- Grand Royale London Hyde Park أربع نجوم ..
مرحبا بالجميع ..
أولاً أعتذر إني استفسرت داخل أحد مواضيعي بمكان غير مناسب للاستفسار ، وأشكر المراقب على تنبيهي ..
ياجماعة أخوكم في الله قدر الله عليه وصار له فرصة يسافر لمدينة تعتبر زياته لها أحد أحلامه وهي الزيارة الأولى لمدينة الضباب لندن ، والأولى برضو لأوروبا بشكل عام ..
فلذلك مالي إلا الله ثم أنتم تساعدوني وتنصحوني وتوجهوني التوجيه الصحيح ، مع العلم إن اللغة عندي مو مره وزيادة على كذا ماعندي الجراة للحديث ، لكن الحين لابد أغصب نفسي واتكلم لو أصير زي البنقالي اللي توه جاي السعودية
بالنسبة للاستعداد للرحلة ..
مدة الرحلة 10 ليالي من 20 إلى 30 يوليو
أبشركم طلعت الفيزا خلال يومين وجاهزة الآن ..
الحجز برضو كويس إلى حد ما .. تذكرة سفر شخصين عن طريق البحرين على الخطوط الإماراتية بسعر 6200 ريال خط سير : البحرين / دبي (توقف أقل من ساعتين وتبديل طيارة) / لندن (مطار قيت ويك) ذهاب وأياب ..
نسيت أقول لكم إني معي واحد من أخواني مو راعي سفر أبد ومن زمان ماسافر رغم إنه سبق وعاش عند عائلة في لندن فترة خمس أشهر تقريبًا بس هالكلام قبل 35 سنة (رايح معي يستعيد أيام الصبا)
السكن ..
جينا للمهم ..
Grand Royale London Hyde Park أربع نجوم ..
غرفة سوبيرير مزدوجة شخصين لمدة عشر ليالي بقيمة 1780 تقريبا 10700 ريال ..
الحجز من موقع بوكنق لكن استغربت إن السعر عن طريق موقع الفندق http://www.grandroyalelondon.co.uk/index.php?option=reservation&task=hoteldetails&hdnDateIn=20/07/2011&hdnDateOut=30/07/2011&lstRooms=1&hdnHotelID=96&adults=2&children=0# أرخص بكثير ومعه وجبة إفطار ..
وبموقع ثاني لقيت أرخص بعد
سؤالي عن الغرفة المزدوجة ، هل لازم أطلب تكون سريرين مو سرير مزدوج ؟ عشان مايعطونني سرير مزدوج وأبلش أخلي أخوي ينام ع السرير وأنا بالأرض ؟
ممكن إني أبين لهم بالحجز والا إذا وصلت أقول لهم عطوني بسريرين ؟
وطبعا مااستغني عن نصايحكم وتوجيهاتكم واقتراحاتكم ..
واعتذر مره أخرى عن الخطأ ، لأني بصراحة متابع أكثر من إني أكتب عشان كذا ماعرفت النظام
شكرًا لكم ..
خالد
