subaa
21-10-2022 - 08:54 pm
السلام عليكم ورحمة الله وبركاته
تحية طيبة للجميع.....ارجوا من الله ثم منكم مساعدتي والرد على بعض الاستفسارت التى احتاجها فضلا لا امرا....
انا مبتعث لسان انتونيو بصحبة عائلتي ان شاء الله واود معرفة بعض الامور التى تتعلق بموضوع السكن من ناحية قيمة الايجار والاثاث ومايترتب على ذلك ....والامر الاخر مايتعلق بالمواصلات والاجراءات للحصول على سيارة ومتوسط اسعارها ان امكن عند الشراء ,وجزيتم خيرا
و حياك الله
أنا الحين بسان انتونيو طال عمرك و استلم عندك الاسعار
الشقق
طبعا تتحدد قيمة الشقه اذا كانت مؤثثة او لا .. و طبعا فيه عوامل ثانيه ما ادري وشي
عموما انا انصحك بشقق اسمها ( بدجت ) على مخرج 15 .
هذي سعرها 880 غرفة وحده و صاله
0غرفتين نوم و صاله
و السعر شامل كل شي كهرباء ماء كيبل و مؤثثة بعد
و فيها سعوديين كثير بعوائلهم هنا .. و الحريم انواع قهوة الضحى
و الشباب مع بعض اغلب الوقت .. تعال انت بس و بترتاح ان شاء الله
ام وش بعد
ايه السياره
السياره طال عمرك حط ببالك مبلغ 5000 دولار للسياره اذا تبي سياره تريحك
و تفكك من اعطال .. و الاجراءات بسيطه جدا تروح لمعرض من المعارض اللي
في مخرج 13 ( بانديرا ستريت ) و تختار السياره و تفحصها و توديها للوكاله
و تتاكد منها بعد كذا ترجع للمعرض يعطيك الاوراق و تروح تخلص اوراقها
بسرعه و لا تاخذ منك وقت .. بس اهم شي هات معك مبدئيا رخصه دوليه تمشي فيها
امورك الى ان تحصل على رخصه تكساس .
و اعمل حسابك ترى الديره غاليه شوي و الدولار هنا مثله مثل الريال بالسعوديه.
ارجع و اقول لا تفوتك البدجت لانها تريحك من دفع الفواتير اخر الشهر و تقعد
تطارد ورى الشركات .
و اذا عندك اي سؤال اكتبه و انا ابرجع للموضوع مره ثانيه و ارد عليك
ان شاء الله
على فكرة تراني عزوبي و اذا جيت نبي منك كبسه ( وجه مستحي )
ههه لا تخاف امزح