وش دعوى يااعضاء المنتدى ماحد رد علي
ابي اعرف اذا (كان) قريبه لاسبانيا واقدر اروح اسبانيا بالقطار وكم ساعه بينهم؟ والاقرب لها مدريد او برشلونه!!!!!!!
لاتطنشوني بليز

هلا وغلا اختي .كان مافيها مطار نيس فيها.ونيس تبعد عن كان تقريبا ربع اونص ساعه بس
كان ونيس والله كل الرفيرا الفرنسيه تهبل .من تقارير الاعضاء يقولون ان كان تحتاج 4 ايام انا رحت الصيف
الماضي لمتكارلوا وجلست 4 ورحت لكان الصراحه مره اعجبتني وان اراد الله راح اكون في كان في نص
جولاي ورتبتلي برنامج مده اسبوع طبعا الفضل لله ثم لاعضاء هاذا المنتدى الاكثر من رائع وراح اعرضلك تقرير
احد الاعضاء .وانتضري مني2-كاناتجهنا من مطار دبي الدولي الى مطار نيس مرورا بروما (ما كان عندنا خبر ان فيه ترانزيت) المهم ظلينا في روما 45 دقيقه و ظل بالطياره تقريبا ربع المسافرين
كل واحد اخذ اربع كراسي و يانومه كوني نومه
و مع اقترابنا من مطار نيس اشتغلت الكاميرات و العدسات ليبدأ توثيق الرحلة
لتبدأ بالظهور شواطئ نيس
و تبدأ الطائره بالهبوط السريع و البسيط في مدرج مطار نيس في الساعه 1:40 ظهرا
اول ما نزلنا من الطياره اتجهنا لمكتب الجوازات و كان باستقبالنا موظفه من طيران الامارات الصراحه ما قصرت ساعدتنا و ساعدت كل الركاب المحتاجين للمساعده
في تعبئه فورم خاص للجوازات و كانت موظفه الجوازات ذات وجه بشوش و اتجهنا بعدها لأستلام امتعتنا و قبل لا نطلع من المطار كان في مكتب استعلامات سألناهم عن اسعار
التكاسي قالولنا بحدود 60-70 يورو من المطار الى كان
طلعنا من المطار اول شي انصدمنا من الجو الحلو و الخضره في كل مكان اخذنا لحظه تأمل بعدها بدأنا نقاشاتنا مع اصحاب التكاسي و اقل سعر حصلناه كان 85 يورو
لأن احنا 4 اشخاص و معانا 4 حقائب في البدايه كان السائق نفسيته فوق بس بعد ما ركبنا و خلال المسافه من المطار لفندقنا في كان طاحت الميانه بيننا و سولفنا و ضحكنا
مع بعض و بعد 20 دقيقه فقط و صلنا الى الفندق في منطقه كان
الفندق croisette beach hotel
الصراحه الفندق حلو نظيف و غرفه مريحه صج انها صغيره شوي بس حلوه و الرسبشن كان خدوم لأقصى درجه و جاوبونا على كل اسألتنا و استفساراتنا تقريبا و توجد موظفه
تونسيه تتكلم العربيه
بعدها لابد من جوله مكوكيه للإستكشاف المكان و التمشي
الفندق موقعه قريب جدا من شارع البحر (croisette beach) و هذي صور من الرحله الاستكشافيه
و الاخوان السعوديين ما شاءالله موجودين بكثره في كان
و هذي صوره عن بعد لشاطئ كان اكيد مو من تصويري
بعدها اخذنا جوله بالباص المكشوف عن طريقه شركه Bus Azur و سعر الجوله الكامله للشخص 2.55 يورو من محطه Quai Laubeuf لغايه محطه Palm Beach
و هذي صوره الجوله
فندق مارتينز احد اكبر 3 فنادق في كان و يقع على البحر
و هذا فندقنا باين بالصوره اثناء رحلتنا بالباص و يظهر على اليسار طرف فندق كارلتون
فندق كارلتون ثاني فندق من الثلاث الفنادق الكبيره في كان و اغلب سكان الفندق من الطبقه الغنيه
و هذا مدخل الفندق الي اتخذه السواح مزارا لرؤيه افخم واحدث السيارات الفارهه
مجموعه المحلات الراقيه على شارع كروازيت
ميناء اليخوت
بعد الجوله الاستكشافيه على الشاطئ اخذنا جوله ثانيه داخل المنطقه و فيها السوق و اغلب المحلات لأن المحلات الي على البحر اغلبها لماركات غاليه اما داخل المنطقه
توجد المحلات المعقوله المهم وقتها كانت المهمه الاهم اهي ان نلقى مطعم subway وبعد جهد جهيد لقينا المطعم لاني شايف مكانه بخريطه كان عن طريقه احد المواقع الي راح
اذكرها في نهايه الموضوع و كان حسابنا 4 اشخاص تقريبا 35 يورو
و من ثم العوده للفندق للراحه و الصلاة لأن اذا المغرب عندهم تقريبا الساعه 9 مساءا و العشاء الساعه 11
و اخذت عدد من الصوره من بلكونه الغرفه
صوره باتجاه البحر و يظهر على اليمين فندق كارلتون و هالصوره توضح قرب الفندق من البحر
جهه اخرى من البلكونه
و الجهه الداخليه من بلكونه الفندق
و في الليل العوده للمارسه هوايه المشي على البحر و شرب العصائر و المثلجات من الكفتيريات المنتشره على الشارع لغايه الساعه 1 ليلا
اليوم الثاني
السبت 58
الاستيقاظ من النوم الساعه 11:30 لأن الافطار ينتهي الساعه 12 (ماخذين راحتنا)
كانت الخطه هي الذهاب للاستحمام في البحر لكن بسبب سوء الاحوال الجويه تأجلت الخطه و عدنا للتمشي على البحر
ثم اتجهنا لعدد من مكاتب السيارات للاستفسار عن تأجير السيارات الصراحه كان بخاطرنا سياره كشف لكن للأسف اما ان السيارات الكشف تكون غير متوفره
او انها متوفره بجير عادي و انا ما اعرف اسوق جير عادي
المهم حصلنا سياره مرسيدس الفئه C و كان تأجيرها معقول 201 يورو لمده يوم واحد و حجزناها لليوم الي بعده من مكتب National citer و كانت المستندات المطلوبه
اجازه قياده دوليه + بطاقه ائتمان (للتأمين) + جواز السفر
و يمكنك الدفع كاش او الخصم مباشره من بطاقه الائتمان
ثم العوده للفندق للاستحمام و الراحه
و في الساعه 9:30 طلعنا من الفندق للتمشي من جديد
واضح في الصوره الغيم الي منعنا من السباحه بنفس اليوم و الشاطئ كان شبه فاضي
البحث عن مواضيع لنفس العضو
بعض المعلومات الي اخذتها من بعض التقارير . وبالنسبه للمسافه بين كان
وبرشلونه هل قصدك بالسياره ام الطائره .

