حاضرين اخوي .. متى ناوي اتسافر بالظبط .. هل تقصد بشهر1 ميلادي .. اذا كانت الاجابه بنعم .. فما انصحك ابدا الذهاب بمثل هاذا الوقت ... لانه النمسا وخصوصا زييلامسي وسالزبورخ ثلوج وكل شي تقريبا مغلق ما عدا الفعاليات الشتويه ...
اذا ناوي اتسافر انا حاضر بكل شي لا تشيل هم
كم يوم الرحله
ولك تحياتي

طيب لو قلنا بروح على الشهر الجاي لاني قدمت جوزاي وراح تطلع الفيزا بالشهر هذا
الذهاب بأذن الله يوم 1/10/2009 وبجلس 9 ايام ان شاء الله

ممكن اخوي الاجواء مقبوله وحلوه وبارده نوعا ما ... والشس الوحيد الي ممكن يزعجكم الامطار .. لكن افضل بكثير جدا من شهر 1
المخطط رغم الفتره القصيره... اشوف لو تبدا من فينا وتنتهي بميونخ
ويكون الجدول فينا 3 ايام وزيلامسي 3 ايام وميونخ 3 ايام .. وهناك مخطط اخر
لكن قولي اخوي شنو حاب طبيعه يعني تبي الريف اكثر وله المدن وانا بالخدمه

اميل للمدن اكثر من الريف لكن مايمنع اروح للجبال

اذا المخطط الاول هو الانسب ومن حيث المسافات اقرب ايضا ... شنو وسيلة النقل ؟؟ وايضا شنو حاب فنادق 4 او 5 نجوم؟؟
وهل المخطط اعجبك حتى نكمل باقي الرحله
وانا بالخدمه

المخطط اوكي ان شاء الله والنقل اذا ماعليك امر ابغى اعرف القطارات كيف ؟؟ وايجار السيارات كيف ؟؟
والفندق ال 5 نجوم ان شاء الله انه طيب ؟

اذا حاب بالقطار الامور سهله بالتنقل .. يعني عندك من المطار الى الفندق بفينا اذا تحب تكسي اوكي .. وبعدين بالقطار من فينا الى زيلامسي ومن زيلامسي الى ميونخ نفس الشي
منزيلامسي الىميونخ وتغير القطار في سالزبورغ المسافه ساعتين ونصف
ومن فينا الى زيلامسي 4 ساعات وتغير القطار بسالزبورخ
ومن ثم من فندقك الي بميونخ ممكن تاكسي الى المطار
................................................ز
اما بالنسه للسياره هل تعرف للقارمن والاحداثيات لانه مهمه وبدونها ما ينفع ..؟
انا بالانتظار