هلا اخوي --- ما شاء الله شهر في المغرب بتكون رحلة العمر الله يهنيك في سفرتك اخوي ---- الشقق غير امانه اللي ما يكون عليها حارس عند باب العماره وفي شقق والعياد بالله تكون مشبوها والدرك (الشرطه ) يداهم الشقه في اي وقت وخدها نصيحه من اخوك لا تسكن في متل هادي الشقق 0اسعر الشقق في مراكش تختلف من مكن الى مكان من 500درهم الى 3000درهم الحيه في مراكش مكلفه وانا اخوك مراكش طول ايام السنة زحمة ادا تبي توفر ابعد عن المطاعم وكل في الشقه ولا تستأجر سياره طول الشهر بس استأجر لما تروح مكان بعيد عن وسط مراكش ولا تركب تكسي اركب في التكسي الكبير معى الناس وان شاء الله تروح وترجع بالف سلامه 0وأي استفسار نحن في رسم الخدمة ... وعذرا ً على التأخر بالرد ... والسلام اخوك /عادل محمد

بدايه الحديث اتمنى لك سفر ممتع ..
ولاتنسى تصفح الموضوع المثبت من كتابه الاخ نايف حرب لمافيه من المعلومات والنصائح القيمه
انا راح اتحدث عن معشوقتي مراكش ..
نصيحتي لك طالما انت لوحدك ابتعد عن الشقق لانها غير امنه وعلى حسب ميزانيك ارشح لك فندق
(ibishote) المسافر .. قريب من مطعم ومحطه الوقود (افريقيا) سعر الاوتيل ممتاز 20 يوم تكلف تقريبا
(5121 ريال سعودي) هذا بالنسبه لوحجزت عن طريق موقعهم على الانترنت على الرابط التالي
http://www.ibishotel.com
لكن نصيحتي لك حتى تجد افضل الاسعار حاول تزور اي مكتب سفريات في مدينتك اكيد بيجيبون لك
اسعار رخيصه ومناسبه ..
بالنسبه لمراكش يوجد بها الكثير من الاماكن السياحه الجيده .. مثلا جامع الفنا وحديقه ماجوريل
والمدينه القديمه .. ويمكن لك تنظيم وقت واخذ لفه كامله على المدينه عن طريق امرين اما الباص السياحي
المكشوف من الاعلى او عن طريق العربات (الحنطور) ان صح الاسم ..
ايضا عند زيارتك لمراكش وخصوصا في هذا الشهر لاتفوت متعه التزلج وذلك للذهاب للاماكن السياحيه الموجوده
في ضواحي مراكش واقصد ( اوكيمدن ) حيث يمكن هناك اللعب في الثلج والتزلج وقضاء وقت ممتع
وايضا ( اوريكا ) و( ستي فاطمه ) والاستمتاع بمناظر الشلالات هناك ... ايضا ضع في جدولك زياره (شلالات ازود)
وزياره البحر الاصطناعي ( البلاج غوج )
وبالنسبه للتنقل داخل مراكش فأنت لاتحتاج ل استإجار سياره التاكسي تفي بالغرض لكن تنبه الى نقطه مهمه
وهي عند صعودك في التاكسي اطلب منه تشغيل العداد .. طبعا بالبدايه سيرفض ويقولك المشوار ب 100 درهم
لاتصدق هالكلام .. اتفق معه على العداد ومشاوير مراكش ليست غاليه اغلى سعر للمشوار لا يتجاوز 30 درهم
بالنسبه لداخل المدينه ..
نرجع للشيئ المهم ( التغذيه ) الاكل يوجد الغالي ويوجد الرخيص .. ابتعد عن المطاعم الغاليه ..
اتمنى اكون وفقت في توضيح الكثير لك عزيزي ولو عندك اي استفسار لاتتردد جميعنا في خدمتك

