سراحه ماعمري سمعت ان فيه احد مشتري تذاكر ديزني من النت
أحسن لك تشتريها من هناك فيه محل ديزني بالشانز الأسعار ماتوقع تفرق تشتريها قبل شهر ولا لا اتوقع موحده

fofita
انا راح اكون هناك في 1 _7 وراح اشتري تذكرتي من النت والعنوان بريطانيا لانه ارخص لي بجرب معاهم واعطيهم رقم الحجز انشالله واشوف شنو يصير واعطيك خبر انشالله

ولله ؟؟ غريبه أرخص ليه !!

Q8Super
هلا اخوي
انا مثلك العنوان بريطانيا
بس حبيت اسئلك هل انت اشتريت التذاكر والا لا
وهل يتم ارسالها على العنوان والا اكتفي بتقديم رقم الحجز للاستقبال في دزني ؟
والله يعطيك العافيه اذا رحت ياليت تعطينا خبر كم سعر التذاكر
في النت وكم سعرها في الشانز وفي دزني نفسها
ولك خالص شكري
واشكر الاخوان الذين تفاعلو مع الموضوع

بالنسبة ل fofita ليش ارخص لانهم يستغلون العرب ومالهم خصم
بالنسبة للأ ابي اسافر انا امس بالليل حجزتها وطلعت علي سعر التذاكر 607 باوند ثلاث ليالي في فندق نيويورك مع دخول العاب كلها وافطار الصبح هذا سعر خاص للبريطانين انا حجزته على سعرهم لانه اتصلت تلفون عليهم وقلت لهم انه ابي سعركم قالولي حط اي عنوان نبي منك رقم الحجز فقط ..
7باوند = 713 يورو هذا خصم 40 بالمية لهم
0يورو هذا سعر للخليجيين :112: شوف فرق السعر كلها نفس المدة ونفس الغرف
انا راح اروح هناك انشالله تاريخ 1-7 واقولك شنو يصير معاي

الله يعطيك العافيه اخوي
انا عندي عنوان في بريطانيا
كيف استفيد من العرض الي قلت عليه
الي هو مخصص للبريطانين
ابي تفصيل كامل علية لان موب فاهم الطريقه انا
والله يعطيك العافيه ابي اعرف كم سعر يوم واحد باركين
على العرض البريطاني
وكيف احجزها
ولك خالص شكري

يا هلا اخوي الغالي العملية سهله جدا" وجيد انه عندك عنوان في المملكلة المتحدة
شوف ادخل على الموقع هذا
http://hotels.disneylandparis.co.uk/index.xhtml
يطلع لك اسعار الفنادق كل فندق وله سعر ولازم يكون السعر اللي موجود بالموقع بالباوند عشان تحصل خصم
السعر اللي مسوين علية عرض شامل كل شي مع السكن والطفل اللي اصغر من 7 سنوات بدون مقابل
حتى التذاكر للباركنك والاستديو مع العرض
بالنسبة للأسعار تختلف من فندق لي اخر عند نيويورك اللي انا حجزت فية ليلتة 197 باوند شامل كل شي يابلاش حتى الافطار بعد
لو تحجز مو عن طريق انه عندك عنوان بلندن يطلع عليك الليله شامل كل شي 371 يورو
طريقة الحجز مثل ماقلت من قبل تدخل وتختار الفندق وفي مكتوب book now
بعدين يطلع لك خانات تعبيها مثل عدد الاشخاص وعدد الليالي
وتحجز عادي الحجز سهل وتحط الاسماء والعنوان في بريطانيا ورقم الفيزا
ولما تخلص اجراءت الحجز يطلع لك رقم الحجز وبس اعتقد العملية سهل جدا"

الله يعطيك العافيه اخوي واسف على الاطاله
بس انا سؤالي عن طريقة الحجز لدزني وليس الفنادق
لان احنا حاجزين الفندق في باريس
والي انا ابغى احصل عليه هو اسعار التذاكر لدخول يورو دزني
وطريقة استلام التذاكر
وانا كان سؤالي عن رقم الحجز اقصد دزني وليس الفندق
السؤال هل فيه طريقه للحصول على تذاكر دخول يورو دزني
بالخصم البريطاني والا السعر خاص للفنادق
لان حنا مجموعه كبيره شوي والسعر يفرق معانا
وانا متاسف جدا على الاطاله
وشاكر جهودك الله يجزاك خير

ابي اسفر
لا بالعكس يالغالي اخدمك من عيوني تسلم لي
شوف بالنقطة هذي انا ما اقدر افيدك اذا كان في خصم اولا لاء بالنسبة لأسعار التذاكر ماعندي اكييدة لكن اللي انا اعرفة هو انه الفندق يبيع لك تذاكر او في باريس مكان حق دزني لاند مادري والله وينه لكن انا انشالله اذا رحت هناك سألت لك بإذن الله