ههه ههه ههه
مت من الضحك الله يرجك اي والله اكلابهم الله يعزك تخوف

صباح الخير ............!!!!!
اما بالنسبة لي انا وخويي فكنا في زيلامسي قبل شهر تقريبا واستاجرنا سياكل بالنهار .........
ومسوين أبطال المهم قلنا نروح للجهة الثانية من البحيرة ولكن من خلال النفق..!!!
والمصيبة لما دخلنا النفق بالسياكل ما تسمع الا البواري والناس من حولنا مستائين من تصرفنا الخاطئ.
حتى أن النفق ما فية مسار للسياكل يعني يادوب تلصق بجدار النفق تبعد عن السيارات وقربها المخيف.
واستمرينا نمشي ونمشي في النفق نبغى نشوف (النور) وكل شوي واحد منا يطيح ولكن الله الساتر. وأخيرا بعد قطع مسافة أكثر من 2كلم في النفق استطعنا الوصول الى بر الامان بعد ان كادت تطلع أرواحنا من الخوف والظلام والسيارات.
وفي العودة قررنا العودة من طريق أخر بعيد ولكن أمان.

مسعري وافتخر
شكرا للمرور لكن ننطر موقفك
انت والاخوان الزوار
saudia2004
ههه
والله حسيت بموقفك
سويتو شي وتبون المخلاص (توبه)

كنت رايحه مع اخوي باحد المجمعات بشرق اسيا وركبت السلم الكهربائي وكان ورانا رجالين أجانب كبار بالعمر مره المهم الله يكرمكم كنت لابسه جزمه رياضه وعلقت بالسلم الكهربائي ابغى اطلعها ماطلعت اطلعها ماطلعت واخوي يقول لاتفشلينا يوم قربنا واسوي زي اللاعبين كني بضرب كورة وتطلع الخيوط واللي وراي شهقوا من الخوف ههه
قالوا سلامات عسى ماتعورتي ابتسمت وقلت لا عادي ههه ويمشون ويلتفتون علينا

1. الموضوع جميل وحبيت اشارك اخواني بموقف طريف مانساه


2. العجائز خذن سماعتهم وركبنهم وغمض اعيونهن مندمجات بالموسيقى الهادئه


3. انا قاعد من الصبح اتعبث بالمؤشر اللي ايخصها وانا اقول ليش ما اسمع شي

الموضوع جميل وحبيت اشارك اخواني بموقف طريف مانساه

القصه ترجع لاكثر من 12 سنه تقريبا وهذه كانت ثاني تجربة سفر لي يعني بعدني ما اكتبست خبرة السفر ويظل السفر وركوب الطياره مناسبه اتنزل دموع الفرح في ذاك الوقت
المهم مابطول عليكم ركبت الطائره وجلست في مكاني الكراسي اللي في الوسط بس على الجنب يعني اخر كرسي من الكراسي اللي في الوسط وا اشوي ولا عجائز اوروبيات يجلسن على يساري ياجماعه ماتتخيلون كم هن كبيرات بالسن واعتقد بالثمانين او اكبر المهم يحليلهن بادرني بابتسامه بدون كشف طقم الاسنان
شوي وطلبن من المضيفه اغطية السرير (برانيص) مع ان الجو بالطياره كان معتدل المهم جابولهم الشراشف والاغطيه وتغطن ونالني من الغطاء جانب بتعرفون ليش اضحك بعدين المهم
شوي ولا وزعوا علينا السماعات (الهيدفون) عشان انوصله بالراديو اللي فتحته بالكرسي ،