السلام عليكم اخواني انا ناوي ان شاء الله اروح للمغرب لحالي في شهر 12 لمده شهر تقريبا راح اقضيها بين الدار البيضار يومين ومراكش 20 وطنجه 8 ايام ...
الخيار لك ولكن برايي أن تقسيمك مش أوي على قوله المصريين ..
عندك شهر وتعطي كازا يومين !! ومراكش عشرين يوم ..!!
برايي كاسا تحتاج أكثر ..
وتقسم وقت مراكش بينها وبين أكادير لانها تستاهل الزياره ..
وأنت على راحتك .. مجرد رائ ..
قريت في المنتدي عن ان الشقق غير امنه
لاني انا راح استاجر شقه الفنادق غاليه جدا بس ابي اعرف كيف يعني الشقق غير امانه
واذ ممكن اسعار الشقق في مراكش
الشقق التي يستأجرها الخليجيين بكثرة تكون مشبوهه ..
ومعنى مشبوهه أن شقتك تصبح مثل السوبر ماركت كلاً داخل خارج ..
والآن يفرحون بهذه الفرص ..
ولكن هنالك شقق تكون جديده وإلا بعيدة عن مناطق الشبه مثل قيليز وغيره من المناطق ..
بخصوص الميزانيه قريت ان الشباب يقولون 1000 ريال في اليوم صراحه المبلغ جدا كبير
ابي طريقه من خلال تجاربكم يعني يكون صرفي معقول لليوم مع العلم اني ما اروح ملاهي ليليه يعني راح تكون استجمام وزياره اماكن سياحيه ... من كثر ما قريت احس اني مشوش
الف ريال للي يبي يسهر ..
لكن واحد ما عنده مع هالامور راح يصرف أقل بكثير بطبيعة الحال ..
نصيحتي لك ..
لو تعرف أحد من رواد المغرب تجلس معه أو تتصل به وتأخذ منه كل التفاصيل وهو بطبيعته سيدعمك بكل ما تريد بأرقام الشقق وأرقام السيارات وكل ما تريد ..
مدة زيارتك طويله ولو خططت لها جيداً صدقني ستكون ناجحة بكل المواصفات وستوفر لنفسك الكثير لا من الوقت والمتعه حتى المال ..
ودمت بكل ود ..

شكرا لكل الاخوه الي ردو علي الموضوع
طيب تعالو ننسق الرحله مع بعض انا عندي شهر كامل تقريبا او يمكن يزيد الي شهر ونص
ما عندي ايه خبره يعني مثلا اخذ في كازا اسبوع و بعدين اقادير اسبوعين ومراكش اسبوعين
ما راح استاجر اي سياره رخصتي منتهيه بس بخصوص السكن انا كنت ناوي شقه عشان اجيب شغاله تطبخ لي
اكل مغربي ويكون ارخص من المطاعم بس الاخوه خوفوني فشكلها فنادق الاسعار الي اتطلع لها بخصوص السكن
يعني تكون معقوله في حدود 350 درهم الي 400 بلكثير ما ابي خمس نجوم او فخامه انا جاي اتمشي
بس ياليت من الخبراء ينسقون لي الرحله عشان تكون ناجحه ويكفيني المبلغ يحبذا تذكرون لي مواقع الشقق في مراكش وكازا واكادير او حتي الفنادق الي نظيفه وسعرها مناسب ... بخصوص التذكره قريت بعض الشباب كاتبين عن تذكره فئه V ب 1275 ريال دخلت موقع الخطوط السعوديه ما حصلت الا اسعار نار تصل الي 3700 ريال
تحياتي وشكرا علي جهودكم المباركه

