بالنسبة لفينيسيا في ايطاليا هل يمكنني الذهاب اليها من زيلامسي؟؟ وكم المساافة بينهما؟؟؟ وسعر التذكرة؟؟
نعم هناك أكثر من طريقة تستطيع الذهاب بها إلى فينيسيا
الطريقة الأولى والأوفر بالقطار وتستغرق الرحلة حوالي 7 ساعات مع تغيير قطارين وسعر الشخص ذهاب فقط حوالي 22 يورو
والطريقة الثانية بإستئجار تكسي خاص وتستغرق الرحلة حوالي 5 ساعات وسعر الإستئجار حوالي 450 يورو للسيارة

مشكور على الرد بس والله فيه تضارب في المساافة بين زيلامسي وفينيسا
ياليت المشرف يأكد لنا كم المسافة

حياك الله اخوي ..عاشق المستحيل
قولي تبي تنتقل بأي طريقه .. اذا بالسياره اقولك المسافه
اذا بالقطار قولي متى يوم الذهاب .. م زيلامسي الى فينيسيا
وابشر حاضرين
لكن بشكل عام اذا الرحله من زيلامسي الى فينيسيا بيوم واحد ذهاب وعوده ما انصحك مرهقه

ali_q8_77
اهلين اخوي
والله ماني عارف المهم رحلتي يقي عليها يومين على ميونيخ وبعد استراحة يومين في موينخ راح انتقل لزيلامسي وفيه مكتب في جدة قال انه راح تلاقي رحلات يومية لفينسيا من الصباح الباكر الى اخر اليوم وترجع لزيلامسي في نفس اليوم وقال راح تكون على شكل قروبات والتكلفة 60 الى 90 يورو للشخص وذكر راح تكون المسافة 3ساعات بالسيارة وحاب أتأكد من هذا الكلام
وانا حاب اروح لفينيسيا يوم الجمعة القادم 16 ابريل
نصيحتك لي بالسيارة ولا القطار؟؟؟؟
انتظر ردك ولك جزيل الشكر والتقدير

المسافه بينهم 330 كيلو الوقت بالسياره 4 ساعات و40 دقيقه تقريبا كون الطريق الريفي ..
صحيح في شركات تسير رحلات الى فينيسيا لكن هذا الكلام بالصيف ولا اعتقد انهم فاتحين الان .. ممكن تتأكد من هناك
نصيحتي بعدم الذهاب كونه مجهده الرحله وطويله وحتى بالقطار اطول لانه بعض الرحلات فيها 3 تبديلات
تحياتي