ياخساره ماطلعت الصور مدري ليه
راح اكملك باقي المعلومات بس انتظريني اشوي
وان شاالله الاخوان ماراح يقصرون

الله يعطيك العافيه
الف الف شكر وماقصرت غدر السنين
وانا قريت هذا التقرير وفادني
لكن يبقى سؤالي الله يخليك اقدر اروح منها لاسبانيا بالقطار!! وكم ساعه بينهم؟؟

مجموعة انسان شكرا ع المعلومه

هلا اختي .انا جلست اشوفلك المسافه بالسياره من القوقل ماب وشفت بين كان وبرشلونه 634 كيلو
يعني 5 ساعات و50 دقيقه بالضبط .انا راح اجي من باريس لكان في شهر جولاي وراح اروح بالقطار.
لان المسافه بين باريس وكان 900 كيلو يعني 8ساعات بالسياره وبالقطار 5 ساعات .يعني اتوقع برشلونه
فحدود 4 ساعات او3 ساعات و هاذا موقع القطارات جربيه
http://www.raileurope.com/index.html

اها حلو
الله يجزاك الف خير لانه سئلت بساحة استفسارات اسبانيا قالو لي تقريبا 8 ساعات ونص
وقلت اجل بكنسل كان
بس دامها بس 4 ساعات مقدور عليها
الله يعطيك العافيه وماقصرت