يسعدلي اوقاتك
هنا بهالبوابة نجوم في المشوره والمعرفة ... ولكن من باب زيارتي لكيرلا بالسنة الماضية .. احب ان اعطي بعض ملاحظاتي ع البرنامج في النقاط الاتيه ..

• السعر مرتفع بعض الشئ ولكن حاولوا تغيروا .. الحجز بتكدي ال منتجع سبيس فلج ..افضل بكثير من جرين ود ... وكمان كوفلام غيروا الحجز الى فندق ليلا ... وبكذا يكون السعر مناسب
• هل عندكم حجز طيران داخلي من كوفلام الى كالكيت((( لان المسافة من كوفلام الى كوتشي ..تكسر الظهر بالسيارة حوالي اكثر من 7 ساعات واضيفي لها اكثر من 3 ساعات لكالكيت..
• كوفلام وكوتشي وكماركم متشابه بالاجواء ... اما مونار باردة ويفضل زيادة الايام بها .
• بالنسبة لحجز منتج ارمادا بكوتشي ... تاكدوا ان الغرفة مطله ع المسبح والبحيرة لانها اشرح من الغرف المطله ع البحيرة فقط .

والاخير والاهم ... خذي المشورة والنصيحة من حكيمة وعالمة هالبوابة >> اختنا مونار muunar
اخيك
ابو فراس

جزاك الله ألف خير صمت ثائر ورزقك من حيث لا تحتسب ..
راسلت مكتب ثاني وسوف أقارن بين الأسعار وأحاول أعدل في البرنامج ..
أين الأخت الغالية مونار ..والبقية ..نريد آراءكم حفظكم الله

1. عموما للمشاركه معكم اختي الكريمه :

حياك الله اختي ام نودي .. وحيا الله ابو فراس اي ريح طيبه قذفت بك الينا .. انت تغيب تغيب ونفتقدك ثم تطل علينا اطلاله خاطفه دون سابق انذار .. يبي لنا نترقب وجودك لنطمئن عليك كيفك وكيف ام فراس والأولاد اسأل الله ان تكونوا جميعا بافضل حال اصلحهم الله جميعا لك واخواننا المسلمين .. وياعزيزي رفع الله قدرك لكن العين ماتعلى على الحاجب او على قولتهم لايفتى ومالك في المدينه .. انت ماشاء الله من المميزين الذين اذا اشاروا بامر فهو بإذن الله عين الصواب ولانشور بعدهم

عموما للمشاركه معكم اختي الكريمه :

اولا : اسمحي لي اقولك اذا انتي من هواة الطلعات والفعاليات والانشطه فعشرين يوم كثيره جداا الا اذا كنتي رح تكثرين المناطق الي رح تزورينها وهاذا شوي متعب كل يومين وانتي ماسكه طريق وطرقهم شويه متعبه ..لكن اذا كنت تحبين الروقان والاسترخاء فلو تجلسين شهر مارح تملين
ثانيا : كم عددكم لو انتم 2 فالسعر شوي مرتفع مو كثير
ثالثا : البكيج يبي له تعديل في بعض الامور لكن قبل اقترح عليك حددي لي ذوقك كيف ايش تحبين : كثرة التنقل ام قلتها - المناطق البارده والغابات - ام السواحل - تحبين المنتجعات العصريه ولا الكلاسيكيه )
رابعا : فيه منتجعات معينه رائعه لكنها اغلى بفرق عن غيرها هل تهمك كثير مسألة تخفيض التكلفه
باذن الله مجرد ما اجد ردودك رح اشاركك والاخوه بوضع انسب برنامج .. ودمتي بخير

