هاوي الطبيعة
11-02-2022 - 08:02 pm
يعطيكم العافيه شباب
أنا امس رحت مكتب الفيفا علشان يطلع لي فيزا شنجن من السفارة الفرنسية
على اعتبار انها اول محطة اوروبية بنزل فيها ..
جبت معي كل الأوراق ..
تعريف العمل والراتب بالانجليزي
حجز الفندق من موقع بوكينق
كشف حساب
صورتين
تأمين صحي ..
تذاكر السفر .. مقطوعه وخالصة ونن ريفندبل بعد
انا اللي اعرفه ان هذا هو المطلوب .. لكن
مكتب الفيفا فاجأني إني لازم آخذ موعد مع السفارة عن طريق الدخول لموقعهم بالنت
ولما دخلت لقيت إن الموقع فرنسي مافيه اي كلمة انجليزية وهذا اللي زاد الطين بله :112:
يعني سالفة الموعد ذي هل هي تأليف من المكتب والا فعلاً شغلة ضرورية؟؟
الشغله الثانيه .. قال لي حجز الفندق حق بوكينق صوّر معه جب لنا حجز بورقة رسمية
من نفس الفندق
ولا تنسى يابو الشباب تصوّر لنا بطاقة احوالك
يا جماعة .. يأهل الخبرة بهالمجال .. تكفون عطوني تجاربكم بهالموضوع .. تراني مسافر في 7/4 ومحتاج
اخلص اموري من الحين
تحياتي ،،
