بالنسبة لنظام المترو في لندن يغطي جميع المدينة بالغالب ويعتبر الافضل والاشمل في العالم. سهل جدا وغير معقد طبعا الخريطة واضحة وبالالوان يعني كل لون وله اسم وله مسار. اهم شيء تكون معاك الخريطة علشان تتعلم في البداية واذا كنت راح تطول في لندن راح تعرف طريقك بدون خريطة مع الوقت. الخريطة تحصلها اول ماتنزل في اي محطة قريبة من شباك التذاكر خذ وحدة وتعلم عليها واهم شيء تعرف انتا في اي محطة ورايح لاي محطة وايش المسار او المسارات اللي راح توصلك وطبعا الاتجاه وانتبه من الاتجاه لان الكثير يعكسون الطريق على فكرة كل شيء مكتوب وواضح. بالنسبة للمثال اذا نزلت Piccadilly Circus Station الخط طبعا لونة كحلي واسمه Piccadilly Line اتجه الى Green Park لمن توصل لها راح تحصلها مكتوبة في الخارج انزل وغير الى اللون الازق اللي هو Victoria Line واتجه الى فكتوريا بكذا يكون وصلت. نعم ممكن تغير ولاكن حسب المكان المتجه اليه وعلى فكرة التغيير مو معناه انك تخرج من مترو وتروح تخرج وتاخذ باص او تاكسي علشان تغير لا كله وانتا في داخل المترو اما تطلع او تنزل او يكون في نفس الدور.
نعم اذا تبغى تروح لاي مدينة لازم تستخدم القطار والقطارات تكون في بعض المحطات وليس كلها مثلا اذا تبغى تروح برايتون لازم تروح محطة فكتوريا من هناك تقدر تروح وغير لازم انه يكون عندك حجز مسبق وتقطع التذكرة من المحطة. ومن اهم المحطات King's Cross وممكن تروح منها على كامبرج مانشيستر وعدة مدن وايضا Liverpool Street Station وبرضوا Waterloo ومنها ممكن تروح على فرنسا عن طريق اليورو ستار وفيه عدة محطات للقطار ممكن تحصلها في خريطة الاندرقراوند يرمز لها بالاحمر على شكل خطين سكة حديد ومكتوب عليها National Rail .

بصراحة ما قصرتوا واخص بالدكر copilot ,وصبا معلومات قيمة. ومفيدة واعتقد ان اى واحد يروح لندن لأول مرة يحتاج هده المعلومات المفيدة وشكرا للجميع

حاب اضيف بعض الأشياء المتعارف عليها في الاندرقراوند. عند دخولك اي محطة راح تحصل لوحة او سبورة مكتوب فيها درجة الخدمة لكل خط واي شيء مستجد في المحطة مثلا المحطة التالية سوف تكون مغلقة او ان الخط الفلاني لن يعمل اليوم بسبب الصيانة وغالبا تكون الصيانة ايام الاحد وطبعا اللوحة تكون محدثة ومكتوب تاريخ وتوقيت التحديث وهذا اول شيء المفروض تكون عين الشخص عليه عند دخول اي محطة وطبعا راح يعملون نداء ايضا لاخبار الناس. اذا كان معاك شناط يوجد مكان خاص لاصحاب الشناط بجانب المداخل للتسهيل وضمان الانسيابية. من الاداب او الاشياء المتعارف فيها في الدرج الكهربائي هي عند وقوفك في الدرج يجب ان تقف في اليمين لان اليسار للشخص المتحرك يعني اذا كنت تبغى ترتاح الى ان تصل للاعلى او الاسفل خليك على اليمين علشان ماتعيق حركة الشخص المستعجل. عند الدخول الى القطار انتظر الناس يخرجون من القطار اولا ثم ادخل. لاتترك اي شنطة تملكها بعيدا عنك بعض الناس يحبون الفلسفة بالذات بعد التفجيرات الاخيرة في لندن.

حبيبي بكل بساطة تتبع الألوان اللي على الخريطة ........ وان راكب بالمترو تتبع اطللوان اللي على الجدران
خلك ذيب وجرب مرتين ثلاث وصدقني اخرتها تبي تحس ان ولا اسهل منها
بالتوفيق