فيتامين واو
الاولى مدري وش يقصدون فيها بالضبط ..لكن مو معقول تجي اخر الليل وما تلقى احد
الثانية : مجرد حجز والدفع عند الوصول ..لكن عندهم الحق في الخصم قبل الوصول..اذا تبي تنكسل انتبه من اخر يوم لالغاء الحجز..
الثالثة: اسم العائلة او القبيلة ..والنعم فيك وانا ما اعرفها

والنعم بحالك
لاكن وشلون لهم الحق في الخصم هي يا خصم مباشره يا يكتفون بالتأكد من البطاقة والرصيد واذا ما جيت بسم الله علي لهم الحق بالخصم
ابي تأكيد للكلام ولا تهون يا كراش
وين باقي الاعضاء يردون

هي للتاكيد...بس بعض الفنادق يخصمون مبلغ اذا ما جيت او الغيت حجزك متاخر

انت تقول
عندهم الحق في الخصم قبل الوصول
هذا اللي استغربته
عموماً مشكور
والا الان وانا انتظر باقي الاعضاء يشاركون في الموضوع ويردون
لأن باقي استفسارات ما لها جواب
وينكم يا الربع

اخوي هذا مو خصم
هذا حجز للمبلغ فقط
واذا ماجيت او مالغيت الحجز يخصم عليك
واذا جيت الفندق وجلست فيه ودفعت اللي عليك يرجع المبلغ في البطاقة

فيه شي اسمه ضمان بدون خصم يعني تكون عندهم معلومات البطاقة كلها واذا ما جيت لهم الحق في الخصم وهذا اللي انا ابيه
والشي الثاني اللي هو حجز المبلغ وبكذا صار فيه خسارتين لي كيف
الخسارة الاولى انهم اذا حجزو المبلغ صار عليك فرق الصرف لليورو مثلاً
والخسارة الثانيه اذا ردو المبلغ يصير عليك فرق صرف للريال
وهذا اللي انا ما ابيه
ابي تأكيد يا شباب ويا شابات للكلام اللي انا كاتبه
وما قلتولي كيف اطبع الفوتشر لان الكلام اللي يوصلني على الايميل كثير وما يكفيه الا ثلاث اوراق ومب معقول اني اخذ معي ثلاث اوراق لكل فندق كذا بيحسبون اني بشتريه
تكفون ابي رد بسرعه الرحله السبت القادم وانا ما حجزت
وين اللي جرب وين الاعضاء الباقين وين المشرفين وين اللي يدور الخير
ارجو المساعدة تكفون يا جماعة
والله صوتي راح
ويدي تعبت من الكتابة

فيتامين واو
الواضح من كلامك انك ما قد استخدمت الكردت كارد في حجوزات الفنادق
انا زيك حاجز عن طريق البوكينق...كل فندق عنده قوانين يعني بعضهم يعطيك 24 ساعة قبل ما تجي عشان تلغي الحجز والا بيخصمون عليك مبلغ معين وبعضهم يعطيك مهلة اطول وبعضهم يخصم كامل المبلغ من الحين سواء جيت او ماجيت كل هالمعلومات تلقاها في الايميل اللي راسلينه لك..انت تقيد بالشروط وماراح يخصمون عليك والالغاء عن طريق الموقع بعد..من كثر اسئلتك في هالموضوع كانك ماراح تسكن بالفنادق اللي حجزت فيها .
في نفس الايميل رقم الحجز وعشان تضمن اتصل فيهم وعطهم رقم حجزك عشان تتاكد انك حاجز ..ولما تصل الفندق عطهم هالرقم وتلقى معلوماتك كاملة
مااتوقع تخسر في فرق العملة في حالة الحجز يا حبيبي..تخيل اني حاجز ببطاقة مو مفعلة نهائيا ويقولون حجزك اوكي اذا جيت تبي تدفع لهم بالفيزا او بفيزا ثانية او كاش ما تفرق معاهم..لا تخاف من هالنقطة نهائيا

يا بعد قلبي يا كراش افهمني بس
انا عارف قوانين الفنادق وعارف اني اذا ما وصلت في نفس اليوم وش حقوقهم
وانا مب خايف اني ما اوصل الفندق في نفس اليوم اللي انا حاجز فيه باءذن الله بكون متواجد في نفس الموعد
السؤال هو ان هالكلام Payment
You have now confirmed and guaranteed your booking by credit card.
All payment is to be made during your stay at the hotel. Payments in advance will be clearly stated on the website.
The hotel reserves the right to pre-authorise credit cards prior to arrival
معناه حجز على المبلغ لين يوم الوصول او بس مجرد تأكيد بدون خصم زي ما صار عليك
لأنك زي ما قلت سياسات الفنادق تختلف
وانا اهم شي انهم ما يخصمون من البطاقة
لانهم اذا سحبوا المبلغ للتأكيد بيسحبون يورو هذا الكلام لو قلت اني بحجز في النمسا مثلاً وتخيل ان المبلغ 1000 يورو لمدة 5 ايام
والبنك اللي اتعامل معه الراجحي وسعر الصرف عندهم 5200
ولاحظ اني لو اصرف من الصرافين اللي في البطحاء في الرياض سعر الصرف 5000
واذا وصلت الفندق ورجعو المبلغ للبطاقه البنك بيصرف من يورو الى ريال وسعر الصرف 4800
اصير كم خسرت يا الذيب 400 ريال
وتخيلها على 20 يوم يعني تقريباً 1600 ريال
هذا اللي انا ابيه يوصل لك وان شاء الله تفهمني
بعدين انت ركزت على هالسؤال وين جواب باقي الاسئلة
ابي اعرف وش آخذ من الايميل وش اطبع بالضبط

اضافه بسيطة
هل اذا انا طبعت الايميل وخذته معي يكون حجزي مضمون او لازم اتأكد من الفندق بالمراسلة