العجائز خذن سماعتهم وركبنهم وغمض اعيونهن مندمجات بالموسيقى الهادئه

اخوكم اللي ياله من الشرشف والغطاء جانب حب ايركب السماعه وقام يدوور على مفاتيح وازرار التحكم بالصوت والحمدالله لقاهم تحت الغطاء بدون ما ارفع عن الغطاء ما حبيت اضايج جاراتي وحليلهن
المهم لقيت المؤشر (يعني شي ينلف بالاصبع ) والف فيه والف فيه ولا اسمع شي ابد واتاكد من تركيب السماعه مره ومرتين وكل هذا طبعا وايدي تحت الغطا وفجأه واطالع يساري وانا بنفس الوقت اغير الموشر بيدي تحت الغطا اتخيلوا ياجماعه شو شفت
شفت وجه العجوز اللي جالسه جنبي يتغير مع كل فرة صبعي للمؤشر تحت الغطا
:1 1ight:

انا قاعد من الصبح اتعبث بالمؤشر اللي ايخصها وانا اقول ليش ما اسمع شي

وكان المؤشر لرفع الصوت ومسكينه هيه ماتدري باني انا سبب المشكله لان ايدي تحت الغطاء
شلت الهيدفون من على راسي ورجعته في كيسه مثل ماكان وجلست اضحك كل شوي واتذكر تجاعيد وجه العجوز مع كل فرة صبعي للمؤشر مال الصوت مسكينه غمضتني بس هي غلطانه كانت مفروض تسالني ارغب بشي من جانب البرنوص ولا لا

هيمان سفر
ههه ههه
يانك سندرتهم

انا صارلي موقف مضحك قبل اسبوع بزيلامسي
المهم اناساكن بفندق في الجهه المقابله للبحيره وفندقي حليو مو ذاك الزود بس يمشي الحال لاني الحالي
جيت الفندق اخر الليل كنت سهران مع شباب متعرف عليهم في يزلامسي عودت الساعه 3 الفجر
المهم جيت الفندق وراح التاكسي والجو هادي حده وسكون ولا في احد بالشارع كلش
جيت عند باب الرسبشن ابطل الباب الا الباب مقفل ياه
شلون مقفل يمين يسار لا والله طلع مقفل
الباب مقفل والمخ تقفل وقعدت العن واسب الفندق والي يسكن فيه
قلت اول مره اشوف فندق يسكر بابه مالت عليك من فندق
المهم التفت عند الباب الا فيه جرس مكتوب عليه after midl night
يعني المقصود بالليل هذا جرس للباب في خاطري اقول داش بيتنا مو الفندق
المهم ارتحت والنفسيه ارتحات قلت خلاص الحين بيتبطل الباب
وادق وادق وادق وادق وادق مافي فايده
يمين يسار ادق ادق مافي فايده بعد
المهم قفلت عدل وادق على الشباب الي اعرفهم قلتلهم الدعوه كذا وكذا
قام يضحك قلتله شفيك ياخوي تضحك احر ماعندي ابرد ماعندك
قالي يا رجال صارلنا نفس الشي قلتله والله شلون قال نفسك جينا الا الباب مسكر
قلتله والحل قال حليناها قلتله شلون قالي عسى عندك مفتاح غرفتك قلتله ايه عندي قالي بطل فيه باب الفندق قلتله تستهبل انت اشدخل مفتاحي مفتاح باب الفندق الخارجي قالي جرب وماعليك الا فعلا
بطل الباب مالت على هالفندق
والله مسخره هالفنادق
بس ضحكت ضحك بعدها يوم انحلت الازمه بصراحه موقف انا اعده انه مضحك وموحش بعد باخر الليل ماكو احد زين اعرف الشباب وضبطوني واعلموني ولا كان الرقده برى على البحيره
المهم بطلت باب الفندق وسكرته وقفلت عليه نحاسه قلت الي مو عارف خله يتبهدل مثلي علشان ولا عاد يوطوط الفندق هذامره ثانيه

ليكون هذا لاتيني يا مسعري

بنت الفيصل
ههه
لامو لاتيني والله ماحفظت اسمه لين الحين لانه معقد بس عندي بالايميل مال تاكيد الحجز تبينه بعطيج اياه
تبين تسكنين فيه ويقفل عليج الباب