بالنسبه لنظام الوزن و الشناط غالبا يكون الوزن للشخص الواحد 30 كيلو ( مجموع الحقيبتين ) و الزياده تحسب عليك بمبلغ اضافي و الطيران الداخلي باندونيسيا اتوقع الوزن 25 كيلو بشرط انك حددت الوزن لما حجزت( و يحق لك تشيل حقيبتين ).
و اغراض العزبة انصحك فيها بما انكم عائلة , لأن حلاتها تطبخون بنفسكم بالجبل و قدر الضغط خذه معاك مافيه مشكلة.
و نصيحتي لك تجنب انك تحط سكر و ملح و و و بأكياس لأنهم بالمطار يشقونها مثل ما صار معاي( دور علب خاصة بالبهارات و اغراض الطبخ)
انصحك بالمعلبات تشتريها من السعودية افضل لك وتضمن انك ماخذ الشيء اللي تفضله.
وبالنسبة لأغراض العزبة تقدر تحفظها بالفندق اللي بباندوق و اتوقع راح ياخذون مقابل عليها.
وما راح تستفيد منها ذاك الزود ببالي .. لأن المطاعم منتشره ببالي و بكثره لأكنها تقفل 8 الليل اتوقع و يضل فاتح كنتاكي و ماكدونالديز ( الله يكرم النعمه ) حتى الساعة 3 صباحا.
لأكن لو بيكون رجوعك من بالي الى جاكرتا فأنت مضطر انك تاخذ العزبة معاك.
لو اغراضك وزنها من 26 كيلو الى 30 انصحك عند حجزك للخطوط الداخلية تاخذ وزن 30 كيلو و تتجنب الغرامة عند زيادة الوزن .
بالنسبة لكارفور بجزيرة بالي دوبي بحثت و حصلت بعض النتائج اللي تقولك انه متواجد ببالي لأكن بالنسبة لي ما قد رحت له او فكرت حتى.
carrefour Denpasar
Jl. Sunset Road
والله يسهل امورك يا غالي و رحلة ممتعة
و بأذن الله يفيدك اللي له خبره اكثر

ما شاء الله
يعطيه العافيه That's How We Do It على رده المفصل
و اضافه بسيطه ,
السؤال الاول
انا لما قصيت التذاكر لي ولزوجتي مكتوب عدد الحقائب لكل شخص 2
ومافيه وزن محدد
هل هذا يعني ان الوزن مفتوح!!!!؟؟؟؟؟
نعم يحق لكل راكب شنطتين في الشحن
و شنطه صغيره ( ممكن بعجلات ) وزنها 10 كيلو في الطياره
لكن الاهم ما يكون فيها سوئل : عطور - كريمات - صوص او نكهات
" >
و بكذا يكون عندكم فرصة 6 شنط
4 كبيره - 2 صغيره
السؤال الثاني
العزبه وش احط فيها
انا افكر احط قدر ضغط وكيس رز والبهارات
ودله وابريق وترامس واغراض القهوه والشاي
واجد كل هذي الاغراض على شخصين فقط ( انت و المدام )
ممكن قدر عادي عشان الوزن
و ترمس واحد للقهوه
الشاي في اندونيسيا لذيذ جداً - يعني ممكن تستغني عنه
الرز مهم , لكن اشوف كيس كثير
ممكن اكواب و صحون ورق + سفر بلاستيك
ممكن شابوره - شوكولاته - علك ... الخ
و ممكن سخان كهرباء للطبخ , راح تحتاجونه اذا سكنتو في فندق
" >
سؤالي هل لازم اخذ معلبات وكذا ولا اشترينه من كارفور بجاكرتا؟؟؟؟
افضل تاخذ معاك الشغلات اللي متعودين عليها
لكن ديرو بالكم عالكميه لا تكثرون
سؤال الثالث
انا جدولي هو بونشاك باندونق وبعدها اطلع من مطار باندونق لبالي
واخيرا جاكرتا
سوؤالي لما تكون معي عزبه اكيد راح يكون وزن اغراضي كثير
وخاصه اني ابي اطير من باندونق ع بالي
شرايكم شسوي بالشنط والعزبه
السؤال الرابع
هل استفيد من العزبه في بالي وهل يوجد في بالي كارفور
او محل ثانيةيكون سسعرهة معقول
لو احتجت معلبات وكذا
اشوف بالي هي اللي ممكن تحتاج هالاغراض فيها أكثر , لان معظم المطاعم غير اسلاميه
و اذا من البدايه رتبتو الشنطه بحجم معقول , ان شاء الله ماراح تكون عائق ..
نصيحه اخيره اغراض المعيشه اللي تبي تاخذها , لا تحطها في شنطة العزبه المعروفه
عشان لا تتعرض للسرقه في مطار جاكرتا , لان هذا الموقف تكرر مع كذا شخص ..
" >

