نقش حنا
04-05-2022 - 07:38 am
السلام عليكم ورحمه الله وبركاته ...
من يوم كنت صغيره وانا احلم بالسفر الى كندا,بس للاسف هذا الحلم لين الحين ما تحقق
لكن ما زعلت لانه من سنه 2007 اتغيرت مخططاتي واحلامي فكان توجهي واحلامي تنصب فمكان ولا اروع جنه الله على الارض مثل ما يقولون (سويسرا) وطبعا الفضل يرجع للمنتدى الرائع الي يخليك اتحس انك عايش ف البلاد وانت مب زايرنها وجهدا الاعضاء الي وما قصروا بتقاريرهم الي اكثر من رائعه فكلمة شكرا قليله فحقهم بكل الحب و الاحترام شكرا وعساكم ع القوه
ومن كم شهر اقنعت زوجي بالسفر لكن يبي يسير فرنسا وانا عاد خاطري ف سويسرا لا تقولون عندي طماعه وابي اخذ وناسته
فابي ارتب جدول حق 10 ايام ولازم اتكون من بينهم انترلاكن ..لو سمحتوا
وابي يكون فالجدول اماكن حق اليهال لانه عندي بنتين الله يحفظهم
ومتى انسب وقت اسافر لانه عندي يهال وما اباهم يتأثرون بالجو ...فنفس الوقت ابي العب فالمطر
مع العلم انه زوجي ضعيف جدا جدا فالانكليزي ...وانا ها ممشي اموري يعني ننفع نسافر ولا ؟
واذا ابي اطبخ :1076:اقدر اشيل وياي (عيش ومعكرونه وروب وتونه وجبن وحليب ....)؟
ما ابي اطول عليكم لانه بعده المشوار طويل وكل يوم بسأل
بوعزوز لا تبخل عيل بردودك بارك الله فيك انت والاعضاء الي وياك
ومشكورين مقدما:36_3_11:
افضل وقت للسفر بين شهر 5 و 9 من كل عام
يعني من مايو الى نهاية سبتمبر من كل عام
اذا كان لكم خاطر بفرنسا واظن انك تقصدين باريس ففي هذه الحالة لا بد انك ترتبين رحلتكم بحيث تكون الرحلة من بلدكم الى باريس ومن باريس الى زيورخ والرجعة الى بلدكم (مدري انتم من وين)
هذا بالنسبة للطيران
من زيورخ يمكنك بكل سهولة استخدام القطار (ساعتين) لإنترلاكن والإقامة بها للجزء المتبقي من اجازتكم
بالنسبة للألعاب فباريس فيها ديزني
وبالنسبة للبرنامج اليومي فهو كما تعلمين موجود وجاهز للطباعة في الدليل
حاولي تبدأين برسم الخطوط العريضة للرحلة كما وضحتها لك هنا
حاولي أن تبدأين بعمل حجوزات الطيران الأساسية
والباقي يتبع بإذن الله
تقبلي تحياتي