1. اليوم الأول :


2. اليوم الثاني :

أولاً بخصوص السكن .. يا أخوي صعب تحصل لك سكن مناسب وممتاز بسعر 300 ريال .. يمكن تحصله في أيام العادية مب أيام العطل أو أيام الأعياد .. وآنه أنصحك بفندق ديفا .. هذي سعره 350 إلى 450 ريال .. وهو فندق جديد وفخم وغرف واسعة وراقية .. وهو في منطقة الجفير وخلف مسجد الفاتح ..
ثانياً بخصوص الأماكن اللي راح تزورها .. راح أسوي لك برنامج مضغوط لأنك راح تجي يومين ..

اليوم الأول :

تصحى بدري على الساعة 8 .. وتروح مطعم زيت وزيتون اللبناني في شارع المعارض .. وتتفطر هناك .. وبعدها تروح محمية العرين .. وبعد ما أتخلص من محمية العرين تروح جنة دلمون المفقودة لأنهم جنب بعض .. وبعد ما تخلص من جنة دلمون المفقودة ترجع السكن تاخذ لك دش .. وتطلع تروح شارع المطاعم في منطقة الجفير وتختار لك مطعم وتتعشى فيه .. وترجع الفندق وترتاح بعد يوم شاق في جنة دلمون المفقودة ..

اليوم الثاني :

تصحى بدري على الساعة 7 .. وتروح أحد المطاعم للفطور وتتفطر .. وبعدها تروح متحف البحرين الوطني قريب من الجفير .. وتدخل المتحف الساعة 8 وتلف المتحف في ساعة فقط .. وبعدها تطلع من المتحف وتروح سوق المحرق الشعبي .. وتشتري لك الحلوى البحرينية والمتاي وتتمشى شويه في السوق الشعبي لين الساعة 9:30 .. وبعدها تطلع من السوق وتروح مجمع الستي سنتر وتتمشى وتحجز لك تذكرة سينما على أول فلم .. وتطلع من الفلم وتتمشى في المجمع شويه لين الساعة 2 أو 3 .. وبعدها تروح جزر أمواج في مجمع أسمه مجمع الخور (لاقون) وفيه مطعم للأكلات الشعبية البحرينية والخليجية .. وتتغدا هناك .. وبعدها تطلع تروح منتزة عين عذاري .. وبعد ما أتخلص تقدر تروح كوفي شوب راقي وحلو ترتاح فيه بعد هاليوم الشاق والطويل أو أنك تروح مجمع السيف ..
وهذي برنامج يومين مضغوط كلش .. مافيه راحه .. إذا عندكم أي استفسار أو أي سؤال ترى حاضرين لكم ..
وتقبلوا مروري ..

ام
اول شي انا انثى ..
يعني اختك
ثاني شي مشكور مشكور على النصيحة وراح استفيد منها كثيير
بس عندب استفسار ثاني
هاني سنتر .. شفته وعجبني وسعرة في بكيج 160 دينار
كويس بس موقعه فين ؟؟ قريب عن الاماكن ولا بعيد ؟؟

هلا أختي .. أسمحيلي والله فكرتج ولد ..
على العموم بخصوص فندق هاني سويت ما أنصحج فيه .. منطقته شويه خطرة .. وهو قريب من منطقة السيف ..
إذا تبين فندق في حدود 160 دينار .. تقدرين تسكنين في فندق خمس نجوم .. وتقدرين تسكنين في أرقى الفنادق في البحرين .. 160 دينار حق ليله ولا حق ليلتين ولا حق ثلاث ليالي .. عطيني ميزانية الفندق وآنه راح أوصيج على فندق ممتاز .. يعني تاريخ كم راح تجون البحرين إلى تاريخ كم .. وكم ميزانية الفندق في اليوم الواحد ..