1. رايح ازورك


2. هل قمت بالحجز ؟


3. وعلى أية خطوط ؟

رايح ازورك

جَمعتُ لكَ هذهِ المواضيع المفيدة والتي آمل أن تجد بها ضالتك ، علماً بأن المنتدى زاخر بالكثير من المواضيع المُفيدة ، أما فيما يتعلق بتذاكر السفر فتلك قضيةٌ شائكة أحياناً ، لإنك إذا لم تحجز قبل السفر بفترة طويلة أو لنقل (معقولة) فإنك ستجد الأسعار تختلف وتتصاعدُ حسب مواعيد السفر (ذهاب إياب ) ..!
بدايةً نبدأ بالميزانية وهي تعتمدُ على مصاريفك أنت لوحدك و جدولك للرحلة والأماكن التي تود زيارتها
وأيضاً المشاوير (حجوزات طيران داخلية - سيارات أجره - قطارات) وتلك لابد أن تضعها في الحسبان في حال رغبتك بالسفر بأي وسيلة من الوسائل ، وفيما يتعلق بالمشاوير الداخلية فهي غالباً ما تكون بسيارات الأجرة.
ونأتي بالمطاعم ثانياً ومدى رغبتك أو شغفك بالمأكولات وتنويع الوجبات أو توحيدها (ولو أنه من الصعب) التأقلم على وجبات موحدة ، فهنالك الكَثير من المطاعم الرائعة وذات أسعار معقولة تفي بالغرض.
ثانياً : خط سير الرحلة والمدن التي ترغب في زيارتها ومدة الإقامة .
وهنالك الكثير من الأمور التي تحتاجُ إلى دراسة ، لكنك ستجدُ في الروابط أعلاه كل ما تبحث عنه بإذن الله
أما فيما يتعلق بالمطاعم فهذا الرابط يوضح لك المطاعم الجَميلة نقلاً عن الإخوة الكِرام في البوابة
https://artravelers.com/p/re/248148
وقبل هذا كله لدي سؤال !!

هل قمت بالحجز ؟

وعلى أية خطوط ؟

وفي أي مدينة تسكن الآن ؟ ( كي لا تتفاجئ في حال ارتفاع أسعار التذاكر) مثلاً لو كنت من مدينة الرياض وتريد السفر على متن طيران الإتحاد أو الإمارات فإن السعر سيكون مرتفعاً بعض الشيء لكن لو كنت من سكان المنطقة الشرقية فإن السعر سيكون أقل..!
وأود أن أقول لك بأن أسعار الخطوط القطرية إلى الآن هي الأقل ، بلغت التذكرة اليوم ب 2140 ريال ، لكن على متن القطرية ستضطر للوقوف في ليبيا لمدة ساعة تَقريباً..!
آسف على الإطالة

حبيب قلبي ما ازيد على الشباب كفو ووفوا بس بلحالك واول رحله اشوف تسكن بكازا في فندق اطلانتيس وتتمشى كم يوم بعدين بتصير محترف بالبلد ,,,رح لمراكش برضوا خذ فندق جميل وبالسلامه ان شاء الله.

يستر عليكم........ جهودكم مباركه ... الف شكر لك
منتدي رائع بمعني الكلمه ....

رايح ازورك
بالنسة للتذكره انا اخذتهاوسفرتي الثلاثاء القادم
الرياض - كازا - الرياض
4ريال
اخذتها من فرسان للسياحة على فئة v
واعتقد تستطيع تحجزها عن طريق رقم الخطوط السعودية 920022222
طبعا تذاكر v غيرمسترجعه ولاتعديل ولا تبديل بموعد الرحلة ... يعني اذا مارحت الله يخلف على فلوسك
اذا كنت بين وبين بالسفره ما انصحك فيها
بالنسبة للشقق والفنادق تقدر تحجز عن طريق الانترنت ... وتعرف اسعارها مسبقا .. ولو كان فيه فرق تلاقي الفرق بسيط بسبب سعر الصرف لانه تقريبا جميعها تتعامل باليورو ..
واالله يوفقك ..

بعطيك العافيه اخوي بخصوص التذكره ما اقدر اغير مثلا تاريخ الرجعه الروحه اوكيه راح اكدها عادي بس الرجعه ما ادري بلزبط متي تكون مثلا لو بغيت اغير الرجعه ادفع لهم مبلغ معين او غرامه مثلا واغير توقيت العوده