1- تكلفة شهر عسل مدتها 15 يوم ،،، ياليت رقم كحد أدنى بدون حساب التسوق
عن نفسي كلفتني الرحلة نفس المدة لشخصين حوالي 30 ألف كان بأمكان أني أقلل التكاليف
2- أفضل مكتب للتعامل معه من أجل حجوزات الطيران دولية + داخلية +حجز فنادق
حجوزاتي أغلبها من النت
3- أهمية اللغة الانجليزية ،،، حيث أني صفر عالشمال فيها
مو مهم مرة لأن غالبية الشعب ما يعرف انجليزي يمكن تلقى اشكالية في الفنادق بس ماهي مشكلة
4- ياليت بعض النصائح لعروسين رايحين لأسبانيا
حاول أن تقدر رغبات الطرف الثاني
لا تكثر من التنقل :112:

1. 4- ياليت بعض النصائح لعروسين رايحين لأسبانيا

والله ياخوك انا مارحت لاسبانيا قبل كذا لكن ان شاء الله الصيف الجاي ناوي بس ابقول الي عندي

• تكلفة شهر عسل مدتها 15 يوم ،،، ياليت رقم كحد أدنى بدون حساب التسوق

يعتمد عليك انت والمدام وعلى مصاريفكم ويعتمد على المعلومات الي عندك عن السياحه في نفس البلدي
2- أفضل مكتب للتعامل معه من أجل حجوزات الطيران دولية + داخلية +حجز فنادق
اذا انت من اهل الرياض فانصحك بمكت اسمه عبر القارات في العروبه قبل تقاطع التخصصي في شخص اسمه عباس والله ممتاز وينصحك ويفيدك وقله كل شيء تبيه من معلومات وحدك في الفنادق وهو يضبطك انا اتكلم عن تجربتي لما رحت لشهر العسل وارسلت له ناس وكلهم يمدحونه ويشكرون فيه
واذا تبي افزع معك واكلمه اذا بتروح انا جاهز ... واترك عنك الي يقول عن طريق النت بهذله واذا بغيت تغير ما تقدر احسن شيء من مكتب لو صار شيء في السفر عندك احد ترجع له
3- أهمية اللغة الانجليزية ،،، حيث أني صفر عالشمال فيها
هذي ما اقدر افيدك لاني عندي لغه لكن اعرف ناس راحت لدول مثل تايلند وهم مايتكلمون انجليزي ومشو اعمارهم

4- ياليت بعض النصائح لعروسين رايحين لأسبانيا

نصائح خل كل طلعاتكم سياحه وتمشيه وزيارة الاثار والاشياء القديمه وخذ من الفندق الكتيبات الي تفيدك في رحلاتك وخل عنكم التسووق الا اذا بغيتو خلوه اخر يومين وعلى فكره اذا حجزت عند اي مكتب قله يطلب من الفنادق تزيين الغرفه للعرسان وتراها مجاني وبعض الخطوط تقدم لكم ورد بمناسبة الزواج اذا طلب منهم
وبالتوفيق ان شاء الله
واذا بغيت اي شيء انا جاهز بالي اقدر عليه

الليل والنهار
saqer24
ربي يخليكم ويوفقكم على هالمعلومات الي قدمتوها لي
والاخ صقر اشكرك من كل قلبي على نصحك في المكتب السياحي وان شاءالله بس احدد موعد رحلتي برجع لك واراسلك اذا ماعندك مانع واستفيد من بعض معلوماتك
الف شكر حبايبي

طيب هل اسبانيا عائليه..بمعنى ممتعه للاطفال..

anahena
العفو اخوي واذا بغيت اي شيء انا حاضر وفي الخدمه
اخوي حول بس مركز والله بالنسبه لي اذا عندي اطفال كثير ما اروح لاسبانيا اروح لماليزيا او جزر المالديف او تايلند لانها دول ممتعه للاطفال ورخيصه