ابو الشباب
ميزانيتكم 200 ريال ولا 2000 ريال
يعطيك العافية

ميزانية فندق 5 نجوم او 4 نجوم لاتكفيه أبدا 200 ريال
بحبحها شوي يبيلك على الاقل 400 ريال عشان تحصل فندق من فئة 4 نجوم
وان كنت انصحكم بالسكن بفندق قريب من مكان العمل عشان يداوم مشي بدلا من زحمه المواصلات في الصباح
التاكسي ياخذ 100 ريال سيارة خاصة
يعني 1200 ليرة
افضل المطاعم تحصلها في منطقة الربوة مثلا توشكا
وطريق المطار مثل بوابة دمشق
لازم تزور القرية الشامية برضو على طريق المطار فيها مثل حارة مسلسل باب الحارة تماما
افضل الحلويات تحصلها في منطقة الميدان في كثير محلات بس افضلها داوود اخوان
افضل حمام مادري بس انا دائما اروح نور الدين الشهيد لان موقعه حلو باالبزورية الي هي قريبه جدا من سوق الحميدية الشهير
هذا الي اقدر عليه وبيجون الشباب هنا ومابيقصرون

ياسمينة ستي
خل عنك الاستهبال
اي 2000 ريال
وين نازل فيه انا في برج العرب تراها سوريا

يعطيك العافية اخوي lio45
طيب لورفعنا الميزانية الى 400 ريال مثل ماذكرت فأي الفنادق الي ترشح لي وحبذا لو تكون بالقرب من سوق الحميدية .
وبالنسبة لحجز الفنادق هل يوجد في المطار مكاتب خدمات حجز فنادق مثل ماهو موجود في دبي
بالنسبة للتكسي اتوقع ان السعر((1200 ليرة )) عالي حبتين
لان المطار مو كثير بعيد عن دمشق فودي احد من الشباب يعطينى معلومه حول هذا الموضوع ولا يهون اخوي lio45
بالنسبة للمطاعم
الي ذكرتها على طريق المطار تقدم وجبات افطار وايهم افضل لاني افكر ازور واحد منها وانا راجع يوم الجمعه لان رحلتي للعوده الساعه 11:30 صباحاً
وانا بنتظار بقية الشباب كلن يدلو بدلوه لاتتركونا .

بالنسبة للتكسي اتوقع ان السعر((1200 ليرة )) عالي حبتينتكسي المطار مسعّر ب 1250 ليرة واحيانا بيرفعوه ل 1500ليرة والمطار يبعد 23 كم عن المدينة ولاتوجد الا شركة واحد للنقل ( احتكار ) والافضل ان تأخذ الباص (كل نص ساعة)
وسعره 45ليرة للراكب وهو ممتاز .
تحياتي

عزيزي بعلمك من الحين
ترى سوريا مو بالرخص الي انت متخيله
اوكي في بعض الاشياء سعرها ممتاز ولاكن الوضع تغير مليون درجة بالعشر سنوات الاخيرة
ابسط مثال لما تروح تاكل في مكان مرتب بس مو فخم ممكن تكون الفاتورة لشخصين بمايعادل 150 ريال
بس حبيت انبهك لهالنقطة
بالنسبة للمطاعم الى على طريق المطار مايستاهل الفطور ابدا تضرب له هالمشوار الناس تروح المطاعم للغدى والتمشيه لان هالمطاعم جلساتها حلوة وشرحه
الفطور عندك ياتاكله بالفندق اذا يوفر او تنزل بالمناطق الى حول الفندق تلقى كفتريات افطر لما تقول بس
بالنسبة لفندق قريب من الحميديه مافي فندق مناسب من راي الشخصي من ناحية نظافة وخدمه لان المنطقه المحيطه بالحميديه كلها يسمونها دمشق القديمه
بس لاتشيل هم مهما كان فندقك تقدر تروح للحميديه بتاكسي وياخذ من 50 الى 75 ليرة يعني الامور سهالات بس انتبه لما تركب تاكسي ياقبل ماتركب تساله او اول ماتركب تشوف هل شغل العداد او لا
اذا شغله حاسبه بقراءة العداد وفوقها حبة مسك اذا محترم ويستاهل ولو ماشغله تقوله بكل هدوء شغل العداد لو سمحت لو ماشغله قوله نزلني اذا سمحت وبس
وان كنت اقترح عليكم تشوفون لكم شوفير محترم وتحاسبونه باليوم على2000 ليرة يمشيكم صبح وليل بس مدري عن اوضاعكم المادية
موفق خير

mharwil
صحيح والشنطه ب 25 ليرة
يابلاش
بس لاتسوي مثل الحوطي الى ركب الشنطة وراح مشي :0z9rx:

mharwil
تسلم ياغالي ولكن ابي اسأل عن الباص الي تقصده هل هو ميكرو باص ابو 10 ركاب او باص فخم ابو خمسين راكب واذا قررت اركب فيه وين احصله في المطار هل له موقف خاص ومعروف ووين راح يوصلني بظبط

صحيح والشنطه ب 25 ليرة
يابلاش
حبيبي وش قصة الشنطة كمان حتى هذي لها حساب خاص يعني شي بديهي انك مسافر يعني معك شنطه لا ويمكن شنطتين بعد .
عجبي لاهالدول العربية ما اقول الا الله يعز الخليج وبس
بس لاتسوي مثل الحوطي الى ركب الشنطة وراح مشي :0z9rx:
حلوة هذي بس لاتشيل هم حوطي بس انا حوطي فاهم ماتشوفوني بسافر سوريا
لاتصدق مع احترامي لكل البشر