:::
حياك الله أخوي
س/ السكن وما أدراك مالسكن.. ما هو مستوى السكن من ناحية النظافة والامان؟ هل مستواها مثل ماليزيا أو أقل؟
راح أجاوب على هالجزئية وأخواني يجاوبون الباقي
حسب ما تفضله إذا أنت من النوع اللي تبغى خدمات فندقية فراح يكون الفندق أفضلك خصوصاً أن عددكم
قليل أنا أحس الفيلا تصلح للعوائل الكبيرة
وترى المسبح اللي في الفيلا ما أستفدنا منه لان موت برد :36_1_26:
هذا من ناحية المسبح
أقامتك إذا مدتها قصيرة أنا أرى الفندق أفضل حتى من ناحية النظافة تضمنها شوف تقارير الاخوان وراح تلقى
فنادق راقية ومناسبة من ناحية بونشاك أنا عجبني فندق بونشاك باس في تقرير أخونا سهم الحب
أخوي سافر أندونيسيا وسافر ماليزيا
بس أستمتع باندونيسيا أكثر بسبب الجو الرائع خصوصا بونشاك
وتضل وجهات نظر أتمنى أني أفدتك
رحلة موفقة إن شاء الله
دمت بود
أختك

الف شكر لك يالغالي على اجابتك
تكلمت يالغالي عن بونشاك ((اللي اعرفه انه هو الجبل)) لكن يقال لي كثيراً ان السكن هناك عبارة عن فلل ولا يوجد فنادق فالسكن بالفلل بهذا الجبل له حلاته فوش رايك بهذا الموضوع
ننتظر اجابات الاخوان ومساعداتهم

من واقع تجربة
في جاكرتا لاتطول فيها يومين بالكثير تكفي فيها
وانصحك تسكن في شقق اذا انتو راعين طبخ...وانصحكم تجيبون عزبه صغيره على قدكم لان اكلهم بصراحة مايجوز لنا كخليجيين والمطاعم لك عليها شوي من ناحية النظافة
وشف مثلا استون تمان راسونا سعره حوالي 680الف من مكتب كاها في المطار وممتازه الحقيقه
وباندونق تستحق يومين على الاقل ولو تبي نصيحتي اسكن في استون باندونق خذ سويت في جناح رجال الاعمال الدور السابع ممتاز سعره 750الف في اليوم عن طريق كاها في محطة القطار في باندونق
الجبل لو تبي رايي الفله افضل لان في الفله تاخذ راحتك على الاخر من ناحية الطبخ وممارسة حياتك اليومية وتحس كأنك جالس في بيتك عكس الفندق
وفيه كثير من الفلل مناسبه جدا للعوائل انت بس رح وبتلفى الف واحد يدلك
وخذ فلل خاصة لاتاخذ فله في مجمع لان المجمعات كلها شباب وازعاج بصراحة
وممكن اخر يوم او يومين في الجبل تروح تسكن في فندق سيروني او النوافير بس رح لسيروني2 منطقه رائعه وهادية بس فطورهم الله يكرم النعمه يوميته 450 الف للغرفه المطله على الجبل
وبالي لاتروح لها,,,انا فيها الان وبصراحة ماستانست فيها زي مانبسطنا في باندونق والجبل وفوق كذا فيها عري كثير وبارات
لو منك اطلع لسوربايا او لومبوك افضل
انا الان متواجد في اندونيسيا مع زوجتي ومستانسين عالاخر والبلد امان واسعاره رخيصة جدا مقارنه بماليزيا وغيرها
والشعب طيب جدا جدا وواضح ان فيه تعاطف مع السياح العوائل
انت بس كثر الابتسامات وتنفتح لك كل الابواب
اذا بغيت رقم سواق ممتاز في الجبل قل لي واعطيك اياه ممتاز بصراحة ومحترم جدا ويتكلم عربي
واي استفسار اخوي حاضر...انا كنت مثلك في البداية قبل لااروح ومتردد لكن شكلنا بندمن اندونيسيا الله يعين بس وانت الظاهر تبي تدمن مثلنا

للعوائل اشوف بالنسبه للي يروحون جاكرتا الجبل باندنق هذي افضل الاماكن لهم
اما الفرق بين الجبل باندنق ايه فيه فرق بالبروده والجو العام والهدوء بعد الساعه 8 بالليل والاماكن السياحيه
والجبل كه جبلي و باندنق فيه اماكن جبله وفيه لا
اما بالنسبه تقارن بين نظافة ماليزيا واندونيسيا هي تعتمد على المكان الي تسكن فيه لاني الصراحه ما رحت لم ماليزيا
اما بالنسبه للتكسي او السواق بالنسبه لي انصح سواق تتفق معه لان الجبل ما فيه تكاسي
مالك الا السواق الي تتفق معه
هذا على ما قدرت اجاوب عليه و اتمنى اني وفقت على الاجوبه الي انت تبيه

بسم الله والصلاة والسلام على رسول الله ..
أعتقد ان الأخوة الأحباب وفو وكفو ولكن ..
إذا أردت السفر فإدخل على الرابط وستجد ولو جزء بسيط مما يدور في بالك ..
https://artravelers.com/p/re/226772
وتحياتي ،،،

هل هناك فرق بين بونشاك وباندونق؟ وان كان هناك فرق هل جميعها عبارة عن منطقة جبلية؟نعم هناك فرق بالنسبه لي بونشاك اجمل بكثير وباندونق تميل ان تكون مدينه
ماهي المناطق والمدن الرئيسية والمهمة للمسافر مع عائلته؟ التي ينصح بزيارتها؟جاكرتا و بونشاك و باندونق
هل تنصح بالاتفاق مع سائق؟ ام يكتفى بتكسي بلو بيرد؟في جاكرتا نستعمل تكسي الفندق يكون فيه مكتب على جنب و في بونشاك الله يعافي ميا عطتنا سفيان وفي باندونق نفس الشي من الفندق
السكن وما أدراك مالسكن.. ما هو مستوى السكن من ناحية النظافة والامان؟ هل مستواها مثل ماليزيا أو أقل؟على حسب اللي تختار و بالنسبه لنا مدلعين انفسنا
انا الان مع زوجي وابني في اندونيسيا و راجعه بعد يومين أي استفسار انا جاهزه
نصيحه للمدام تلبس حجاب ملون

الف شكر لكم جميعاً على هذه الردود
ومنها الآن استطيع ان اضع الخطوط الرئيسية لبرنامج رحلتنا اللي بيكون لجاكرتا بنشاك باندونق جاكرتا
مدة الرحلة 24 يوم
الله ييسر امرونا واموركم
الف شكر مجدداً