*أم عبدالله*
03-08-2022 - 11:53 am
السلام عليكم ورحمة الله وبركاته
أخواني وأخواتي أعضاء المنتدى الكرام
أتمنى تساعدوني . اود الذهاب لامريكا شهر 4 إن شاءالله مع زوجي .. وهو غير متحمس للسفر هناك لبعد المسافه اولا...وثانيا لأن الكثير من اصحابه اخبروه انه امريكا ليست سياحية وأن اوروبا اجمل وهو من محبين اوروبا... وثالثا يقول لي امريكا غير آمنة!! .. وبعد نقاش طويل معه قالي رتبي الرحله وخليني اشوفها واعطيج رايي لكن مو اكيد اوافق
.. وسبق في كل رحلاتنا إلى اوروبا ان قمت انا بترتيب الجدول والحمدلله تجولنا في اوروبا كلها تقريبا بأكثر من رحلة وكان تخطيطي ناجح والحمدلله
لكن المره هذه انا ضايعه وافتر راسي .. صارلي 4 ايام اقرا بتقارير امريكا لكن مو قادرة اركز .. مو عارفه وين نروح؟؟امريكا وايد كبيرة .. اي الولايات تستحق الزيارة ؟؟؟ وهل ممكن الذهاب من ولاية لأخرى بالقطار؟ زوجي لا يحب قيادة السيارات... وايضا اود الذهاب برحلة الكروز " أللور اوف ذا سيز"فمن اين الانطلاق؟؟؟..
انا وزوجي نحب الاماكن السياحية والاثريه والتاريخية والبحر والطبيعه .. فماذا تقترحون؟؟
لدينا إجازه مفتوحه 60 يوم تقريبا .. شنو اقتراحاتكم؟؟ الله يخليكم اهل الخبره ساعدوني لأني فعلا هالمره احس اني ضعت ومو عارفه اخطط
وجزاكم الله كل خير . وعيدكم مبارك إن شاءالله
طبعاَ اهم الولايات يلي راح تكون في المقدمة " نيويورك ، فلوريدا ، كاليفورنيا ، نيفادا "
ايضاَ زيارة شيكاغو و شلالات نياغرا ..