شذا الود
هلا وغلا اختي الغااليه
قصدك هاني سويت .. مره حلو ورهيب .. انا سكنت فيه بس عيبهم ... السعر حق ليلتين 1600 ريال لو بالعيد تحصلينه باليوم 1500 ريال ههه
ترا عندهم ستايل عربي او ستايل ايطالي اختاري العرب وتحت صور الايطالي
هو بمنطقه السيف وقريب من السيتي سنتر والسيف
بس اكلهم الله يزيد النعمه ... اكلي بالسيف احسن
اي خدمه عنه من عيوني

ام >>> مو قلتلكم عدم في البحرين
تصدقو عاد انا ببالي 160 دينار 320 ريال
اتاري الدينار ب 10 ريال
سوري لا تضحكوو علي
طيب ميزانيتي 30 او 40 دينار بالليلة فندق او شقة بهذي الحدود .........ز تسلمو

راح نوصل ان شاء الله يوم الاربعاء 15 شوال ونبغى نجلس فيها يومين
سوري ازعجتكم بالاسئلة

شذا الود
هلا وغلا اختي الغاليه
انشالله توصلون بالسلامه .... وربي يسعدكم
بالنسبه للشقق افضل لكم اذا عايله ... وافضل لكم الاليت والا شقق السيف قريبه من المجمعات التجاريه وبعيده عن الزحمه واسعارها على قد ميزانيتكم
واذا تبون شقق بعيده عن السيف يعني بالجفير .. قولي وراح اعطيك اسماء كثيره
واي خدمه من عيوني مافي ازعاج ولاشي ... لا يردك الا الكيبورد
تحياتي

يا أختي في شقق جديدة .. حلوة وموقعها في الجفير خلف مسجد الفاتح .. أسمها ديفا .. وهو تصنيف 4 نجوم .. وهو فندق فخم وراقي ..
وهذا تقرير عن الفندق من المنتدى https://artravelers.com/p/re/597190
وموقع الفندق على موقع بوكينج https://www.booking.com/hotel/bh/diva.ar.html?aid=1300939
وهو فندق للعائلات .. وطبعاً الفندق في منطقة الجفير يمج كل شي .. شارع المطاع في الجفير وسوبر ماركت .. وجنبك شارع العدلية للمطاعم والكوفي شوبات الراقية .. وجنبج أرض المرح فيها بولينج وصالة تزلج على الجليد .. وجنبج متحف البحرين الوطني .. ويبعد مجمع الستي سنتر والسيف حوالي ربع ساعة إلى 10 دقايق على حسب الأزدحام .. وراح يكون سعره بين ال 350 ريال إلى 450 حسب الموسم .. وهذا حالياً أفضل فندق موجود بهذا السعر ..

أهلا بك يا شذا الورد
بالنسبة للشقق إن كنتم عائلة فأنصح بمنطقة السيف أقرب للسيتي سنتر والسيف والدانة و على الطريق الرئيسي ..
عندك شقق لاند مارك في السيف / مقابل مجمع السيف وايجار الغرفة وصالة في الليلة ب 300 ريال والغرفتين وصالة ب 500 ريال وهي نظيفة ومريحة جداً .. وعندك الراية سويتس بحدود ال 450 ريال في الليلة لجناح غرفة نوم وصالة وبرضه حلو ..
عموما السيف أجمل مافيها انها عائلية وقريبة من المولات الأشهر ومن الطرق الرئيسية كلها وبنفس الوقت عادة ينتهي اليوم بلفة في المول ومشاهدة فيلم أو الجلسة في كوفي شوب وهذا قريب في السيف و المنطقة مافيها زحمة بعكس الجفير / المعارض عادة زحمة بالليل خاصة آخر الأسبوع ونتأخر في العودة من السيف الى الجفير أو المعارض ..
أما عن الجفير عندك مليانة شقق وأجنحة ومنها لؤلؤة البحرين وهي خلف فندق السفير .. سعرها حدود 250 - 300 ريال لجناح من غرفة نوم وصالة وعندك بعد Elite 5 في الجفير حلو ولطيف وتقريبا سعره بحدود ال 400 -450 ريال في الليلة
رحلة موفقة عموماً و حاضرين لأي استفسار ..