افضل لك وارخص واوفر اشتر بطاقه ترافل كارد لمده اسبوع تستخدمها للباصات والاندر ويكون على التذاكر عرض كل شخصين بسعر شخص
استخدمتها انا وزوجي وفرت علينا كثير

الاسعار
مدام توسو للكبير 28.80 وصدق او لا تصدق نفسه
الاكواريوم 19,02
لندن اي 18,60
تور اوف لندن 19,80
بريدج لندن 8
لندن زو 19,50
واذا بغيت زود ابشر عندي كاتلوج العرض
وتراه مره حلو فيه توفير وخصم لبعض المطاعم
ولاتنسى الخريطه فيها خصم 20% لمطاعم وكافيهات ومعلمه بالارقام على خريطة لندن

اخوي عشقي السفر ياليت لو تفيدني في وين اقدر احصل ترفل كارد اللي تقول عنها وشلون احصل عرض شخصين بشخص لان بنسافر 4 اشخاص لان بتوفر علينا والله

عشقي السفر==
ياليت لو تفيدني وين احصل هالكاتلوج وياليت لو فيه مجال اتواصل معاك

انا اختك وابشر
تاخذ الكارد من اي محطه قطار في لندن مره اختها من فكتوريا ستيشن واذا قصيت الكارد لازم كل شخص كبير له واحد اطلب الكاتلوج يعطزنك اياه واحيانا يكون على الرف معروض
والمره الثانيه لانه لمده اسبوع اخذته من مالبورن
وطريقة الكاتلوج فيه اهم الاماكن واسعهارها
وفي الاخير فيه 6 كوبونات تعبي كوبون لشخص المجاني
انت راح تحتاج كوبونينو لانكم بتدفعون لاثنين واثنين مجانا
تعبيه اسمك وايميلك ومن وين اخذ الكار والمكان اللي بتزوره
كنت اعبيها وانا في السير انتظر
واقص التذكره
اتمنى اكون افدتك
وفيه موضوع لاحد الاخوان هو اللي علمني عنه وافادني

عشقي السفر==
اولا العذر والسموحه اختي
وثانيا ماقصرتي كفيتي و وفيتي بس تقولين كتالوج فيه 6 كوبونات يعني اشتري 2 كاتلوج و بيكون عندي 12 كوبون بالنسبه للكوبونات هل يجب اني اعبي الكوبون لكل مرة اركب فيها الاندرقراوند او بس تكفي مره وحده
وياليت لو توضحين اكثر لو سمحتي

لا ياخوي الكتالوج مجانا ببلاش
وانت تحتاجه بس اذا جيت تروح للامكان السياحيه مثل لندن اي او لندن زو ماله دخل في الاندرقراوند الكارد يركب الباصات والاندرو قراوند وفيه هالعرض 2for1
يعني اليوم قررت تروح لندن اي
تكتب في الكوبون اسمك وتاريخ ميلادك والمكان اللي شريت منه الكارد اي محطه
والمكان اللي بتزوره اللي هو لندن اي
والكوبون الثاني نفس الشي بس غير اسم الشخص التاريخ فقط
وتسلمه لهم في مكتب التذاكر ويعطونك اثنين بسعر واثنين مجانا
عاد انت اذا كلكم كبار نفس الشي
بس اذا انتم 2 كبارو2 صغار اشتر تذكره كبيره وتذكره صغيره عشان الباقين يدخلون مجانا
وفي نفس الكاتلوج مطاعم اقراه زين
وفي خريطه لندن تخفيض على المطاعم وارقام تواجدها في الخريطه
راح تستفيد منها مره
وادعيلي ارجع لها الشتاء الجاي اشتقت لها وانا ماكملت شهر راجعه

طيب وين احصل هالكاتلوج ويعني ما تنصحين اني احجز عن طريق النت للاماكن السياحيه
ويارب ترجعين ان شاء لله بالسلامه

هلا اخوي انا لي اسبوعين راجعه والدمعه على الخد ماودي اني جايه
ماادري عن الحجز عن طريق النت اذا يشمله العرض او لا
بس ترى ماياخذ منك وقت
مره كنا في مدام توسو السير من طوله يمكن كيلو
ماخذ مننا ولا 5 دقايق
حتى عشان معانا العربيه لبنتي خلونا نروح لسير الثاني وكان اخف