استفدنا كثير منك أم عزيز :: رائعة بوابة اندونيسيا ::
الله يجزاك الجنة

بالنسبة للشنط ،، الوزن المسموح به 30 كيلو للشنطة..( شنط الشحن ) اما الشنط اليدوية داخل الطائرة المسموح به10 كيلو ،، ولا تحتوي على سوائل او ادوات حادة
نصيحة كل شيء موجود في جاكرتا ،، اقرب كيرفور ،، شل منه عزبتك ولا تتعب نفسك حتى قدر الضغط هناك
رحلة موفقه

ما شاء الله عليك ي ام عزيز
ثقافة عالية وأسلوب رائع كعادتك في الردود والتوضيح ونورت البوابة اختنا الفاضلة والعزيزة
معلومة بسيطة فالسخانات الكهربائية بدأوا يشددوا عليها في بعض الفنادق مثل بولمان سنترال وبعضهم حتى المكواة البخارية الصغيرة يمنعوا دخولها وصارت مع بعض الأصدقاء !!
هي بشكل عام ممنوع السخان في كل الفنادق في العالم ولكن هناك من يطنش ولكن الفنادق التي فيها تشديد في التفتيش مثل بولمان سنترال بارك ممكن يرفضوا دخول هذه الأشياء ..

بيض الله وجهكم يا That's How We Do It وام عزيز ويعطيكم الف الف عافيه ع الشرح الوافي
سؤال اخير
وش الاغراض اللي ممكن اخذها من كارفور بجاكرتا قبل اطلع بونشاككذلك الفله اللي في بونشاك ايش موجود فيها يعني اكيد بحتاج ملعقه كبيره للطبخ وسكين وصحن احط فيه الرز اذا خلص للتقليط وخضره وبصل وغيره هذي كيف اجيبها

اخوي السكاكين والملاعق والصحون والكاسات خذ لك بلاستيك من هنا بالنسبه للخضرة والفواكه انت رايح لبلاد الخضرة بتلقاها على طول جنبات الطريق الفله فيها تقريبا الاغراض كامله بس الافضل انك ماتستعملها خذ لك شي نظيف من هنا

اذا انتم شخصين فقط اسكن في فندق وارشح لك سيروني 3 ولا تتعب نفسك بالطبخ بالنسبه للجبل فيه مطعم رويال الجزيره وماما نوره مجربة وممتازه خذا معك نواشف جبن زيتون حلاوه تونه وصحون بلاستيك وو زعها في شنط الملابس وخذ كاسات حافظة للحراره للشاهي نصيحه اخو لا تكثر الشناط تبلش القهوه العربية ملحقين عليها في السعوديه وايتغني عنها باكياس النسكافيه والكبتشينو انا الان في إندونيسيا ولا طبخت الا في الجبل في فيلا لاننا عائيله اربع أشخاص وابتلشت بعزبه الطبخ انقلها من فندق لفندق ولا استفدت منها الا لعمل الاندومي للعيال
بالنسبه لفطور الفنادق ما فيه الا البيض عشان كده خذ نواشف للفطور وللظروف اذا اخذت سخان كهرب فاحرص الا تشبكه الا في فيش الغلايه ولا تشغل الفلايه والسخان مع بعض حصلت معي وفصل قاطع الكرهب حق الغرفه
تقبل تحيتي