هلا بك اخوي
ما ينفع الهويه اللي صورتها ملون لازم الابيض و اسود الجديده
اذا السياره باسم شخص غيرك لازم يعملك تصريح لقيادة السياره بس ما ادري من وين اتوقع من المرور
حاليا اجازه فطبيعي دائما زحمه
ما عندي علم عن المخالفات
وبالتوفيق

بالنسبة للملونة تقدر انا قبل اشهر دخلت مع واحد من زملائي وبطاقته الهوية الوطنية بس بصورة ملونة ودخلوه عادي وهالكلام على مسؤوليتي .
وبالنسبة للسيارة اللي بإسم الوالدة .. للأسف لا .. وهالشي مزعلني مرة .. لاني سبق ان دقيت مشوار للجسر ويوم جيت بدخل قالوا جب تفويض لأن سيارتي الشخصية بإسم ابوي !!!! ومعروف في السعودية ان المرور يمشيك اذا كانت السيارة بإسم الأب أو الأم ولايحتاج حتى إلى تفويض .. والغريب ان اللي رجعني بسبب ان السيارة بإسم ابوي هو المنفذ السعودي وليس البحريني !!
والمخالفات موب لازم تسددها لكن اذا كانت الإستمارة منتهية ما راح يدخلونك الا بعد ما تجددها وتجديد الإستمارة يستلزم تسديد المخالفات طبعا وهذا اللي حصل معي !!

خطاب2
مشكور اخوي خطاب
أهم شئ انت متأكد لانه شوف الاخ الي فوق قال الهويه الملونه مايمديك تخش فيها
والمخالفات حتى الان انا خايف والله ادق مشوار وفي الاخير يعقدونها لاني من جنوب الممكلة
الرجاء من الاخوة الي متأكدين مره الرد وشكرا

معقولة هالناس كلها موعارفة او غير متأكده
الرجاء الرد لوسمحتو لو تكرمتو please >>>>>>>>>>>>

خطاب2
مشكور على المشاركه
وانا اللي اعرفه ان الملونه ما تنفع لكن العلم عندك دامك مجرب
عموما الاخ صاحب الموضوع دامك من الجنوب ليه تعور راسك؟؟
خذها طيران و فك عمرك وهناك استاجر سياره و لف فيها على كيفك
في النهايه الواحد يشتري راحته

البطاقه تخش بها عادي استغرب من الي يقولون ماتخش بالملونه ..
انا خاش اكثر من مره بها عادي مافيه اي مشاكل
البطاقه بطاقه مافيه ملونه وغير ملونه كلهم مقبولين ..السياره لازم تفويض .. وهالشي بسيط من المرور وانت واقف تطلعه
المخالفات مايشيكون عليها رح وانت متطمن . اهم شي تفويض مصدق من المرور .. والرخصه ساريه والاستماره كذلك
يامرحبا هيل عد السيل تبي خوي علمني تراني ادل في البحرين بس سينما واماكن كويسه
الايام افضل شي قول الاوقات روح بدري تمشي بسهوله لاتروح متاخر ولاتطلع بدري من البحرين انتبه لوقت خروج الموظفين والزحمه تحصلها في الويك اند واستلام الروااتب

مشكور اخوي Garmin555
والله انك فرحاتني كثيير شكلك تحب السينما كثيير
ابي الحق فلم ريزدنت ايفل 3d
ياليت عندنا سينما في السعودية ماأدري ليش حارمينا
بدال هذا المشوار والقروشه والتعب الله يعين بس
وش أفضل سنما الدانه او السيف

وعليكم السلام
اخوي البطاقه الملونه الهويه تدخل عادي ومافي مشاكل لكن اهم شئ الصوره تكون واضحه
اهم شئ الصوره تكون واضحه لان خويي رجعوه والثاني دخلوه عادي
وبخصوص السياره اكيد تفويض من ابوك تطلعه من المرور وفي هالحاله لازم تسدد مخالفاتك
انا اشوف تروح للجسر وتاخذ تاكسي تدخل الين البحرين وتستخدم تكاسي هناك او تستاجر سياره
والفلم ريزدنت ايفل انا شفته ثري دي ولا يفوتك :>

.]
لاشكر علي واجب
الدانه هاديه ورايقه ....
الان في الستي سنتر احسن واحلا جو كمول .. والسينما فيه 3 دي ....
والناس طيبه وترحب بالزائر لها .
السينمات وقت بسيط وتشووفها مثل مطاعم المندي والبخاري .
ال