امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
  2. امريكا US
  3. استفسار بخصوص شركات الطيران
نشر في امريكا US

استفسار بخصوص شركات الطيران


    • sullmish
    29-07-2022 - 04:07 pm
    السلام عليكم ورحمة الله وبركاته
    بغيت مساعده من الاخوه الاعضاء
    لاني بغيت احجز عاليونايتد بس ماقدرت ويوم كلمت اليونايتد قالولي مايصير احجز عبر الانترنت لانه الحجز الاون لاين مخصص حق اللي عندهم بطاقه صادره من بنك امريكي او كندي :112::112::112:
    فشلون احجز اذا ابي عن طريق النت
    وافيدوني ايهو احسن اليونايتد او الدلتا ودمتم


    التعليقات (9)
    • أم علالي
    أم علالي
    29-07-2022 - 06:34 pm

    مرحبا
    تقدرون تحجزون عن طريق شركات الحجز المختلفة على النت
    إحنا عادة نتعامل مع Expedia.com موقع ممتاز
    إذا احتجتوا أي مساعدة فإحنا في الخدمة
    مع ودي
    أم عالية

    • strongman
    strongman
    29-07-2022 - 07:35 pm

    sullmish
    اي صح اخوي موقع اليونايتد مادري اشفيه ماتقدر تحجز منه وانا صراحه شفت الدلتا ارخص حق الطيران الداخلي بين الولايات

    • sullmish
    sullmish
    29-07-2022 - 08:36 pm

    strongman
    بس شلون الدلتا زينين ؟ وتقدر تحجز عن طريقهم ولا لأ؟
    اختكم
    ام عزيزان

    • strongman
    strongman
    29-07-2022 - 09:37 pm

    sullmish
    اختي انا مادري انتي تبين تحجزين داخلي ولا من وين بالضبط انا قاعد اقولج على طيران داخلي لا باس فيه اثنينهم زين وتوني تاكدت من المواقع تره شغاله مافيها شي بس طبعا داخلي مثل ما قلت لج يعني بروح من نيويورك الى كاليفورينا وبرجع من لاس فيغس الى نيويورك
    اطلعت الدلتا ارخص من اليونايتد

    • sullmish
    sullmish
    29-07-2022 - 10:38 pm

    أم علالي
    اعذريني ماشفت ردج ..
    والله ذكرتيني صح expedia موقع رائع بحاول اشوف الحجز وماقصرتي حبوبة ..
    اختج
    ام عزيزان

    • sullmish
    sullmish
    29-07-2022 - 11:39 pm

    strongman
    انا ابي احجز ( كويت واشنطن - واشنطن اورلاندو ) والعكس يعني دولي وداخلي .. توني دخلت موقعهم ( اليونايتد ) وماقدرت ادفع لأنه لازم احط عنوان لي بامريكا يطابق العنوان اللي بالبطاقة

    • شراع الهوى
    شراع الهوى
    30-07-2022 - 12:40 am

    والله احنا حجزنا قبل اسبوعين على الدلتا وايد ارخص خذيناها من دناتا نفس اسعر بالنت بس ياخذون عالتذكره عموله 10 دنانير يعني اسهل واضمن بس خلي ببالكم الطيران الاجنبي مايرجعون المبلغ اذا حدث اي ظرف ولا يغيرون الموعد ولاتتحول لشخص اخر

    • strongman
    strongman
    30-07-2022 - 01:41 am

    شراع الهوى
    اخوي اشلون خط سير الرحله وعلى جم حصلت التذكره من مكتب دناتا اذا ممكن وشكرا

    • taliany
    taliany
    30-07-2022 - 02:42 am

    اختي بخصوص الحجز معلومتج صحيحه مايحجزون الا ببطاقه يكون عنوانها عل امريكا او صادره من بنك امريكي يعني حتى لو انتي بالكويت وعندج حساب بالبنك الامريكي يغطي تكاليف الحجز وتعطينهم رقم البطاقه وتحطين العنوان الي صادره منه البطاقه شغلج يصير اوكي
    بس على الفيزا والماستر الكويتيه مايمشي شغلج لانه هالشي صار وياي وانا بامريكا


    خصم يصل إلى 25%

    المسافرون العرب أكبر موقع سياحي في الخليج و الوطن العربي ، يضم منتديات و موقع المسافرون العرب اكبر محتوى سياحي على الانترنت حيث يحتوى على 200 ألف استفسار و نصائح عن السفر و السياحة, 50 ألف تقرير سياحي للمسافرون.

    20 عام هي رحلة منتديات المسافرون العرب الممتدة.
    © المسافرون العرب - الاصلي و الكامل 2025