ودي اعرف كم اصرف فرنك سويسري هل 300 فرنك كافية؟
طبعا اكل ودخول اماكن سياحيه وركوب باص الاماكن السياحيه فقط من دون تسوق
هلا والله اخوي.
0فرنك لشخصين ..غير كافية ..ممكن توصل الى 600 فرنك ..للفترة اللي راح تجلس فيها .
وهل فيزا الراجحي مسبقة الدفع(شحن)طبعا محفوره اقدر احاسب فيها في باريس وسويسرا؟؟
نعم بإمكانك ...اهم شي يكون فيها رصيد يغطي.
وش اقرب الاماكن اللي اروح فيها في 3 ايام في انترلاكن طبعا رايح بعدها الى زيلامسي؟؟
اليوم الاول يوم الوصول ..والاكتفاء بالتمشي بالسنتر او جولة في بحيرة ثون ..لقربها من محطة قطار انترلكن الغربية ..ومن الفندق كريستال.
اليوم الثاني:
زيارة قمة تتلس
وزيارة شلال الجس باخ.
اليوم الثالث :زيارة مطل الهاردر كلم وبحيرة البلاوسيه والاوشن سي.
وش رايكم في فندق(((كرستال انترلاكن)))هل بجواره مطعم وقطار وفي ستي سنتر؟
تقييم الفندق جيد
يوجد بالقرب من سوبر ماركت ميجروس الكبير.
وقريبمن محطة انترلكن الغربية
لكن ليس في السنتر
السنتر يبعد تقريبا 1 كم ..وتكثر فيها المطاعم.
وش افضل المطاعم في انترلاكن وماتكون غاليه؟
مطاعم الوجبات السريعة ..مثل ماكدونالدز
ويوجد مطعم ايطالي اسمه بيزيرا
ومطعم شاليمار الهندي ...يعتبر شوي سعره غالي
ومطعم سبايس انديا هندي ..يعتبر شوي سعره غالي
===========
واي استفسار اخر نحن حاضرين.

طبعا أول يوم التمشى بانترلاكن
والمطل الهاردر كلم
ثانى يوم : أوشى سى + بلوسى ( البحيره الزرقاء )
ثالث يوم : قريه زرمات أو تتلاس ولك حريه الاختيار

Medo 77
شكرا اخوي الله يعطيك العافيه
انا حمشي على جدولك بس لو تبين لي كيف الوصول الى هذه الاماكن عن طريق الباص ؟؟
وكم اسعاره اكون لك شاكر؟؟
وهل اقدر احسب في التذاكر بالفيزا والمطاعم زي ماكدونلز او اشيل معي كاش؟

أبله وسميه
شكرا اختي على الرد
ياليت توضحين لي طريقة الوصول الى هذه الاماكن بالباص وكم سعرها؟
واكون لك شاكر

ممكن تاخذ السويس باس لمدة اربعة ايام ..واللي يعطيك حرية التنقل بالقطارات والباصات والبواخر ...ودخول المتاحف مجانا ..وخصم 50 % على التلفريكات والقطارات الجبلية ..جدا قوي ورائع..
عليه عرض الان ..تاخذ واحد والثاني مجاني.
وقميته : 226 فرنك سويسري.
http://www.myswissalps.com/swisspass.asp?lang=EN
هذا الموضوع مهم لابد من ااطلاع عليه:
https://artravelers.com/p/re/62167
ولي عودة معاك غدا ان شاء الله لكيفية الوصول الى الانشطة بالقطارات والباصات .

