السلام عليكم ورحمة الله وبركاته حبيت اخذ رايكم ببعض الامور انا اخذت لي جولة ببعض الشقق الفندقية لان في ضيوف جايين لكويتنا الحبيبة وبالتحديد باخر 10 ايام من فبراير فحابة اشوف لهم اماكن مريحة ومناسبة لهم وقريبة من الاماكن التاجارية وطبعا الاحسن وافضل منطقة السالمية لانها من المناطق التجارية بالكويت واللي فيها كل شي. راح استعرض معاكم بعض الاماكن اللي شفتها اليوم وياريت تعطوني رايكم...
اول شي رحت شفت شقق بودل الفندقية لاني اعرفها وسبق وحجزت فيها لجماعة ايضا كانو زايرين البلد وتفاجات باسعارهم خاصة اني سبق وحجزت فيهم ورحت للمرة الثالثة لهم اليوم سالت عن الاسعار فوجدت ان الغرفة الديلوكس اللي كنت قبل حجزت فيها لناس كانت ب30 و 25 بعد الخصم لليلة لكن اليوم لمن رحت قالت لي ان الغرفة الديلوكس 49 لليلة يعني اوك مهرجان وهلا فبراير بس مو نبالغ جذي والغرفة الصغيرة سعرها 39 .
هذا بالنسبة لبودل وبعدها رحت كورنيش ايضا هو من الشقق الفندقية الراقية والمطلة عالبحر والقريبة من المارينا مول ومن سلسلة فنادق الريدز الغرفة الديلوكس في كورنيش 63 دينار شامل الافطار وكانت الغرف حلوة وايد وكذلك شفت ريدز الشرق بس الغرفة كانت صغيرة سعرها 57 دينار شامل الافطار .
كذلك من ضمن جولتي شفت سارا بالازا وجمايكا لقيت ان اسعارهم معقولة وايد بالنسبة للباقي وفيهم خدمات ونظافة ايضا فمادري شنو رايكم ياجماعة احجز فيهم والا في احد يعرف شقق فندقية افضل من حيث الخدمات والاسعار افضل من اللي شفتهم واسفة عالاطالة وتقبلوا مروري ...