شوف سعرها بالنت كم تطلع انا اخذت تذكرتين ب70يورو غير مسترجع من باريس الى استراسبورغ
ومن المحطه على ماعتقد ارخص بس ماني متاكد
اذا من النت اختر طباعة التذاكر من المنزل ارخص من انهم يرسلونها لك على البريد
طريقة الشراء عاديه ادخل على قطارات اوروبا وتحصله والخطوات
سهله

شوف سعرها على الموقع الفرنسي 35 يورو عرض على الدرجه الاولى وهو يرتفع كل يوم وهذا عرض جدا ممتاز طالع لك ارخص من الدرجه الثانيه طبع التذكره غير مسترجعه ورغم ذلك فهي ارخص من التذكره الغير مسترجعه على الدرجه الثانيه ولا تؤجل الحجز الى يوم السفر سوف تتضاعف الاسعار بكل تاكيد
الموقع الفرنسي
http://en.voyages-sncf.com/en/train-ticket/result?hid=55V
وهو افضل لك من الحجز من الموقع الاوربي طبعا هم نفس القطار ولكن الموقع الاوربي يعتبر وكيل حجوزات وهو يأخذ ضرائب عاليه ويرفع السعر في بعض الرحلات
وهذ الموقع الاوربي
http://www.raileurope-gcc.com/spip.php?page=sales&re_domain=ptp&re_oper=results

الله يعطيكم العافيه ما قصرتو ..
كيف طريقة الحجز من الموقع الله لا يهينك ..

فقط ادخل على الرابط اللي اعطيتك وعبي معلوماتك تاريخ السفر الوجهات المسافرين واعمارهم وحط اسم بلدك السعوديه فيه خيار تحت فيه خيارات ثانيه خاصة ببطاقا التخفيض اذا عندك شيء ادخلها او اتركها وبعد ما تسوي بحث تطلع لك الرحلات ومواعيدها واسعارها والعروض التي عليها
بعد اختيار الرحله والدرجه والسعر ونوع التذكره مسترجعه اولاء
يجيك خيارات من ضمنها e tickt service وهي الخاصه بالطباعه في البيت اذا ما جتك غير الوجهات مثلا باريس جنيف الين تطلع لك وابداء احجز من جديد
تحياتي

شكرا لك عالشررح الله يعطيك العافيه
ابشرك حجزت بس خيار التذكره الالكترونيه ما يطلع من ستراسبورغ الى باريس .. وطلع في الرحله من باريس الى جنيف ..
حجزت تذكرتين من ستراسبورغ الى باريس ب 70 يورو .. درجه اولى والتذاكر ما طلعت اخترت الخيار الاول زي ما فهمت اقدر اخذها من محطة القطار او من المكينه الالكترونيه في المحطه .. مادري كيف الطريقه
و تذكرتين من باريس الى جنيف ب 135 يورو و التذكره الكترونيه وطبعتها من البيت ..
بس للاسف الرحلة الاولى مافي خيار تذكره الكترونيه .. ايش الطريقه الله يعافيكم الي جرب الطريقه هذي .. مع العلم ان المقاعد محجوزه ومحدده ..
وشكرا لكم .. ما ننحرم منكم

قلت لك ممكن ما يطلع خيار الطباعه. غير الحجز مثلا الى ديزني او جنيف ويطلع لك خيار التذكره الالكترونيه ارجع بعدها عدل حجزك الى ستراسبورغ باريس وتحصل التذكره الالكترونيه كمل بعدها. يعني الموقع يحتاج خضخصه شوي هههعههه لين تطلع التذكره الالكترونيه

صحيح ما طلع وحاولت كثير وما طلع فاضطريت احجز بدون تذكره الكترونيه والتذكره كيف اقدر اخذها من المحطه لاني ما اخترت ارسالها بالبريد

حاول لو بتحجز من محطة القطار يكون الحجز قبل ايام بالذات الخطوط الى باريس تكون مزدحمه فهناك احتماليه كبيره انك ماتلقى مكان في القطار المباشر الى باريس اذا اجلت الحجز الى نفس يوم السفر الى باريس