بالنسبة لبطاقة الفيزا .ممكن تستعملها في كل مكان..
لكن الكاش لابد ان يكون معك .
.
============
مهم جدا تعرف مواعيد عمل الباصات والقطارات والبواخر...وممكن الفندق يوفرها لك ..او من اي مكتب سياحي .
اذا كان دوك رحلة بالباخرة ..مرفأ انترلكن على بحيرة ثون يقع خلف محطة قطار انترلكن الغربية
ومرفأ انترلكن على بحيرة برينز يقع خلف محطة انترلكن الشرقية.
مواعيد الرحلات من نفس المرفأ تاخذونها.
او من هذا الموقع
http://www.bls.ch/e/schifffahrt/fahrplan.php
وهذا خط السير:
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 876x289 .
===========================================
اليوم الثاني: زيارة تتلس ومدينة لوزيرن .
((عفوا ..الشلال يقفل في يوم 21 اكتوبر)))
تتلس قمة الثلج ..وتوصل لها عن طريق محطة انجلبيرج .
تطلع لها بالقطار من محطة انترلكن الغربية ..ثم تروح لأنجلبيرج .
Engelberg
وهذه في لوزيرن :
لوزيرن مدينة اكبر من انترلكن ..وهادئة وجميلة ..وتوصلوها بالقطار من انترلكن .
ويوجد فيها الجسر الخشبي وتمثال الاسد ..وطبعا بحيرتها غنية عن التعريف وحديقة قليتشر جاردن (الحديقة الجليدية قريبة جدا من التمثال)
KapellbrückeLion Monumentgletschergarten
=======================
اليوم الثاني: بحيرة البلاوسيه + شلال التروميل باخ .
ايضا اعتذر عن الخطأ الغير مقصود ..لم انتبه لتاريخ الوصول..ايضا بحيرة الاوشن سي مقفلة.
بحيرة البلاوسيه :
الذهاب من محطة القطار الى محطة قطار فروتينجن
Frutigen
ثم من محطة الباصات اللي اسمها Frutigen, Bahnhof
الموجودة في محطة القطارات
الذهاب الى محطة باص البلاوسيه Blausee
Blausee BE
يجب اخذ مواعيد الباصات ..مهم جدا .
شلال التروميل باخ :
الذهاب من محطة القطار في انترلكن الى محطة قطار لوتربرونن .
Lauterbrunnen
ثم من محطة الباصات القريبة من محطة القطار .. الى محطة باص شلال التروميل باخ .
Trummelbachfalle
============
وبالتوفيق

اخوي ميدو شكرا لك من قلبي على شرحك
بس عندي سؤالوهو:
هل زيارة هذه الاماكن اللي ذكرتها تكلف 226 فرنك سويسري للشخصين
او اكتفي بالتذاكر اليوميه
انا راح امشي على جدولك هل تذكرة صعود القمه تتلس مكلفه؟
كذلك زيارة لوزيرن بالباص كم التكلفه؟
اما المتاحف لا تعجبني
انا اريد فقط بحر وثلج واتمشى في المدينه لانها رحلة استجمام ولا ابحث عن الاماكن البعيده لاني سوف اذهب بعدها الى زيلامسي

هل زيارة هذه الاماكن اللي ذكرتها تكلف 226 فرنك سويسري للشخصين
او اكتفي بالتذاكر اليوميهانا راح امشي على جدولك هل تذكرة صعود القمه تتلس مكلفه؟
.
هذا موقع القطارات السويسرية:
http://www.sbb.ch
وحط افتراضيا الانتقال من انترلكن الى انجلبيرج .
Interlaken West
Engelberg
وهذه الرحلة راح يكون فيها تبديلين ..في بيرن واحدة ..وفي لوزيرن واحدة ثانية.
(يعني تبدلون القطار)
فتكلفة رحلة الذهاب والعودة للشخص 67 فرنك سويسري..لشخصين 134 فرنك .
وسعر قمة تتلس 90 فرنك سويسري للشخص ..يعني للشخصين 180 فرنك.
واذا كانت البطاقة موجودة ..تاخذو خصم 50 % على التلفريك ..يعني يصير المجموع 90 فرنك لشخصين.
فاذا كانت البطاقة غير موجودة ..رحلة الذهاب والعوودة الى تتلس لشخصين بقيمة ..314 فرنك .
وهذا لسه نشاط واحد .
فالبطاقة وجودها مهم ..في حين التنقل مفتوح ..ما يحتاج توقفون سرا على التذاكر كل شوي..بس تطلعو القطار الصحيح وتجلسو باي كرسي.
كذلك زيارة لوزيرن بالباص كم التكلفه؟
بصراحة لا علم بها.
اللي اعرفه ..اني لو بغيت اروح لوزيرن ..اطلع بالقطار وليس بالباص.
والقطارات السويسرية مريحة جدا ..ولا تشيلو هم الطريق..واستمتعو بالطبيعة.
وبالتوفيق

مرحبا
ما فى شى صعب بسويسرا
ما شاء الله كل شى بسهوله
انا اخذت سويس باس
لمده ثمانيه أيام
بحدود 90 دينار كويتى
اتجول بكل شبكه مواصلات
من قطارات ، ترام ، البوت ( الباخره )
ليس فيها حدود ما عليك فقط اتحدد مكانك واذهب للقطار بدون انتظار لقطع التذاكر
اما عن الرحلا كيف الوصول لها
يوجد فى بوابه سويسرا
دليل سياحى
ابو عزيز
كثر الله خيره وجزاه الجنه مع احبابه