البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في البحرين

استفسار عاجل ياشباب

دكتورالمستقبل

30-11-2022 - 05:50 am

السلام عليكم شباب
والله يسعد مساكم
انا دايم ادخل البحرين بالهوية الوطنية (البطاقة) لكن هالمرة اخذت الرخصة على بالي انها البطاقة للتشابه الكبير بينهم وهي فيها نفس معلومات البطاقة
هل اقدر ادخل فيها للبحرين ويمشونها الجمارك؟؟؟
تكفون ياشباب اللي عنده معلومه يفيدني

التعليقات (6)

origami

30-11-2022 - 08:26 am

ههه
راحت عليك.
جرب وعطنا خبر
الجمارك راح يمشونها طيب والجوازات..
مالها حل أبد..

Discover Bahrain

30-11-2022 - 09:27 am

حسب معلوماتي يا الغالي ( من الجهة البحرينية ) فإن بطاقة الهوية تكون الكترونية فيتم إدخالها في جهاز خاص بها وتظهر كافة المعلومات الخاصة بك ، ولكن هالشيء مع الأسف ما هو موجود في رخصة القيادة ، وجود بطاقة الهوية أو الجواز ضروري لعبور الجسر ، الله يسهل أمورك

وحيدة اهلها

30-11-2022 - 10:28 am

مااضن ابد يمديك تدخل ابد

د.مصرقع

30-11-2022 - 11:30 am

مستحيل تدخل بالرخصة
مالك الا يرسلونها لك اهلك بالدي اتش ال على الدمام

دكتورالمستقبل

30-11-2022 - 12:31 pm

الله يعطيكم العافيه ياشباب جميعا وييسر اموركم
خلاص أجلنا السفرة للويك اند الجاي بسب البطاقة المعفنه
لكن طمنونا على الاوضاع في البحرين الغالية وشلون الوضع والامن والمجمعات واذا احد بينصحنا بشي مانستغني ولا احد يامرنا على شي نلبيه يالبى قلوبكم

Discover Bahrain

30-11-2022 - 01:32 pm

حبيبنا الوضع حاليا في البحرين الآن طبيعي جداً وكل المرافق السياحية مفتوحة وحسب الأصول واليوم (( الخميس )) كان هناك عدد كبير من السيارات السعودية والخليجية وكان شيء يثلج الصدر بصراحة