النمر الوردي5
25-01-2022 - 09:30 pm
السلام عليكم ورحمة الله وبركاته
كيفكم ان شاء الله بصحه وعافيه
انا الله يسلمكم ناوي اسافر امريكا ولاية كنتاكي مدينة لكسنجتون
عندي دوره مدتها شهر ونص بعد عيد الفطر ان شاء الله
وعبيت ابلكيشن D160
وسددت رسوم التأشيرة
واليوم وقبل شوي اخذت موعد وطلع لي موعد بعد ثلاثة ايام
يعني اوراقي كامله وجاهز بس اللي ابي اعرفه وش اللي يصير في المقابله ووشو بتكون اسئلتهم
وهل فيه تعقيد
والدول اللي سافرت لها
الصين
ماليزيا
مصر
الكويت
بريطانيا
البحرين
الامارات
اليمن
مدري وش وضعها عند الامريكان
والشي الثاني اللي ابي استفسر عنه موقع السفاره
اعرف مدخل السفارات اللي على الدائري عند نقطة التفتيش وبعدها الدوار الأول
وبعدها وين اروح
وثالث شي وشكلي كثرت عليكم
وش يفضل البس
ثوب وشماغ ولا بنطلون
ويعطيكم العافيه
راح يسئلونك لو انت طالب متى دخلت الجامعة وبأي مستوى .. ولو انت موظف وين تشتغل وين رايح ؟عند مين ؟ هل سافرت قبل امريكا ..؟؟ ليه رحت اليمن ..؟ ليه اخترت امريكا تاخذ دورة فيها بالذات ..؟ لازم تتطايق الابليشكن جميع الاجوبة يلي في المقابله .. أهم شي خلي اخر همك الفيزا ولاتبين لهم انك مهتم ومرتبك زي ماتجي تجي وراح تجي ان شالله ..
اذا دخلت السفارات روح للدوار يلي عند ساحة كندي .. ومن الدوار رووح يمين تلقى مواقف يسارك وقف فيها هناك السفاره
دوار ساحة كندي الظاهر ثالث دوار ..
بالتوفيق لي ولك