معقوله و لا رد

1. Spido Harbour Tours اللي هي الرحلات النهرية.


2. D-40213 Düsseldorf, Altstadt

اهلين اختي ,,,
بالنسبة لهولندا البلد جميله ومتنوعه وفي اكثر من مدينة ممكن تزوروها كالتالي :
1- امستردام والاماكن اللي ممكن تزوروها كالتالي:
1- Dam square موقعها في وسط امستردام وفيها القصر الملكي وهي منطقة حيوية
2- Rembrandtplein square بردوا في وسط امستردام وفيها اغلب المطاعم والمقاهي
3-Leidseplein (square) وفيها صالات السينما والمسارح واماكن العروض الترفيهية والمطاعم
4-The Canals اللي هي القنوات المائية اللي ممكن تاخذي رحلة نهرية عبرها
5- The Albert Cuypmarkt من الاسواق القديمة في امستردام ويجيها كثير زوار بالذات ايام السبت وفيها مايقارب 200-300 محل يبيعوا اشياء كثيرة
6- Amsterdam ArenA اللي موطن فريق Ajax Amsterdam
7- Kalverstraat من اهم مناطق التسوق وهو شارع على جوانبه متاجر التسوق للملابس والاحذية والاكسسوارات الى اخره,,,, الشارع طوله حوالي الكيلو ويبدا من ال Dam Square ومايضيع.
(في امستردام حاولوا انو تبعدوا عن الRed Light District في وسط امستردام)
2-روتردام مدينة كبيرة في جنوب غرب هولندا تبعد حوالي الساعة من امستردام وهي ثاني اكبر مدينة والاماكن اللي ممكن تروحها كالتالي:
1-Euromast اللي هي احدى ناطحات السحاب في روتردام وفيها زي الجهاز اللي ممكن يرفعك الى اقصى ارتفاع في البرج.
2-Rotterdam Zoo (Blijdorp Zoo اللي هي حديقة الحيوان وتعتبر من الاكبر في هولندا وفيها بردوا الحديقة المائية
3-وهذي اسامي شوارع اللي فيها اماكن ومجمعات التسوق في روتردام Lijnbaanthe, Hoogstraat, the Coolsingel ,the Beurstraverse ,Zuidplein
اما بالنسبة للمتاحف في روتردام عندك كالتالي
1-Museumpark و Harbour museum
في عندك كمان
Kralingen lake اللي هو بحيرة اصطناعية في شرق المدينة اذا اتذكر كان فيها مطاعم وطواحين والناس يروحوها دايما للتنزه.

Spido Harbour Tours اللي هي الرحلات النهرية.

3- Den Hag اللي هي لاهاي مقر ملكة هولندا وفيها مقر السفارات والوزارات والمنطقة اللي اقترح تزورهافي لاهاي هي Scheveningen وهي منطقة ساحلية جميلة مادام سفرتكم في الصيف شهر يوليو بتعجبكم ان شاءالله وتقدروا تزوروها عن طريق القطار من محطة قطارات امستردام الى مدينة Den Haag (لاهاي) تقريبا اقل من الساعة بالقطار واول ماتوصلوا محطة قطار Den Haag تاخذوا الباص المتجه الى Scheveningen وفي هناك فندق ضخم مطل على البحر جميل جدا.
اما بالنسبة للبلدان الاوربية القريبه من هولندا عندك المانيا وبلجيكا وفرنسا التفاصيل كالتالي:
1- دوسلدورف - المانيا تبعد حوالي الساعتين والنصف من امستردام
ومن معرفتي المتواضعة الاماكن اللي ممكن تزوريها هي كالتالي:
1- Aquazoo-Löbbecke-Museum اللي هو الحديقة المائية في شارع Kaiserswerther
2- Filmmuseum متحف الفيلم
3- Botanischer Garten Düsseldorf حديقة رائعة وهو موجود في شارع Universitätsstraße
4-The Nordpark بردوا حديقة جدا جميلة وفيها بحيرة وتقع في شارع Kaiserswerther
5-Königsallee طبعا شارع الملوك اشهر الشوارع التجارية في دوسلدورف اللي فيه المحلات التجارية
6- Schadow Arkaden وهو مجمع تجاري ضخم وجميل جدا ويقع في شارع Martin-Luther-Platz
بالنسبة للمطاعم العربية في مطعم عربي لبناني اسمه ( المطعم اللبناني) في حي Altstadt بيكون فاتح من الساعة 12 الظهر الى الساعة 12 نص الليل وموقعه حوالي 10-15 دقايق بالسيارة من وسط المدينة
وعنوانه بالكامل هو :
Berger Straße 19

