره + جميره ووك (جي بي ار)
. فيستيفال + السوق الاسلامي ( الشارقه)
. دبي مول + مول البحر ( منطقة برج دبي)
. الباص البرمائي ( برجمان مول ) + وافي مول
. سيتي سنتر + السوق الصيني + الاوت ليت مول ( مع ملاحظة انهم بعاد يمكن نص ساعه من وسط دبي و مافيه مطاعم في الصيني )
. فندق اتلانتس +مارينا دبي (غداء) + ابن بطوطه مول .. و ممكن تعكس و تروح المارينا بالليل احلا جو
هذا اللي قدرت عليه الحين ..
و انصحك بالعصريات تروح الفنادق الفخمه تجرب الكافيهات هناك .. الجلسات تكون راقيه
و برضو لو معك سياره انصحك يوم تروح ابوظبي من الصباح الى المسا .. تشوف قصر الامارات و الكوريش حقهم مره حلو .. و برضو مارينا مول مطاعمه و محلاته حلوه
شكرا الاخت مزون على الترتيب
والاخ التاج على الرد
وبالنسبة للسيارة نشوف كيف الطريقة ان شاء الله بس مادري كم الاسعار تكون في العادة للسيارة
وهل هي اوفر مقارنة بالتاكسي اوالفرق ماهو كبير
ياليت اخوي تراجع التقارير و تختار الاماكن اللي تبي تزورها .. و نرتبها لك
و اي سؤال احنا جاهزين