من المهم تاخذ معك كاش تصرفة بالتبس ( البخشيش ) ولشراء الاغراض قليلة التكلفة وغيرها , ومقدار المبلغ يعتمد على مدة جلوسك هناك , واذا مدفوع مدة السكن للفندق والسيارة , بقي مبلغ البنزين , وتناول الوجبات والمشتريات ( يعتمد على عدد افراد الاسرة ) , بالتوفيق , , ,

اخوي,
اخذ معك كاش 1000 دولار (يكون افضل اذا كانو ابو 20 دولار الورقه, لأن ورقة الميه دولار صعب تنصرف بالمحلات والمطاعم الصغيره"
وبعدين اذا وصلت على خير, استعمل بطاقة الصراف الآلي atm , تقدر تسحب من اي مكينه, بس لا تسحب مبلغ صغير كل يوم والثاني, اسحب مبلغ يكفيك عدة ايام "مثلا 500 دولار". المكينه تطلع دولارات من ابو 20 الورقه, وبعض المكاين حدهم الأقصى 200 او 250 دولار, بس في بعضهم يعطون لحد 800 دولار, هذا من خبرتي الشخصيه. ولا تدقق على قضية المبلغ البسيط اللي ياخذه البنك مع كل سحبه. انت مسافر, والمسافر يبي اموره تكون سهله ولا تدقق بشغلات بسيطه. اهم شي راحتك وتسهيل امورك بالسفر وانا اخوك.
وبالنسبه للفنادق واجار السياره ومشتريات من المولات, فمثل ماقلت انت, اعتمد على الفيزا والماستر كارد.
وبالسلامه

اخواني
انا قاعد ان شاءالله تقريبا 34 يوم
بس سحب atm من الكي نت قصدك او من الفيزا
يعني وانا رايح المطار ان شاءالله
اخذ معاي كم كاش غير الفيزا والماستر كارد
جد انا احس اني راح اتوهق بطريقه تنقسيم المبالغ بين الكاش والفيزا
بس راح يكون التسوق الرحلات عن طريق الفيزا
والكاش ليش شنو يفيدني فيه

اخوي انا ما فهمت ايش يعني " كي نت"
انت الحين عندك بطاقة الصراف الألي من البنك حقك, صح؟ استخدمها في خارج البلد مثل ما تستخدمها داخل البلد.
الكاش تحتاجه حق المشتريات الصغيره, من البقالات, السوبرماركت, البنزين, مطاعم سريعه وغيرها من هذي الأمور.
لازم يكون معك كاش دائما.

عزيزي
من رأيي تاخذ معك ثلث ميزانية الصرف كاش !!
للصرف على الاشايء البسيطة والبغشيش والتسالي !!
الصراف الالي يسحب من هناك بس لا تستخدمه مثل بلدك اسحب مبلغ كبير اذا حاب مرة واحدة وخله يكفيك اسبوع مثلاً
لانه بيسحبوا عليك رسوم في كل عملية وتعتمد على البنك وسعر الصرف !!
اتمنى لك التوفيق

اخوي
انا راح اخذ غير السكن 18 الف دولار وراح احطهم في الماستر كارد هذا للصرف غير السكن
والسكن مع الطيران الداخلي وايجار السياره 9 الاف دولا راح اخليهم في فيزا
وراح يكون معاي كاش الف دولار
هذا النقسيم احس فيها غلط او اخلي جزء من 18 الف دولار في حساب البنك العادي عشان السحب بواسطة ال atm
عشان اسحب منها بدل الماستر كارد

شوف أخوي ..
الأفضل .. تخلي كاش خفيف على حسب عدد الأشخاص إلى معاك يعني 1000 إلى 1500دولار يفضل فئة 50 و 20 .. لان بعض المحلات لا تستعمل الشبكة أو يكون فيها مشكلة ..
أنا 90 من مشترياتي عن طريق البطاقة فيزا ..
(طبعاً بعض الأحيان تضطر إنك تدفع كاش .. إما المحل ما يقبل أو البطاقة تمسك معاها ما تقبل) ..
لا تنسى تحمل أي بطاقة تثبت هويتك إذا ما كان على الفيزا صوره .. مثل رخصة السواقة حتى لو كانت من بلدك ..
السحب عن طريق atm الغالب يأخذ دولارين على كل عملية سحب من الصراف .. طبعاً غير سعر الصرف ..
أنا أحمل دائماً بطاقتين .. بطاقة سعودية (بنك الراجحي ) و بطاقة أمريكية ( بنك أوف أمريكا) .. ،كلها تمشي في أي مكان ..
قسم المبلغ على بطاقتين أفضل .. لو خربت وحدة ما تتورط يكون عندك وحدة ثانية ..
بالتوفيق ..

lawyer-kwt
انتبه الكاش الي حا تاخذه معك لاتخليه فئة واحده او فئات كبيره قسموا 20$ و 100$ ....الخ
بالتوفيق...

خذ 1000 دولار نقد.... بالجيب.... خمسائه خلهم ورقه قئة مائه دولار
ثلاثمائه خلهم فئة خمسين
والباقي صرفهم بين عشرين وعشرة وخمسه ودلار...........
ووقت تصف الورق بالمحفظه.... خل الفراطه الصغيرة بجهه والكبيرة بجهه
حتى وقت تحاسب مايلتفت لك أحد أو تثير إنتباهه الدولارات اللي معك