D-40213 Düsseldorf, Altstadt

بالاضافة للدوسلدورف - المانيا انتو ممكن تروحون بروكسل عاصمة بلجيكا بردوا بالقطار وعلى بعد ساعتين من امستردام ,,
بالنسبة للتنقلات والقطارات في امستردام مافي اسهل من استخدام الترام اللي منتشر بكثرة ورخيص ويوصلكم للوسط المدينة والاماكن المهمة الاخرى كل ماعليكم انو تاخذوا الخريطة حق الترام من الفندق وان شاءالله ماتلقوا اي صعوبة
وبالنسبة للتنقلات الدولية من هولندا الى المانيا مثلا بردوا القطار احسن بالنسبة لاشخاص اللي ماقد جربوه قبل كده لانو بيمر ويوقف على كذا مدينة لين مايوصل محطتكم وهو سهل بحيث انكم لماتروحوا المحطة وتحجزوا على المكان اللي تبغوه واول مايوصل المدينة تنزلوا من القطار ...
والشعب الهولندي بيتكلم انجليزي بدون اية مشاكل او تعقيدات ,,
ان شاءالله تكون المعلومات مفيدة وتساعدكم واية استفسارات بقية الاعضاء وانا حاضرين ,,, وبالتوفيق في سفرتكم

انا سبق اني زرت هولندا صراحة بلد جميل ومن اجمل البلدان الي زرتها
وأستفدت كثيرا من عدد من التقارير الخاصة بهولندا بإمكانك البحث في تقارير اوروبا الأخرى فيه اكثر من تقرير اكثر من رائع عن هولندا
رتبت رحلتي على أساسها وكانت مره مفيدة التقارير . وأتمنى لك التوفيق ومن ناحية اللغة لا تشيلي هم في عرب كثير المطاعم والسوبرماركات فيها من عرب من المغرب ومن مصر ومن الجزائر .
ونصحية الإبتعاد عن الدام سكوير لأنه خلفه شارع كله خراب في خراب ورائحة المخدارت تعطعط ( تعطعط يعني تفوح )

السلام عليكم
أختي أنصحك تتابعي ردي على الموضع اللي في اللينك ممكن يفيدك أنصحك تروحي بروكسل لأنها الأقرب لهولندا لأن فترتك قصيرة.

لو سمحتو انا اول مره اسافر دوله اوروبيه ممكن اذا في مجال تربولي جدولي حسب الايام واريد يوم يكون في بروكسيل ويوم يكون في ديزني اذا ممكن

سامحيني كتابتي مو منسقه بس جمعت لج معلومات كنت كاتبتها من قبل في بعض المشاركات......
السكن بأمستردام عندك وايد فنادق مثل ايبيس 55-90 ديار حسب الموسم وهو الي لاصق بالمحطة لأن في اكثر من واحد موقعه ممتاز بس الغرفة زينة بس مو فخمه...او فيكتوريا الليلة بين 100 دينار وطالع بعد حسب الموسم وفي واحد بعد قبال الدام سكوير بالضبط بس 5 نجوم 150 دينار(اظن اسمه كرانسنابولسكي) ليما تقولينه للتكسي بتطلع روحج...ها ها ها ها .بس في الدام سكوير على طول... لأن هالفنادق في قلب العاصمة وقريبة جدا من الدام سكوير 5 دقايق مشي بس اذا تبي شي وايد حلو وسعره مناسب بس لازم تاخد يا الترام 25 دقيقة او المترو 12 دقيقة للدام سكوير فهو نوفوتيل سيتي سنتر الليلة تقريبا 75 دينار وفي بكجات للويك اند مع الفطور الفندق ممتاز ومحطة المترو والقطار والترام تبعد عنع 3 دقايق مشي ومن المطار تاخذ القطار لمحطة اسمها راي استيشن 7 دقايق يمكن وهي المحطة الي بجانب النوفوتيل ...

