أول ما تدخل المحطة تلقى اللوحة اللي تدلك على الخط ( تعرف على الخط عادة باللون .. لاحظ الصورة الاولى والثانية ) هذا في البداية بعد ما تحدد الخط اللي تبيه تنزل للرصيف وانت نازل تلقى في الغالب لوحتين في وجهك يمين ويسار كلها نفس الخط بس وحده للرايح ووحده للجاي ومكتوب فيها اسماء المحطات اللي القطار بيمر فيها ( اختر الوجهة حسب المحطات )
الصورة رقم 1

الصورة رقم 2

تحياتي ... scott

اشكرك جزيل الشكر بس والله باقي ماوصلت المعلومة.........
احيانا يصير على القطار لوحة اليكترونية في المقدمة ومكتوب عليها اسم محطة ممكن اعرف وش هذي المحطة هل هي المحطة التالية او السابقة او آخر محطة يقف عندها

اللوحة اللي في مقدمة القطار ما تهمك او بمعنى ادق ما تفيدني في تحديد خط السير ( اللي يهمك الخريطة اللي في ايدك ) واللوحة الالكترونية اللي على الرصيف هذه تعلمك كم بقي من الوقت على وصول القطار .. اذا ركبت القطار تلقى لوحة الكترونية فيها ارشادات ويمر فيها المحطة القادمة مع صوت يقول لك ( نكست ستيشن از ؟؟؟؟؟ ) واذا وصلت يقول اسم المحطة اللي وقف فيها القطار وهلم جرا . اللي يهمك انك تعرف تتعامل مع الخريطة وتحدد اولا وجهتك وبعدها خط السير حسب الخريطة .. واذا دخلت المحطة كل اللوحات قدامك وحاول تتعامل مع الالوان مثلا ( اركب الخط الاحمر واغير الى الخط الازرق في محطة كذا ) وامر الرصيف سهل مثل ما قلنا تلقى لوحتين عند مدخل الرصيف تعلمك كل رصيف وش يمر من محطات ( طبعا كل هالكلام اللي اقوله لك افترض انك تقرأ انجليزي ) والامور بسيطة جدا باذن الله ... تحياتي ... scott

الله لايهينك يااخ scott44
الخريطة والتعامل معها اسهل من شرب الموية بس المشكلة اللي احمل همها وانا باقي في البيت هذا القطار اللي قدامي وين رايح لأن الوان القطارات تقريبا متشابهه
وبالنسبة للوحة الالكترونية اللي تعلمني كم بقي من الوقت ويجي القطار وش يكتبون هل هو اسم الخط والا اسم المحطة القادمة والا ايش.
معليش تحملني بس صدقني مجرد ما احل هذا اللغز راح انزل موضوع كامل متكامل عن المترو لأني والله قاعد اعاني

اخوي ايش الهرجه والله كلامك فعلا مضبوط المترو هذا شغلته شغله ...
انا متواجد الان بلندن ولكن متخوف من استخدامه ومعتمد على الباصات فقط ..
لانه اخاف اطيح بمترو يرمني بباريس ولا بديرة مالها اخر واقعد اغني ظلموه للصبح ... انا انتظر موضوعك بعد فك طلاسم المترو عشان اقدر اروح واي انا مرتاح ....
دمتم بود
الغربي 2000

و أنا أخوك اللوحة الالكترونية اللي على الرصيف توضح موقع القطار و كم باقي عليه . مثال : 3 min اسم المحطة = يستغرق وصول القطار الى الرصيف اللي انت واقف عليه 3 دقايق وهو الأن في محطة كذا .. وبعدين انتبه اللون يكون على جدران المحطة والخريطة اما الة القطار نفسها فكلها واحد يعني لا تفهم وانا اخوك ان القطار له لون اللي اقصده الوان خطوط السير ( ولا يمكن تتشابه ) الا في درجات اللون مثلا عندنا الازرق السماوي والغامق اما انك تقول تتشابه خطوط السير فلا اشارك الرأي .. اكرر وانا اخوك انت اللي يهمك 3 امور بس عشان تتنقل بالتيوب
1- معرفة المحطة الوصول اليها ( اسمها )
2- دراسة خط السير على الخريطة ( انا ابروح المحطة الفلانية وهي على اللون الاخضر والمحطة اللي بجنب سكني خط احمر اركب منها حتى اوصل محطة ربط بين الاحمر والاخضر وبعدين اغير القطار )
3- دخلت على محطة الخط الاخضر احدد الرصيف اللي ابركب منه وقبل كل مدخل رصيف المحطات اللي يمر عليها
غير هالامور الثلاثة لا يهمك ( وش تقول اللوحة الالكترونية وش مهمتها هذه زوايد على الرحلة لو صار امر مثلا اغلقوا خط للصيانة تلقاه مكتوب على سبورة عند مدخل المحطة وكذلك بيعلن عن طريق الميكرفون ) صدقني اذا انت اجدت الامور الثلاثة اللي قلت لك خلاص امورك سهلة .. كلها 3 ايام وترمي الخريطة وممكن تشتغل مرشد في المحطة تدل الناس باذن الله ... تحياتي .. scott

وانا اقول الله يسعدك دنيا وآخر يا أخ scott44
راح اطبق كل اللي قلت لي وان شاء الله تزين الامور

في كل خط يوجد اتجاهين وعند كل رصيف توجد لوحه على الجدار تبين لك المحطه اللي انت فيها عليها دائره او علامه تميزها ثم بعدها تجي المحطات اللي بعدها وانت قرر
مثلا عندك المحطات A-b-c-d-e-n-g-f-r
تبي تروح من المحطه G الى المحطه C تروح للخط وتشوف اللوحه G والمحطات اللي بعدها بيصير عندك خطين
خط من G الى F ومن ثم الى R وخط من G الى C مرورا ب N و E و D
اما بالنسبه للوحه المكتوبه على القطار فهو يمثل اخر محطه راح يتوقف فيها القطار في هذا الخط قبل الرجوع مره اخرى على الخط
اما موضوع تغيير الخط فهو طريقه اخرى نفترض انك في محطه الماربل ارتش وتبي تروح للبيكاديلي سيركس
تروح من الماربل ارتش حتى اوكسفورد سيركس وتنزل وتروح تغير الخط الى الخط البني
الموضوع سهل جدا وراح تفهم الطريقه بسرعه ولاتتخوف
الحقيقه انا استمتع باستخدام الاندرقراوند
اتمنى اني افدتك
واي استفسار انا جاهز

انا الحمدلله لغتي كويسه
ونوعا ما فهمت الطريقه بس الخريطه من وين اجيبها هل اجدها متوفره بالاندر قراوند
غير كيذا انا مثلا ناويه اروح للمدام تسودو
كيف اعرف المحطه الي المفروض انتقل فيها وسير الخط الي امشي عليه هل الخريطه
حتدلني وترشدني ان المحطه هاذي جنبها مدام تسودو او وات ايفر
ارجو منكم الرد وشكرا على طرح الموضوع
لاني كنت جدا محتاجته وشايله هم الاندر قراوند