حياك الله أخي الكريم
جواز سفر زوجتي غير متكوب فيه اسمي ومع ذلك اسافر للبحرين وشرق اسيا ولم يعترض احد وربما ان الجوازات تكتفي باسم الزوج المحفوظ مع بيانات الزوجه بالحاسب الالي ويتطابق مع جوازك
السفر بسيارتك أفضل ويجب تجنب اوقات الذروه نهاية الاسبوع
تقبل تحياتي

مبروك وحياك اله
اخي الكريم
بالنسبة للسفر للبحرين اذا كان عندك سيارة فليس له داعي ابدا استئجا سيارة
ام بالنسبة للعبور من الجوازات ,,, اذا كان عندها كرت عبور من والدها مع جوازاها بالسفر بمفردها فلا بأس
او بعقد النكاح احياناً يوافقون اذا وفقت بعسكري ابن حلال او تكلم الضابط المناوب
هذه سبق وان صارت معي في المطار ولا يوجد شي يثبت غير عقد النكاح وكنت رايح شهر عسل لامريكا مو البحرين فرفضوا المرور ولما حاولت وريتها عقد النكاح مشى الحال
بالتوفيق ان شاء الله
اخي سلطان ,,, احياناً يكون الاسم موجود بالجواز وغير مسجل بالحاسب الالي ,,, نعم اهم شي يكون مذكور بالحاسب انه زوجها فلان بن فلان وتمشي الامور

مبروك يا عريس اولا
ثانيا : عندك 3 حلول
انك توريه كرت العائله زي ما قلت و وقتها ماله اي حق يتكلم والمفروض يمشيك
او
يكون ابوها مطلع لها تصريح بالسفر مع غيره و وقتها المفروض يمشيك بدون حتى كرت العائله
او
تطلع لها جواز وتريح نفسك من هالحوسه كلها ..
وعقد النكاح المفروض انك قافل عليه بالتجوري مو معاك بالجيب!!!
هاذي اهم وثيقه عندك المفروض ما تطلع من البيت اصلا
لي 5 سنين متزوجه ولا عمري طليت فيه اصلا..
وللمعلوميه حتى لو طلعت لها جواز ما راح يكون مكتوب اسمك فيه هالاشياء كلها مسجله برقم الجواز بالحاسب..
واستئجار السياره على حسب انت رايح بشنو؟؟
يعني اذا رايح بطياره وبتقعد هناك كم يوم اتوقع ايه احسن لك تستأجر سياره..

أخوي الراقي
خذ الكلام اللي ملحه فيه ، اذا خلاص اصدرت لك دفتر العائلة ، تقدر تسافرون من دون حتى ما تضيفها بالجوازات
لأن نظام وزارة الداخلية واحد ، مجرد ما يضيفونها لك بدفتر العائله في الأحوال المدنية ، تكون تحت اسمك في نظام الدولة ويبين عند الجوازات ..
وهذا صار لي يوم تزوجت ، بعد ما اصدرت دفتر العائلة ، أخذت جواز زوجتي من ابوها ورحت للجوازات وقالو نفس كلامي اللي ذكرته لك ، بأن اضافتها بدفتر العائله تغني وتكفي.
وسلامتك ..

اذا مكتوب اسم ابوها في الجواز اخذ كرت العايله
مع انى انا مو مكتوب اسم زوجي وعادي اسافر بس انتبه اذا بتسكن في البحرين لازم تاخذ كرت العايله علشان يسكنونك في الفندق لان بعضهم مايرضي
انا مره راحت لكويت وقالو مانسكنكم لانه مو مكتوب انها زوجك في الجواز وكان كرت العايله معانا والحمدلله خذو صوره منه وسكنونا لو مكان معانا كان توهقنا
انت خذه احتياط