هلا وغلا بالغالية مونار ..
عزيزتي أنا من عشاق كيرلا وسافرت لها العام الماضي مع إخواني وهالسنة مع زوجي وأولادي بإذن الله ____ من تحمس من مدحنا لها يودينا هالسنة
المهم احنا غيرنا المسار كنوع من التغيير السنة الماضية من كوتشي وهالسنة من وإلى كاليكت ..لكن أنا ما أعرف عن كاليكت شيء بالإضافة إلى إن سفرتنا السنة الماضية ما أخذنا باكج بس سائق وسيارة فان ..
وبالنسبة للعشرين يوم فيه قناعة عند ابو الشباب إننا ما نتعب أنفسنا بالروحة والجية عشان عشرة أيام ..ما دامنا سافرنا نسافر وقت طويل وانا أحب الاسترخاء صراحة والاستمتاع بجمال الطبيعة والشواطئ ..إلى جانب أن أطفالي ممكن يستفيدون لغة انجليزية نوعا ما من خلال المحادثات والتعامل مع الهنود بالإنجليزية ..
طبعا حنا خمس أشخاص أنا وزوجي واثنين أطفال 13-12 ورضيعة ..
وأفضل منتجعات راقية أحيانا وفي أماكن أخرى نظيفة ممكن ثلاث نجوم وهكذا تغيير يعني وأفضل نجلس في كل مكان ما يقل عن يومين ..
والهاوس بوت صراحة كانت مغامرة معنا العام الماضي لا أريد تكرارها
إلا لثلاث ساعات أو أربع ..
وزوجي رأيه إننا ما نأخذ باكج ..يفكر الوضع مثل ماليزيا يقول نختار منتجعاتنا على كيفنا وأنا أقول ما أحب المرمطة..ولا زلت وإياه في نقاش ورأيك سيحسم الموضوع
عطيني رأيك نأخذ ولا لأ عشان أقيم عليه الحجة ههه شاكرة ومقدرة لك غاليتي وفقك الله دنيا وأخرى ..

تحياتي اختي العزيزه .. من الجميل انك عارفه المنطقه ورح تزورينها بقناعه .. والاجمل انك من محبي الطبيعه والاسترخاء
بالنسبه لموضوع الحجز انا من الناس الي احب استثمر رحلتي من نزولي من المطار .. ما احب الف وادور ولقيت مالقيت وهاذا فل وهذا مايصلح ولا مظطرين لهاذا او كم نجلس هنا لاني احيانا تعجبني منطقه كثير ممكن اضيع وقتي فيها وبالتالي احرم نفسي من الاستمتاع بما تبقى من المناطق .. انا اتعب نفسي بالبحث على النت لحد ما اوصل لما يرضيني لكن هناك انا ضد فكرة البحث واللف والدوران خاصة العوائل وخاصة لمن معها رجل ممكن يفرض عليهم رايه او يعصب بسرعه وينكد عليهم ( هاذي الفاصله شوفي زوجك من اي نوع ولا يسمعنا زوجك )
باختصار اختي اقترح عليك مايلي والله اعلم : اول يوم كاليكوت للراحه وفيها منتجعين هما الافضل كادفو وتاج انا ارشح لك تاج في البدايه لانه اقل والواحد اول مايوصل يكون متحمس ما يهتم لكن اخر يوم يكون الواحد متضايق وزعلان لذا يهم يكون المكان يشرح الصدر ولذا خلي كادفو لليوم الاخير ولو حابه تضعينه في اليومين لك الحريه ولكن من باب التغيير والتجربه
بعدها وايناد يومين في منتجع فيثري - ثم اوتي يومين في تاج سافوي - ثم مونار 4 ايام في كلوب ماهندرا الاكواخ الخارجيه
ثم تيكدي 3 ايام في سبايس فلج - يومين كومراكوم في زوري - يومين في كوفلام والافضل فيها هو ليلا وترتيل اون ذا بيتش وفيه واحد حلو مره لكن اقل مستوى منهم واقل سعر وهو تاج قرين كوف - يومين مراري في منتجع مراري بيتش - كوتشين يومين في رمادا - اذربلي يوم رين فورست - كاليكوت يوم .. ولو حابه نقلل الاماكن ونزيد عدد الايام في اماكن اخرى عطيني خبر وابشري
وربي يحفظكم وييسر اموركم ويوفقك لما فيه الخير
دمتي والجميع بخير

برنامج رائع الله يحفظك ويسعدك أين ما ذهبتي .. سأسجله وأرسله إلى فينو يعتمده ,,وجزاك الله خيرا غاليتي

تم إلغاء السفر لظروف خاصة ,, أشكرك غاليتي مونار .. أشكر الأخ العزيز صمت ثائر ..والله يكتب ما فيه الخير ..

حياك اختي .. وخيرها بغيرها ...دائما الخيره فيما يختاره الله سبحانه لعل به دفع شر عنكم