السلام عليكم،
يعطيكم العافية، احنا مسافرين بكرة إن شاء الله. و احنا ثلاث أشخاص فقط أنا و الوالد و الوالدة الله يحفظهم. راح يكون خط الرحلة من الكويت الى ميونيخ و نقعد هناك أسبوع تقريبا و بعدين من ميونيخ الى زيلامسي و من زيلامسي الى فيينا. الرحلة راح تكون تقريبا 25 يوم.
المهم الحجوزات كلها تمام لكن الى الأن ما حجزنا سكن في زيلامسي. الوقت متأخر و الأماكن الزينة كلها محجوزة. احنا ندور على شقة أو فندق زين و يكون بجنب السنتر و البحيرة. لقينا عند Appartement Trinker بس سمعت ان ما عندهم مصعد و أنا خايفة على الوالدة لأنها توها عاملة عملية و ما تقدر تصعد درج عالي.
ودنا نقعد بزيلامسي 15 يوم يعني من 19-7 الى 2-8 و للأسف محنا لاقين مكان. الي عنده اقتراحات يقدمها و أكون جدا شاكرة.
و سؤالي الثاني بخصوص المواصلات من ميونيخ لزيلامسي و من زيلامسي لفيينا. شنو أريح و أرخص طريقة. كنا مقررين بالقطار لكن تخوفت من تعليقات بعض المسافرين عن الأمتعة و الشنط. احنا شنطنا شوي كبيرة و سمعت ان راح نواجه صعوبة بالقطار بسبب هذا الشي! شنو رايكم؟
و شكرا.