حياك الله في بلادك قطر انت ويا الشباب الطيبن
هاذي مجموعة تقارير راح تفيدك في الاماكن السياحيه والمطاعم والفنادق
https://artravelers.com/p/re/283370
واي خدمه احنا حاضريلك

حياك الله بتنورون الدوحه
,بس أهم شي لا تنسون سوق واقف لانه صار صرح سياحي رائع وما يتفوت و عندك مجمع فيلاجيو والسيتي سنتر و إذا في مجال و حصلت وقت روح تغدى في مطعم بخارا الهندي (جنب التنس والاسكواش) من المطاعم المفضلة عندي والناس اذواق , واذكرك بعد ان في سوق واقف بتحصل اشياء حلوة تقدر تشتريها كهدايا تذكارية للوالدة والاهل (صوغة)خ اتعرف خاصة امهاتنا العيايز يحبون الهدايا من دهن عود, بخور, عود, خلاجين, رهش ,......الخ ,وحياكم الله مرة ثانية

ما شاء الله الاخوان كفوا و وفوا
اقامه سعيده

qatar3333
هواها قطري و فراشة الدوحة
اشكركم جدا عالرد السريع وتعاونكم
طبعا سوق واقف فالبال اكيد من مشاهدتنا له فالتلفزيون قناة الدوري والكاس
بس شو سبب تسميته بهالاسم؟

اخوي الدوحاني اشكرك لاهتمامك بمعرفة تراثنا وسوق واقف سمي بهذا الاسم على حسب علمي لأن في عهد قطر القديم كان سوق واقف عبرة عن مكان مفتوح يقوم فيه التجار ببيع البضائع وهم واقفيين جنب بعض يعني ما كان في محلات ودكاكين يعني الناس اتبيع وهي واقفة وليين خلصت تاخذ بضاعتها واترووح وطبعا هالمعلومة سمعتها من المذيعة نوره في برنامجها الي انعرض في اليووم الوطني.