النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في النمسا

استفسار بخصوص ميزانيه السفر الى النمسا و المانيا

om shaikah

26-08-2022 - 10:36 am

السلام عليكم
شحالكم
عساكم بخير
خاطري اسافر النمسا و المانيا
بس الوجهه الاساسيه تكون النمسا لاني رحت المانيا
الباكج 40 الف درهم
المدة اسبوعين
انا و زوجي و طفلين
يا ليت تساعدوني بخصوص الحجز و الميزانيه راح تكفي ؟؟
انتظر ردك

التعليقات (4)

ALI_Q8_77

26-08-2022 - 02:18 pm

مرحبا
ان شاء الله يتحقق الي بخاطرج
الميزانيه كافيه وحلوه
بس خبريني متى السفر ؟؟

سياس

26-08-2022 - 03:19 pm

25 الف تكفي
بس متى وقت السفر بالضبط

الشمري ابو محمد

26-08-2022 - 04:20 pm

هل تقصدين الميزانية مع التذاكر والسكن او بس ميزانية المصاريف
انا الان لي اسبوع ونص في النمسا والمانيا ميونخ وجارمش وزيلامسي مع زوجتي وطفلين ميزانية مصاريفنا اليومية بين 120 يورو الى 180 يورو مع تسوق خفيف واكل مطاعم وتمشيات بسيارة ايجار وتذاكر تلفريك وغيره
اعتقد خلي حسابك على من 700 الى 1000 درهم يوميا من غير السكن والطيران بتكون ميزانيتكم كافيه وزود ان شاالله
انا كنت شاغل بالي بالميزانيه قبل مااجي لكن الحمدلله الامور طيبه وسهالات اذا عندكم سياره ايجار لان التاكسي هو اللي ياكل المصروف ابعدو عنه نهائيا
المطاعم تكلف مابين 50 الى 60 يورو للوجبه الوحده بالكثير ماتزود عن كذا اذا اكلكم راهي اما مطاعم الوجبات السريعه ماك وغيره ماتكلف اكثر من 20 يورو
والواحد يقدر يتحكم في مصروفه اهم شي ابعدوا عن التكاسي وخلوا التسوق اخر يومين

om shaikah

26-08-2022 - 05:22 pm

مخططة للسفر في شهر 3 اذا الله راد
0الف مع تذاكر السفر
بس اريد اعرف بهالميزانيه وين ممكن اروح في النمسا
و هل يمكن استبدل المانيا بسويسرا ؟؟
و كيف الجو بيكون هناك في هالشهر