أخوي الأسد بحثت عن السكن ألي ذكرته وهو عباره عن فله صغيره فيها أربع غرف
بوسط مزارع الشاي صراحه أنا أعجبتن وصور غرفها روعه وموقعه أروع بس أبسألك كم سعره من الشركه وهل بتاخذون الفله كامله أو بس غرفه ؟؟؟
نصيحه لاتفوتك

* روحي تحبك *
الله يعطيك العافية وماقصرت وبيض الله وجهك
بالنسبة للسعر حنا ماخذين بكج كامل ما أدري بكم هو لحاله
بالنسبة كم يعطينا من غرفة حنا طالبين فندق ثاني غرفتين لأن حنا اربع اشخاص وماحصل حجز وحجز لنا هذا بداله ,
وجزاك الله خير وماقصرت

اخوي العزيز هذا المكان عباره عن بنقلاو يعني بمثابة فيلا يكون كبير نوعا ما طبعا يكون فيه عدة غرف يشترك معك مجموعه من النزلاء مدخلكم واحد وغرفكم متجاوره نفس نظام فللنا اللي نسكنها حتى على طاولة الاكل يجتمعون النزلاء
و يكون فيه طاقم خدم وشيف ( طباخ ) ومع الفطور اما الوجبات الاخرى تحدد اللي تبي غداء او عشاء ونوع الاكل ووقته ويجهز لك وهنا ممكن عشان تتلافى الجلوس مع الآخرين تغير توقيت عشاك وفطورك عنهم
.. طبعا اكثر من يسكنه الاجانب
سعر الكوخ هذا كامل اليوم 600 دولار والغرف تتراوح مابين 190- 225 دولار حسب نوع الغرفة
بس صراحه لايفوتك اذا كان ما عندك مشكله بالتواجد مع الناس مع العلم انه افضل من الفنادق لان عدد النزلاء يكون قليل وغالبا تختلف اوقات جلوسهم واكلهم وهذا المكان جنه رائعه وفاخر وراقي جدا انصحك بقوه فيه

طبعا اذا كان عدد افراد الرحلة كبير افضلكم تاخذونه كامل لان تكلفته تصير مقسمه بينكم فما يكلف كثيرويكون فيه خصوصيه كامله

munnar
جزاك الله خير وكثر الله من امثالك
صراحة طمنتوني لاني ماكنت اعرف عنه شي
وحمستوني عليه زيادة بارك الله فيكم