السلام عليكم ورحمة الله وبركاته
اليوم تغديت في جاناش الموجود في الفيصلية
وحبيت اصور لكم الأطباق فقط
لأن الديكور للأسف ماخطر على بالي
لأني الصراحه اليوم كنت مشوش مره وكانت عندي ضروف تاعبتني شوي
على شان كذا نسيت اصور الديكور
والصراحه اطباقه رائعه واكله لذيذ
والصور خير شاهد
وبالنسبه للديكور توهم مجددينه وروعه الصراحه
وطبعاً فيه مقهى وحلويات روعه
ولا تفوتكم كيكة التمر شي خيال
المهم هذي اطباقي
طلبت منهم جمبري افوكادو
حلوه ولذيذه وطعمها لاذع
و شوربة الفطر
خيال
ومن سابع المستحيلات اني اجيهم ولا اطلبها
مع العلم اني ما احب الشوربات ولا المرقات (على شان الوزن)
بس شوربة الفطر في جاناش شي ثاني
طبعاً الوعاء حق الشوربه مصنوع من الخبز
يعني ممكن تغرف من الخبز مع شوي شوربه
نشفت ريق الشوربه
الطبق الرئيسي فتوشيني بالدجاج والفطر
يمي يمي يمي يمي
هذه جلسات قسم العزاب
وهي لا تختلف ابداً عن قسم العوائل الا لمن يطلب بارتيشي
وهذا ركن الحلويات والفطائر
حتى الشبعان بيجوع اذا شافها
ملحوضة
الأسعار غاليه
معليش تقرير مختصر
ولكن صورت الأكل وحبيت انكم تشوفونه
واكيد ان البنات كلهم يحبون جاناش
ولكن اعتقد ان اغلب الشباب مايعرفونه
