اخي الكريم اذا سافرت امريكا للسياحه ماتحتاج اي تامين صحي لكن اذا حدث لاسمح الله لك اي مكروة راح تدفع بلاوي سوده في المستشفى انا مشترك في التامين الصحي مع البنك اللي مشترك وياه والمبلغ اللي ينخصم مني دينارين كل شهر والتامين الصحي للعايله كلها ويم سافرت مع العايله الصيف الماضي الوالده تعبت ويا ولدي وديتهم المستشفى طبعا الدخول مجاني مع الفحص والتشحيص وكل شي والله مادفعت الا فاتوره الصيدليه لو تشوف الفاتوره والله فيها بلاوي لكن الحمدلله عطيتهم التامين وعلى طول وقعت وطلعت
انصحك في التامين واعتقد انه صار الزامي في كل دول العالم

ياليت يصير التأمين الصحي إلزامي لطالبي التأشيرة الأمريكية ... اسوة بالفيزا الأوروبية ... لأنه بصراحة التكلفة ما ترحم في حال لا قدر الله صار لك شئ ... ومثل ما تفضل اخونا ناصر كويتي يا ليت تأمن وتريح بالك .. وان كنت من السعودية ترا التعاونية للتأمين عندهم برامج تأمين للسفر بأسعار ومدد مختلفة ... تبدأ على ما اذكر من 150 ريال للشهر إلى 570 ريال تقريبا للسنة شامل امريكا وكندا ... ياليت تزورهم او تكلمهم وتستفسر منهم ونصيحة لاتعداهم لأنهم شركة كبيرة وموثوقة ....
موفق ان شالله ..

حتى الان غير الزامية ... وانا موجود حاليا في امريكا بدون تامين ولكن مثل ما تفضل الاخوان المشكلة تكمن في حال حدوث عارض صحي لاسمح الله
تحياتي

اقول امّن احسن لك
انا كنت في كندا وانكسرت يدي والله لو ماعندي تامين كان بعت اللي قدامي واللي وراي

الله يعطيكم العافية جميعا كلا بأسمه

اخي ناصر الكويت اي بنك هذا اللي يخصم دينارين بالشهر ؟
وهل جميع مستشفيات العالم ؟

الاوربي
اخي الكريم هذا البنك بنك الخليج
كل مستشفى معترف فيه بالعالم طبعا