ولين رحت الدام سكوير في مكاتب مكتوب عليها تور اند تكت رقم 34 وهو مكتب آظن شبه حكومي عندهم برامج يومية عجيبة نصيحتي خذ الرحلة الي ياخذونك فيها للطواحين ومصنع الجبن وجزيرة الصيادين ومصنع الاحذية الخشبية شي عجيب هالرحلة كاملة من 10 الصبح تقريبا تطلع فلازم تكزن هناك 9ونص ويرجعونكم 2ونص الظهر وتطلع مرة ثانية 2 ونص ليلي 6 ونص تقريبا كامل البرنامج ب 32 يورو اظن...وبعد رحنا معاهم رحلة ثانية ودونا لاهاي وحديقة مادورودام (هولندا المصغرة) ممكن ترحيها بروحك بدون الشركة ورحنا معاهم بلجيكا يوم كامل من الصبح لي الليل ب 58 يورو بس يسوى الفرجة وعدم التخبط لأن ما ندل وما عندنا وقت كلش رحلتنا كانت قصيرة (بلجيكا رحنا بروج وغينث) وفي رحلة ثانية (بروكسل) وخذنا الباص السياحي ب10 يورو من البقالة الي يمهم ومن عندهم 12 يورو اهم الشركة توزع على البقالات التذاكر مال الرحلات اذا احد يبي يحجز من الليل وهم مسكرين فسعرهم يعتبر سبشل اوفر ودانا مصنع الالماس اول شي وبعدين يفرك على المتاحف وبس الباص ما يسوى اذا ما بتنزل للمتاحف الي بيفرك عليها ...انه مو مالت متاحف وصور ومتحف البيره والعياذ بالله .بس الديرة حلوة وممكن العصر تركب بالقارب الزجاجي بعد تقص التكت من مكتبهم او المكتب الي عند النهر ويفرك لمدة ساعة بهالقنوات المائية .

وبعدها رجعي تمشي بالدام وممكن تدخلين المدام توسو اظن يسكر 7 او تتمشين بالسوق لكن السوق يسكر الساعة 6 ما عدا الخميس يسكر 9 والسوق بالضبط عند الدام سكوير بس سألي عن كلافرسترات..والثاني ما اعرف اسمه يصير بظهر c& a...شارعين يفصل بينهم الساحة المقابلة لتمثال الدام سكوير.....الديرة وايد حلوة وأمان بس من بعد الساعة 7 ما فيها شي ماعدا المطاعم وبعض المحلات الي تبيع السوفونيرز ....كل واحد بحاله محد له خص بالثاني .

بس إذا وصلتي الدام سكوير والمكتب مسكر وتبين تحجزين لأي رحلة في بقالة قبل المكتب بشوي فيها واحد صيني مع زوجته تروحين تحجزين من عندهم ويعطونج رصيد تسلمينه للمكتب يوم ثاني قبل الرحلة ويعطونج البطاقة الاصلية للرحلة لأن معظم الرحلات تكون مليانة فلا تخلين روحج للحجز بآخر لحظة ...مع ان ممكن في مجال بس لازم تكونين عند المكتب قبل ال9 ونص .لأن الباص يمشي على الوقت بالضبط .البقالة والمكتب نفس الاسعار بس ممكن تكون البقالة أرخص بسبب الاوفر..