اقولك شئ .. التنقل بين دولتين في هذه المدة متعبه جدا .. الواحد يروح عشان يرتاح ويريح باله مو عشان يشغل نفسه بتنقل وعفش .. وحتى مايمديك تشوفين شئ خلال هذه المدة البسيطة استقري على مكان واحد افضل لك ..
ولو سألتيني قلت لك روحي لجنيف ليه مادري .. صحيح ماسبق لي زيارتها لكن اعتقد تستحق الزياره

اخوي ..
احنا مستقرين في بريطانيا ... يعني العفش والشناط كلها اهني ... بس حابين نغير جو في احدى الدول المجاوره لمدة اسبوع وشوي
اعتقد فرنسا ارخص من سويسرا ... لكن سويسرا احلى

ايش ارخص نروح من لندن لين فرنسا بالطياره ولا ال underground ?

نسمه بارده
اللي مثلكم مستقر في بريطانيا متعود على الغلا ماتفرق معه ... بس اعتقد الاندر قراوند افضل لسبب واحد اني من تالي صرت اخاف من الطياره لو ثواني ...
كيف لندن ؟؟؟ ياليت اذا لك تعطينا رايك فيها وخصوصا اني هي المدينة الوحيده المتشفق لزيارتها قبل جنيف .. وياليت تشاركينا وتعطينا نبذه عنها واكون لك من الشاكرين

نسمة باردة يا سلام اسمك حلو بس النسمة من المكيف ولا طبيعية ههه
شوفى مدرى شوف المهم
باريس او جنيف انا اقول باريس لانها الاقرب وكمان حتى تصوروا مع برج ايفل وحجزوا فندق قريب من الشانزيليزية ليش؟ علشان هناك مطاعم كثيرة و محلات المكياج مثل سيفورا
اما جنيف روحوا لها وقت الكرنفال احلى
اشرايك بنصايحى حلوة ؟

نكبة زمانه
فعلا الغلا صار شي عادي عندنا ... واشوف باريس رخيصه من كثر مالندن غاليه
بس انا البنات اللي اهني انصحوني اخذ طياره
والله اخوي انا مستقره في جنوب لندن مب في العاصمه ... بس زرت العاصمه ... طبعا لندن بشكل عام حلوه بجوها وحلوه بطبيعتها وخضارها ...
بس لندن كانت زحمه موت ... ماقدرت ازور بعض الاماكن من كثر الزحمه والجو البارد ... يعني مثلا قصر الملكه كان عليه طابور طويل ومستحيل الواحد ينطر ... وساحة الحمام كانت فضيعه بس زحمه ... والهايد بارك كانت مقبوله لان الاشجار كانت صفرا ماهي بخضرا .. عالعموم انا شايفه باركات احلى في جنوب لندن ...
ان شاء الله لفضيت بنزل تقرير عنها
وشاركتلك مرورك خيو

الاميرة نوف
ذوقج الحلو حبيبتي ... واكيد اسمي حلو لان اغلى انسانه مختارته لي الله يخليها لي
بنصور مع برج ايفيل دام ان التصوير بلاش بس نسكن قريب الشانزيليزيه مستحيل ... لان السكن اكيد بيكون غالي هناك ... واحنا على الحديده ويادوب نمشي امورنا ... ونبي فندق رخيص يمشي الحال بس اهم شي يكون جديد ونظيف
والله يسهل وان شاء الله بصور وبنزل لها تقرير