ماهو افضل توقيت للسفر لاندونيسيا؟
جميع الاشهر ما عدا 6 و 7 و 8 و 12 و الاعياد و اجازات الاندونيسيين هذي اشهر الزحمة
كم سعر التذكرة من الرياض بالضبط (السعودية,القارودة) لاني حصلت اختلاف في كبير في الاسعار
حسب التوقيت اذا كان زحمة اكيد بتغلاء
كم تكلفة ثلاثة اشخاص لمدة 14 يوم (غير تذاكر السفر) يعني كم نحط
اتحدى واحد يجاوبك
لاكن اسهل حاجة انك تجيب ورقه و قلم و تقول
1- السكن من 70$ الى 300 $
2- الاكل و الشرب
3- المواصلات ( في جاكرتا رخيصة و لاكن المشكلة في الزحمة )
4- التنقلات من منطقة الى منطقة ( يعني على سبيل المثال من جاكرتا الى الجبل ) حسب اتفاقكم مع السواق
5- اليومية العامة ( المصروف اليومي لكل شخص ) برى القطة
و لاكن خذ في الاحتياط ان اندونيسيا ليست بالرخيصة كما يدعي بعض الاخوان ، كانت رخيصة في السابق
وان شاء الله الاخوان في المنتدى يفيدونك
ان الصلاة كانت على المؤمنين كتابا موقوتا

بعد عيد رمضان الزحمه راحت و التذاكر رخيصه
المصروف على حسب الميزانيه فى 5 نجوم و فيه تحت

مراحب اخوي
احلى وقت قبل الاختبارات السعودية بأسبوعين
انا توي جاي من اسبوعين وكان سفري على السعودية وسعر التذكرة 3320 من الرياض هذا غير سعر التذكرة الداخلية
اما المصروف غير التذاكر لثلاثة اشخاص ولمدة 14 يوم من 6 الى 8 الاف هذا مع الفلة (الوناسة)
اما المقتصد فأقل من كذا بكثير
عموما المصروف والله صعب جدا تحديدة
انا شخصيا كان مصروفي حوالي 1100 باليوم لاني رحت لحالي واخوك والله مبعزق (ايدة فارطة شوي)

تبي الصراحه يا عزيز جاوب عليك راجا
التذاكر في الاجازات غاليه مره مره مره اما في غير الاجازات مو غالي زي الاجازات واقارن لك يعني التذكره رايح بس توصل 3000 ريال بالاجازات اما غير الاجازات تاخذالتذكره رايح جاي 2300 وطالع بس خل في بالك رايح وجاي
وانت واختيارك بالاوقات
اما بالنسبه للصرف لا تاخذ كلام احد صادق راجا يوم قال اتحدى احد يقولك لانها راجعه على صرف الشخص لان واحد راح مثل المده الي انت راح تروح فيه ما صرف الا 5000 الاف ريال وغيره صرف فوق 15000 ريال يعني على حسب الشخص
ورحلة ممتع اخوي الغلي
تحيات لك

في الوقت الراهن
سعر التذكرة
من 3550 الى 3700 ريال تقريبا
اما القطة فاتوقع ان شاء الله تكفيكم
0ريال هذا حسبة شخص متوسط
ولا تنسون ال100 الف روبية
ضريبة مغادرة
اول ما تدخلون وتصرفون كل جواز دبس معه 100 الف حمراء لا تنسونها
خارج القطية
لا خمس نجوم ولا نوم بالسيسان
ههه
خاصة اذا انتم شباب
ترى ما يلزم كل يووم اجار سيارة
بعض الايام يكفي دباب وبعض الايام
يكفي كيري كيري
وبعض الايام طبخ ونفخ وبعضها اندو علم وعشوة مطعم الجزيرة خلووه اخر يومين حسب الميزانية
ههه
وبالنسبة لافضل الايام
هي الايام اليت تناسبكم انتم
ولو حصل غير الاجازة فتراها ارخص تذاكر بكثير وارخص معيشة وتنقلات اتوقع
يكفيكم 3900 ريال قطة
لازم ترووح وانت مخطط 100 وين تروح وين تجي
والمدن اللي تبي تروح لها
فهي من اهم اعمدة ضبط الميزانية

الف شكر لكم على الردود المشجعة