طبعا القطار من باريس الى انترلاكن ياخذ وقت طويل علشان كذا اقترح عليك تنتقل من باريس الى مدينة ستراسبورغ الفرنسيه بالقطار السريع المباشر اقل من ساعتين ونصف وهي مدينة رائعه وجميله على الحدود الالمانية وموقعها استراتيجي حيث تبعد بالسياره عن بادن بادن الالمانيه 40 دقيقه وعن ملاهي اليورب بارك 40 دقيقه وقريبه من منطقة الغابات السوداء الالمانيه طبعا اول ما توصل لها تستاجر منها سياره وتقضي فيها 2 او 3 ليالي تنتقل بعدها الى انترلاكن المسافة بالسياره ساعتين ونصف تجلس فيها 4 ليالي تنتقل بعدها الى منطقة جنيف ساعتين ونصف بالسياره وتسلم السياره بمطار جنيف الجانب الفرنسي ولن يكون هناك ضريبة اختلاف دول تحياتي
تقرير عن ستراسبورغ https://artravelers.com/p/re/99802
تقرير اخر من ابو عزيز http://www.aboaziz.net/blog/?p=717
ومنه ايضا تقرير عن بادن بادن http://www.aboaziz.net/blog/?p=746

Daayem. ستراسبورغ شكلها حلوه وترتيب الرحلة طلع مناسب
بس بيني وبينك هاه. لحد يسمع. ( قلقان ومتخوف شوي بموضوع السيارة ). يعني الاماكن جديدة علينا إحنا شهر عسل بعدين نروح وانتفشل قدام بنت الناس. .
ولو انها متعة السواقة في تلك الديار
شورك *

marcher.h
بالعكس أتوقع أنك راح تبيض وجهك قدام بنت الناس لو استأجرت سيارة
لكن راجع بعض التقارير عن قيادة السيارة وعن كيفية استخدام جهاز القارمن
وراح تدعيلي
زواج مبارك مقدما

ليه ماتروحو كمان زيلامسي لان انترلاكن وزيلامسي يكملون جمال بعض
وراح تنبسطو ن

1. marcher.h

marcher.h

لا لا تخاف باذن الله الاماكن اللي انت راح تتجول فيها السياقه سهله وممتعه لو باريس او اي عاصمة كبيره اقولك صعبه ولكن بها الارياف ما عليك الا تمشي نظامي يعني السرعه المحدده ما تتجاوزها والاولويه للمشاه تفتح عيونك اذا احد بيقطع مع خط المشاة لازم لازم لازم توقف والاشارة اذا بغيت تلف يمين او يسار او تتجاوز احد اللي ممسوحه من قاموسنا لازم تستخدمها حتى لو ما عندك احد وتنتبه للمواقف يجب ان تعرف نظامها بعضها يكون على الشارع فتوقف وتحط الهلل حسب المدة اللي انت تبغاها وعادة يكون هناك حد اقصى للوقوف يعني ساعه او ساعتين وبعضها اقل خصوصا بالسنتر وتطبع التذكره وتحطها على الطبلون في مكان بارز داخل السياره وبعض المواقف تكون كبيره ولها بوابه وليس هناك حد اقصى للوقوف ان شاء الله عشر ساعات والدفع يكون عند الخروج طبعا اول ما تدخل البوابه تسحب الكرت وتخليه بجيبك واذا جيت تطلع قبل تركب السياره تحصل مكينة الحساب تدخل الكرت ويحسب لك التكلفة تسددها وتسحب الكرت وعند بوابة الخروج تدخلها وتفتح لك وفيه مواقف مجانيه وفيه نوع من المواقف المجانيه ولكن بوقت بحد اقصى ويوجد لها بطاقة تحصلها عادة بالسياره اللي انت مستاجرها عباره عن ساعه ورقيه لونها ازرق توقتها على ساعة وصولك والنوع هذا من المواقف نادر
وصدقني راح تحس بمتعه القياده وطبعا الخطر وارد عندنا او عندهم الله يكفيك شره بس حاول تحجز السياره بدري ويكون معك بطاقة فيزا معتمده ومقبوله لان الالكترونية ام ارقام مطبوعه ممكن تواجه مشاكل بطاقتك لازم تكون ارقام بارزه وانا شايف احد الاخوه ينصحك بزل امسي وهي غير مناسبه لجدولك لانها بعيده جدا وانترلاكن تغنيك وهي افضل تحياتي