هلا اخوي الغالي
عشرة ايام مدة كافية جدا
سعر التذكرة على الخطوط السعودية رخيصة جدا 1600 ريال ولا زال هناك امكانية في الحجز فبادر قبل الا تصبح قيمتها
0او اكثر
اما السكن فكل فندق اربع او خمس نجوم يوجد به مسبح وخاصة في العاصمة من هذه الفنادق قلدارية والهليتون
لكن مدينة نوراليا لا يوجد بها مسابح لانها منطقة باردة جدا
علما ان هناك مكاتب ترتب لك الفنادق بالافطار والعشاء وسائق خاص طوال الرحلة واسعارهم معقولة جدا
المصاريف بشكل عام مقبولة وانا اتصور شخصين مدة عشرة ايام بدون التذاكر والفنادق 2500 كافية جدا
رحلة سعيدة

الله يعافيك يالغالي على الإفاده
و ياليت تعطيني جدول بالمدن و فنادقها و افضل تكون ثلاث مدن أو أربعه لأني افضل الأستجمام .!!
و لا مانع من اظافة بعض المعلومات من بعض الأخوه لكي تعم الفائدة .
و ربي يسعدكم و يرزقكم .

مرحبا واختيار موفق ....
التكلفة من 10 الى 11 ألف ريال مع التذاكر .
اذا صملت علمنا نضبط لك بكج والأعضاء مايقصرون .

الله يعافيك يادرب يرد مايسد
و ياليت تعمل لي بكج و الرحلة لشخصين انا و زوجتي
و ياليت تكون المناطق قريبه و أغلبها على البحر و افضل يكون فيه احد المدن منتجع يكون فيه مسبح خاص
بأتبعك بشروطي و ربي يعافيك و يحفظك

alasair
ليت تعطينا المدة .....
1/ نقمبو ساحلية قريبة من المطار ليلة للراحة .
2/بنتوتة ديرة ابن بطوطة من المطار 3 ساعات ساحلية 3 ليالي منتجع سامان فيلا 5 نجوم مسبح خاص عدد الغرف 27 ( غالي لكن مع راتب الشهرين ماعليه )
او فندق تاج دور 5 او 6 مطل وهالحين تغير اسمه الى فيفانتا
3/ نوراليا بعيدة عن بنتوتة 7 ساعات لكن لا تفوتها مش حتقدر ترمش بعينيك في الطريق رائع وفيه وقفات استراحة امام الشلالات , السكن في فندق اقراند وسط البلد او تي فكتوري خارج البلدة وسط مزارع الشاي.ليلتين .
4/كاندي ليلتين فندق امايا هلز في الجل رائع موقعه
هوناس قريبة من كاندي 1 ساعو ونصف فندق هوناس فلز جمل مره ومنعزل عن العالم ليلة واحدة .
5/ كولمبوا ليلة واحد للتسوق ومافيها شي فندق السنمون .

اخي الكريم .. رحلتين قضيناها في سيرلانكا كانت كلها في شاليهات خاصة من اروع مايمكن لكنها غاليه تتراوح من 150 دولار للعادي جدا وبعضها مثل الي اخذناه في تانقول غالي جدا يصل لاكثر من 600 دولار باليوم لكن تكون ثلاث غرف مع طاقم خدمه كامل وطباخ بثلاث وجبات وممكن تاخذ غرفه منفرده فيها بس ممكن يكون فيه غيرك اذا ما اخذته كامل وطبعا معظم الشاليهات نظامها بطاقم وشامل الوجبات كاملة لكن بصراحه يستحق بنظري الف دولار فمة الجمال على شاطئ المحيط في وسط الطبيعه وقمة الرفاهية وخدمه دلع بمعنى الكلمه
عموما هذه كانت من اختياري بعد البحث والتدقيق وحجز لنا الموظف اللي ذكرته لبعض الاعضاء وشهادة حق انه شاطر ويجتهد كان يسافر للمنطقه ويكلمني منها للتفاهم معهم هذا الموظف الان بيشتغل في مكتب جديد توه فاتح مما يجعلني اتامل ان تكون تكلفتهم اقل من غيرهم لانهما بصراحه بدأو يتضربون بالعالم فانا سافرت اول مره مع عبدالعزيز وكان سعره غالي وتعامله يعل القلب بصراحه جنني ونكد علي اول يوم .. والرحله الاخيره راسلته بحكم اني اصبحت زبون ورح يخفض لي لكن عطاني سعر خيالي 11 الف دولار
وحجز لي هذا الموظف بتكلفة اقل من الثلث لكن مشكلته شخصيا مايتكلم عربي لكن قد يكون في مكتبهم من يتحدث العربية
العنوان ولا احطهم بذمتي لكن تجربتي انا معه كانت ناجحة جدا
اسم الشركه سفاري لانكا تور والموظف رياز طعا راسل اكثر من مكتب وقارن لكن هو ممكن يفيدك بحكاية الشاليهات
الموقع : http://www.Safarilankatours.com
الايميلات :
والثاني :
ورقمه مع العلم انه مايتكلم عربي حسب ما اتذكر 0094777326352

ماقصروا الإخوان لكني أنصحك إذا سكنت في هوناس فولز انها ماتقل جلستك عن يومين لان يوم واحد متعب بيكون عليك وبنفس الوقت ماتلحق تستمتع بالاوتيل وتستجمم

الله يعافيكم أخواني على البرامج و الاقتراحات الرائعه
بيض الله و جهيكم و ربي يرزقكم من اوسع ابوابه
سهلتو علي امور ربي يسهل اموركم

السلام عليكم
بما انك تبي تجلس في هوناس لاتفوت البحيرة المعلقة تروح لها بالتوك توك بس لاتنسى تلبس شرابات لوجود بعض الحشرات واي استفسار ماراح نقصر