نشر في سيرلانكا

استفسار عن افضل المدن في سيرلانكا

كتاب انجليزي

16-12-2022 - 08:01 pm

السلام عليكم اخواني ان شاءالله عايلتنا الكريمه قررت السفر الى سيرلانكا في الاجازه الصيفيهحنا عايلتين والسفره بتكون 15 يوم بإذن الله ولكن من قرآتي لتقاريركم هنا راسي اعلن الانفجاراريد منكم افضل 3 مدن في سيرلانكا مناسبه للكبار والصغار وطبعا عايلتنا اهم شي عندها الخضره والطبيعه الخلابهوياليت اللي يذكر لي المدن تكون مجربه لاني انا قائدة الرحله وابي الرحله ارفع راسي فيهاويفضل ذكر السكن في المدن وياليت يكون فلل او اكواخ لاننا عايلتين فصعبه كون السكن بفندقوشاكره لكم وماراح انساكم من دعواتي

التعليقات (8)

جهبد

16-12-2022 - 10:14 pm

3 ايام نوقمبو
يومين هوناس فولز
4 ايام كاندي
4 ايام نوراليا
2 يومين كولمبو
هذا افضل توزيع من وجهه نظري واستبعدت بنتوتا والعوض بنوقمبو لانه مشوار طويل عليكم من نوراليا الى بنتوتا
هذا مبدئيا توزيع الايام ولي عوده باقتراحات بالنسبة للسكن والامور الثانية
وحنا بالخدمة انا والاخوان و انشالله بترفعي راسك

كتاب انجليزي

16-12-2022 - 11:15 pm

جهبد
مبدئيا حلو بس هل المسافات متقازبه بين المدن اللي ذكرتها؟
ومشكور وبانتظار الباقي

جهبد

17-12-2022 - 12:16 am

بالنسبة للمسافات هذا افضل شئ لانه من المطار الى نوقمبو من نصف ساعة الى 45 دقيقة على حسب
ومن نوقمبو الى كاندي 3 ساعات ومن كاندي الى منتجع الهوناس فولز ساعة ونص او اقل ومن كاندي الى نوراليا ساعتين ونصف الى 3 ساعات على حسب الممشى وفيه طريق من نوراليا الى كولمبو العاصمة 3 ساعات وهو طريق احدث واوسع وفيه شلالات ومن كولمبو الى المطار ساعة ونص قد تزود على حسب الزحمة
سؤال لو تكرمت انتو كم شخص المفروض كم غرفة تاخذو لو افترضنا بالفندق ؟؟؟

كتاب انجليزي

17-12-2022 - 01:17 am

احنا نفس ماقلت عايلتين كل عائله 6 اشخاص بالغينوطبعا بيكون كل عايله سكن مستقل ويكفي كل عائله غرفتين وصاله

ابن فطفوطه

17-12-2022 - 02:18 am

كولومبو - كاندي - نوراليا - بنتوته
والسفره مطوله تقدرين تشوفين التقارير وتختارين الي تبينه من مناطق وفنادق واماكن سياحيه بالصور لان اغلب التقارير متشابه بالاماكن

كتاب انجليزي

17-12-2022 - 04:20 am

بس انا الحين استقريت على كولمبو نوراليا كاندي هوناس فولز نوقمبو لان بنتوته بعيده وصعبه مع الاطفال تكون السفره كلها طريق

ابن فطفوطه

17-12-2022 - 05:21 am

ههه شلون السفره كلها طريق انتم سفرتكم 15 يوم يعني طويله حيل ونوراليا الي يطوفها كأنه طوف نصف السفره
وناس وايد رحلتهم 6 ايام والي رحلته اسبوع يروحون يعني نص ايامكم
والمسافه بين كاندي ونوراليا تقريبا من 3 ساعات الى 4 ساعات بس الطريق الطويل الي هو من نوراليا الى بنتوته
ولا تتوقعين ان الطريق ممل نفس الي عندنا هني ما نشوف الا التراب بالعكس الطريق كله شلالات وجبال وكل شوي تنزلون وتصورون وما تحسون بالوقت ابد

كتاب انجليزي

17-12-2022 - 06:22 am

ابن فطفوطه
طيب اخوي انا ما قلت ماراح اروح لنوراليا بروح لكل المدن ماعدا بنتوته وبتكون نوراليا هي اكثر شي نجلس فيها باذن اللهيعني نفس ماقال اخوي جهيد تقسيم الايام مره حلو 3 ايام نوقمبو يومين هوناس فولز4 ايام كاندي4 ايام نوراليا2 يومين كولمبو

سيرلانكا المسافرون العرب

استفسار عن افضل المدن في سيرلانكا